IBIRAAWOOTA 5:9 - Qullaawa Maxaafa

⁹ Guuta ikkasi anfihu gedensaanni, hajajantannorira baalaho hegere gatora doogo ikkinonsa.

IBIRAAWOOTA 5:9 ပူးပေါင်းရင်းမြစ်များ

FAARSO 45:17

Su'mikki ilamate ilamara qaagamanno gede asseemmo; kunnira, hegere hegerera daga galattannohe.

FAARSO 51:6

Ati halaalenna sumbe baxatto; wodani'yara egennokki wonshie.

FAARSO 51:8

Hisachishannorenna tashshi assannore macciishsheemmo gede assie; hiiqqoottoti miqqa'yano hagiidhito.

ISAYAASI 45:22

«Ane agurranna wolu magani nookki daafira, baattote qacce geeshsha heedhinoonniri baalu, anewa daggine gato afidhe.

ISAYAASI 49:6

Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.

ISAYAASI 50:10

Ki'ne giddo Kaaliiqa waajjannohunna, isi soqqamaanchi yaannore macciishshannohu ayeti? Tunsichoho hee'rannohu xawaabba afi'rinokkihu, Kaaliiqa addaxxo; Maganosi irki'ro.

ISAYAASI 55:3

«Anewa higgine yeemmore macciishshe! Lubbotenni heedhinanni gede qaale'ya macciishshe. Daawitira oommota bagamannokki baxilli hexxo, ki'ne aana wonsheemmo.

DAANIEELI 9:24

«7 hige 70 lamala yinannihu Maganu mannakkinna qullaawa katamakki cubbunninna bunshetewiinni keere fushshate hirqino yannaati. Hatte yannara cubbu aguramanno; hegere halaali darga amadeenna ajuujanna himanu wo'manno; Qullaawa Mineno gatamarre maassi'nanni.

ZAKKAARIYAASI 6:15

Hatte yannara, fafowa hee'ranno manni Kaaliiqiha Qullaawa Mine galagalche mina kaa'lara daanno. Qullaawu Mini'ya minamanno yannara, ki'newa soyinoehu Olantote Mooticha Kaaliiqa ikkinota affinanni. Kuni baalunku wo'mannohu Magani'ne Kaaliiqira hajajantinirooti.

MAATEWOOSI 17:5

Pheexiroosi hatto yee coyi'ranni hee'reenna, xawanno gomichi daye golinsa; gomichu giddonni, «Hagiirsiisannoehu, baxeemmohu Beetti'ya konneeti; isi yaannota macciishshe!» yitanno huuro daggu.

LUQAASI 13:32

Yesuusi qole, «Hadhine hakko yeedaalchira, ‹Techonna ga'a durriisa fushsheemmo; dhiwantinoreno hurseemmo. Sayikki barra looso'ya gudeemmo yiino› yitine kullesi.

YOHAANNISI 19:30

Yesuusino shiisha suumetenni kisihu gedensaanni, «Xaate ikkino» yii. Umosi heeshshi asse lubbosi sayise uyi.

SOQQAMAASINETE LOOSO 3:15

Heeshsho aannoha shitinoonni; Maganu kayinni reyotenni kayisinosi. Kunni coyira ninke naqaashshete.

SOQQAMAASINETE LOOSO 4:12

Gato wolewa ayewano dino. Gatote hasiisannonkehu mannaho uyinoonni su'mi gordoho woroonni wolu dino» yii.

SOQQAMAASINETE LOOSO 5:32

Kunni coyira ninke naqaashshete. Maganu hajajantannosirira uyinohu Qullaawu Ayyaanino naqaashshete» yii.

ROOMU SOKKA 1:5

Kiristoosi widoonninna isi su'mi daafira, manna daga baalate giddonni amma'nate hajajama widira qoleemmo gede, Maganu soqqamaasinchimmate elto uyinoe.

ROOMU SOKKA 10:16

Ikkollana Isayaasi, «Mooticha'ya, coyi'noommo qaale ayi ammanino?» yee coyi'rinonte gede, baalunku Dancha Duduwo diadhitino.

ROOMU SOKKA 15:18

Daga Maganoho hajajantanno gede assate Kiristoosi coyi'roommo qaalinninna assoommo coyi widoonni loosinore agurranna wolere coyi'ra dihasi'reemmo.

