IBIRAAWOOTA 5:7 - Qullaawa Maxaafa

⁷ Yesuusi tenne gobbara mannu gede ikke hee'ri yannara, reyotenni gatisasira dandaanno Magani widira hige qoonqosi naggi asse wi'le lowo hindiiddonni huucci'ri. Maganu joongillesinna owaantesi lae huuccattosi macciishshisi.

IBIRAAWOOTA 5:7 ပူးပေါင်းရင်းမြစ်များ

FAARSO 22:24

Qarraataamo dimishanno; lashshino diassanno; albasino isiwiinni shawwu diassanno; isiwa raaranno woyite macciishshannosi.

FAARSO 69:1

Magano ballo! Wayi kokke iillinoena gatisie.

FAARSO 88:1

Gatisaancho'ya ikkoottohu Kaaliiqa Magano'ya ballo, hashshanna barra albakkiinni woxarateemmo.

ISAYAASI 49:8

Kaaliiqi, «Ani baxoommo yannara huuccattokki macciishshoommohe; gatote barrano kaa'leemmohe. Galagalchite gobba dhaawatto gede, diigantinota dargase qolatto gede, ate widoonni hige daga baalate ledo gondooro e"eemmo.

ISAYAASI 53:11

Keeraanchu soqqamaanchi'ya lubbosi qarrantuhu gedensaanni, heeshshote xawaabba lae hagiidhanno. Egennosinnino lowo manna keereensanno; saonsano duqqanno.

ISAYAASI 53:3

Mannu mishinosihonna giwinosiho; xissonna qarru amadinosi. Mannu mishe alba shawwu yiinosi; ninkeno diayirrinsoommosi.

LEEWAAWOOTA 2:2

Aarooni sircho ikkitino qeesootiwa haa're abbona. Qeesichuno zayitenna hixaanu aanaho noo bullee mitto hoowo wo'ma haa're, kakkallanni darga masse shilqishona; giirre shiqinshanni kakkalo shilqonnite fooli anera tashshi yaannoe gede, wo'munku aneha ikkinota egensiisate kakkallanni dargira haadhe massitona.

MAATEWOOSI 27:46

Honse saate ikkita Yesuusi, «Eloyi! Eloyi! Lama Sabaqitani?» yee lowo qaalinni coyi'ri. Hatto yaa, «Magano'ya, Magano'ya, mayira agurittoe?» yaate.

MAATEWOOSI 27:50

Yesuusi layinkimeeshsho lowo geeshsha raare kaeenna foolu fulisi.

MAARQOOSI 15:34

Honse saate ikkita Yesuusi, «Eloyi! Eloyi! Lama Sabaqitani?» yee lowo qaalinni coyi'ri. Hatto yaano, «Magano'ya, Magano'ya, mayira agurittoe?» yaate.

MAARQOOSI 15:37

Hakkunni gedensaanni Yesuusi lowo geeshsha raare kaeenna foolu fulisi.

LUQAASI 23:46

Yesuusi qoonqosi naggi asse, «Anna! Kuneeti, lubbo'ya Atera eeggo uyi'roommo!» yii. Hatto yiihu gedensaanni foolu fuli.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 11:35

Yesuusino wi'li.

YOHAANNISI 11:42

Wo'manka woyite macciishshattoeta afoommo. Tenne yoommohu kayinni kawiicho uurre noo manni ane ati soottoeta ammanara yeeti» yii.

YOHAANNISI 17:1

Yesuusi konne coye coyi'rihu gedensaanni iima hige lae, «Anna'ya, yanna iillitino. Beettikki ayirrisannohe gede, atino Beettokki ayirrisi.

ROOMU SOKKA 8:3

Mannu maali wolqa hoogino daafira, Seeru assara dandiinokki coye Maganu assino. Maganu Beettosi cubbaataamu manni lawishshinni cubboho kakkalo asse soyino. Kunni garinni Maganu cubbu aana yoo yee qorichishino.

GALATIYU SOKKA 4:4

Ikkollana, yinoonni yanna iillituta, Maganu Beettosi tenne gobba soyino. Isino, meyati ilteenna Seeru garinni lophino.

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.

IBIRAAWOOTA 10:10

Yesuusi Kiristoosi Maganu hedinore wonshara hasi'rino daafira, ninke baalunku isi maalisinni shiqishinotenni lendannikki kakkalonni cubbinkenni keeraa'minoommo.

IBIRAAWOOTA 10:5

Kunnira Kiristoosi tenne alame daanni hee're Maganoho, «Kakkalonna fushshaate dihasi'rootto; mannimma kayinni qixxeessoottoe.

IBIRAAWOOTA 11:7

Illetenni leellinokki coyi're Maganu balaxe qorophisiise kulisi yannara Nohi Magano waajjatenni minisi manna gatisara markaawe seekkinohu amma'natenniiti. Amma'natenni alamete so'rose leellishino; amma'natenni afi'nanni keeraanchimmano ragi'rino.

IBIRAAWOOTA 12:28

Kunnira, ninke shafamannokki gashshoote ragi'neemmo daafira Magano galaxxineemmo. Hagiidhanno garinni ayirrinyunninna waajjatenni magansi'nosi.

IBIRAAWOOTA 13:20

Maganu Mootichanke Yesuusa reyotenni kayisino. Isi jawa ge'reewu Allaalaancho ikkinohu, hegere gondooro sumundoonnitenni kakkalamino mundee widoonni higeeti.

IBIRAAWOOTA 2:14

Mannu maalanna mundee afi'rinoha ikkino garinni, Yesuusino insa gedee manna ikke suudensa karsami. Hatto ikkinohuno, reyosi widoonni hige reyote aana roorre afi'rinoha Sheexaane hunara yeeti.

UMI YOHAANNISI 4:3

Yesuusi Kiristoosi manna ikke dayinota ammanannokki ayyaani baalu Maganunniha di"ikkino. Hakku Kiristoosa qoxxisanno ayyaanaati. Hakku ayyaani daannota macciishshitinoonni; xa nafa tenne gobbara no.

LAYINKI YOHAANNISI 1:7

Yesuusi Kiristoosi manna ikke dayinota ammantannokkiri lowo so'risiisaano ka'e no; kuri so'risiisaanotenna Kiristoosa qoxxissannoreeti.