IBIRAAWOOTA 5:3 - Qullaawa Maxaafa

³ Isi umisi wolqiweelo ikki geeshsha, cubbo agursiisate kakkalo shiqisha hasiisannosihu, manna callaho ikkikkinni umisirano ledooti.

IBIRAAWOOTA 5:3 ပူးပေါင်းရင်းမြစ်များ

LEEWAAWOOTA 16:15

«Meichu gocono mannu kakkalo cubbunnitera gorrona; mundeeno dukkote giddora Qullaawu Holgira masse, middichu mundee assinte gede, maarote barcimira albaanninna Gondooru Taabootira albaanni wixona.

LEEWAAWOOTA 16:6

Aarooni umisiranna minisi mannira cubbo agursiisate, middicha cubbu kakkalo asse shiqishona;

LEEWAAWOOTA 9:7

Hakkunni gedensaanni Muse Aaroonira, «Kakkallanniwa marte umikkihanna mannu cubbo agursiisate cubbu kakkalonna shilqote kakkalo shiqishi. Tenne baalanta kakkalo mannu cubbo tirate Kaaliiqi hajajino garinni shiqishi» yiisi.

UMI QORONTOOSI 15:3

Ani adhoommoha qara coye ki'nera sayisoommo. Hakkuno qullaawa borro giddo Kiristoosi ninke cubbi daafira ree,

IBIRAAWOOTA 10:12

Kiristoosi kayinni lendannikkita cubbo agursiisate kakkalo shiqishihu gedensaanni, Maganu qiniiteenni ofollino.

IBIRAAWOOTA 7:27

Isi wolootu qeesootu roorrooti gede balaxe umisi cubbira, aancheno mannu cubbi daafira barru baala kakkalo shiqisha dihasiissannosi. Hatto assannokkihu, umosi kakkalo asse shiqishi woyite konne coye layinkimeeshsho lendannikki garinni gudino.

IBIRAAWOOTA 9:7

Qullaawu Holgira kayinni, dirunni mitte hige qeesootu qari callu eanno. Isino umisi cubbiranna mannu afikkinni loosino cubbi daafira mundee haa'rikkinni dieanno.