ROOMU SOKKA 2:8

Uminsare calla hasidhanno haxawarrootira, halaalaancho coye facci assite agurtannoriranna bunshe hassannori aana kayinni Maganu, hanqonna aara dirrisanno.

ROOMU SOKKA 6:17

Ki'ne alba cubbu borojjeeti; xa kayinni adhitinoonni rosira wo'mu wodaninni hajajantinoonni daafira Maganoho galatu iillosi.

LAYINKI QORONTOOSI 10:5

Maganu egenno aana ka'anno boo'na baala diingeemmo. Kiristoosira hajajantanno gede mannu hedo baala qafandeemmo.

FILIPHISIYUSI SOKKA 2:12

Kunnira, ki'ne baxillaasine'ya! Ani ledo'ne noommo yannara wo'ma woyite hajajantinanni heedhinoonni. Xa ki'newiinni fafe hee'reenna kayinni albinni roore hajajantinanni gede qaagiisseemmo'ne. Waajjatenninna huxi'ratenni gato'ne wo'ma ikkitanno gede assidhe.

LAYINKI TESELONQE 1:8

Hatte yannara, Magano egentinokkirenna Danchu Duduwi Mootichu Yesuusihura hajajantannokkire qorichishanno.

LAYINKI TESELONQE 2:16

Mootichinke Yesuusi Kiristoosinni, qoleno baxinonkehunna eltosinni hegere jawaantenna dancha hexxo uyinonkehu Maganu Anninke,

LAYINKI XIMOOTEWOOSI 2:10

Kunnira, insano Yesuusi Kiristoosi widoonni afi'nanni gatonna hegere ayirrinye afidhanno gede, Maganu doodhino manni daafira yee baalanka coye cinceemmo.

IBIRAAWOOTA 1:14

Sokkaasine maatiyya? Maganoho soqqantannorenna gato ragidhannore kaa'late Maganu soyino ayyaanna di"ikkitino?

IBIRAAWOOTA 11:40

Maganu ninkera woyyanno coye hedinonke; kunnira, insa ninke ledo ikkinnina calluwinsa guuta manna ikka didandiitino.

IBIRAAWOOTA 11:8

Abirihaami Maganu albillitte aasira hexxo uyinosi gobba ha'rate woshshami yannara, ha'rannowa afa hoogirono ha'rate, hajajame fulinohu amma'natenniiti.

IBIRAAWOOTA 12:2

Amma'nanke umonna gawalo ikkinohu Yesuusi aaninni ille'ne hooltinoonte. Isi albasiinni noo hagiirri daafira yee, shollinye waajjikkinni masiqalu aana ree, ayirradu Maganu barcimira qiniiteenni ofollino.

IBIRAAWOOTA 2:10

Lowo manna heeshshote widira haa're massannohu Yesuusaati. Baalankare kalaqinohunna irkisanno Magani, reyote qarri widoonni qole Yesuusa guuta assa maltinosiho.

IBIRAAWOOTA 2:3

Tenne jawa gato lashshi assine agurrummoro, qorichuwiinni hiitto ikkine ganteemmo? Tenne gato balaxe Mootichunku lallawino. Macciishshitinorino konne coye ninkera buuxissinonke.

IBIRAAWOOTA 9:12

Isi Qullaawu Holgira layinkimeeshsho lendannikki garinni umisi mundee haa're einota ikkinnina, meunnitanna boottate mundee haa're dieino. Kunni garinni hegere gato abbinonke.

IBIRAAWOOTA 9:15

Woshshantinori Maganu hexxotenni uyinonsaha hegere iqqa ragidhanno gede, Kiristoosi haaru gondoorira mereerima ikkino. Kuni ikkinohu manna umi gondoori anga hee're loosino cubbinni wode gatisara yee isi reyinohuraati.

IBIRAAWOOTA 9:28

Kiristoosi lowo manni cubbo hunara mitte hige kakkalamino. Qoleno cubbo duqqara ikkikkinni, iso agadhitannore gatisara layinkimeeshsho daanno.

UMI PHEEXIROOSI 1:22

Ammanaano taalu baxillinni baxxinanni gede, halaaleho hajajamatenni lubbo'ne keereensidhinoonni. Kunnira mimmiti'ne ledo xalalu wodaninni seekkitine baxamme.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

YIHUDA 1:21

Hegere heeshshowa iillishshannota Mootichinke Yesuusi Kiristoosi maaro agadhitinanni, Maganu baxilli giddo heedhe.