IBIRAAWOOTA 5:1 - Qullaawa Maxaafa

¹ Mittu mittunku Qeesootu Qari mannu mereerinni doorame cubbo agursiisate fushshaatenna kakkalo shiqishate mannu afoo ikke Maganoho soqqamanno.

IBIRAAWOOTA 5:1 ပူးပေါင်းရင်းမြစ်များ

LEEWAAWOOTA 8:2

«Aarooninna labballi oososi Xaadu Dukkani xullichira massitine, qeesimmate uddano, buurranni zayite, cubbu kakkalora booto, 2 ge'rechu goconna shiishinokki tima aanaho worroonni masoowe haadhine abbe;

LEEWAAWOOTA 9:7

Hakkunni gedensaanni Muse Aaroonira, «Kakkallanniwa marte umikkihanna mannu cubbo agursiisate cubbu kakkalonna shilqote kakkalo shiqishi. Tenne baalanta kakkalo mannu cubbo tirate Kaaliiqi hajajino garinni shiqishi» yiisi.

ROOMU SOKKA 15:17

Kiristoosi Yesuusiha ikkoommo daafira, Maganoho soqqama dandaa'yara naaxxeemmo.

UMI QORONTOOSI 15:3

Ani adhoommoha qara coye ki'nera sayisoommo. Hakkuno qullaawa borro giddo Kiristoosi ninke cubbi daafira ree,

IBIRAAWOOTA 10:11

Mittu mittunku qeesichi barru baala uurre hajanjoonnisi woga wonshanno; cubbo huna dandiitannokki kakkalo marro marro hige shiqishanno.

IBIRAAWOOTA 10:12

Kiristoosi kayinni lendannikkita cubbo agursiisate kakkalo shiqishihu gedensaanni, Maganu qiniiteenni ofollino.

IBIRAAWOOTA 11:4

Aabeeli, Qaayeelita roortino kakkalo Maganoho shiqishinohu amma'natenniiti. Maganu Aabeeli kakkalo hagiidhe adhi yannara, Aabeeli amma'nasinni kainohunni keeraa'minota farci'noonni. Aabeeli reyirono, amma'nasi widoonni hige xaano coyi'ranni no.

IBIRAAWOOTA 2:17

Kunni daafira, baalunku coyinni roduuwasi lawa hasiissinosi. Kunni garinni mannu cubbo hunara yee Maganoho soqqamara ammanaminohanna maaro aannoha Qeesootu Qara ikki.

IBIRAAWOOTA 7:27

Isi wolootu qeesootu roorrooti gede balaxe umisi cubbira, aancheno mannu cubbi daafira barru baala kakkalo shiqisha dihasiissannosi. Hatto assannokkihu, umosi kakkalo asse shiqishi woyite konne coye layinkimeeshsho lendannikki garinni gudino.

IBIRAAWOOTA 8:3

Mitto mittonka qeesootu roorroota worrannihu, Maganoho fushshaatenna kakkalo shiqishshanno gedeeti. Ninkehu Qeesootu Qarino shiqishannoha mitto coye afi'ra hasiissannosi.

IBIRAAWOOTA 8:4

Muse Seeri garinni fushshaate shiqishshanno qeesooti noo daafira, isi tenne gobba aana hee'rannoha ikkoommero, qeesicha ikkanno gari dino.

IBIRAAWOOTA 9:9

Kuni coyi xaa yannara lawishshaho. Kunni garinni shiqinshanni fushshaatinna kakkalo shiqishi'ranno manchi tiia dixalashshitanno.