IBIRAAWOOTA 4:2 - Qullaawa Maxaafa

² Dancha Duduwo insa macciishshitu gede, ninkeno macciishshinoommo. Insa macciishshitino qaale ammanatenni adhitinokki daafira, dikaa'linonsa.

IBIRAAWOOTA 4:2 ပူးပေါင်းရင်းမြစ်များ

SOQQAMAASINETE LOOSO 13:46

Phaawuloosinna Barnabaasi bashshi assitukkinni, «Balanxe ki'nera Maganu qaale kula hasiissanno. Ki'ne kayinni gibbine ‹hegere heeshshono dihasiissannonke› yitine murcidhiniro, ki'ne agurre daganniwa ha'neemmo.

SOQQAMAASINETE LOOSO 3:26

Maganu Soqqamaanchosi doore soyinohu balaxe ki'neraati. Hatto assinohu mittu mittunku bunshete doogonni higgineenna maassi'ra'neraati» yii.

ROOMU SOKKA 2:25

Seera wonshattoha ikkiro, barcimakki kaa'litannohe; Seera sa"attoha ikkiro kayinni, barcimakki barcima hoogate ledo taalote.

ROOMU SOKKA 3:3

Ayihudete giddonni mitu mitu ammanama hoogguro, ammanama hoogansa Maganu ammanama gatissannoni?

UMI QORONTOOSI 13:3

Afi'roommore gudise buxanete beehummoronna biso'ya giirate ee agurummorono, baxillu hoogiero kayinni mittoreno diledannoe.

GALATIYU SOKKA 3:2

Mitto coye calla kultinaera hasi'reemmo; Qullaawa Ayyaana adhitinoonnihu Seera agadhitineetinso kulloonni'neha Dancha Duduwo amma'natenniiti?

GALATIYU SOKKA 3:8

Maganu qaali, Maganu daga amma'nansanni keereensannota balaxe afino. Abirihaamirano, «Daga baala atewidoonni higge maassantanno» yee Dancha Duduwo balaxe kulino.

GALATIYU SOKKA 4:13

Dhiwame ki'newa hee'ra'ya, umo Dancha Duduwo kulammo'nera doogo ikkitinoeta affinoonni.

MARRO 1:32

«Tenne giddoonni kayinni Magano'ne Kaaliiqa diaddaxxitinoonni.

UMI TESELONQE 1:5

Danchu Duduwi ki'newa wolqatenninna Qullaawu Ayyaaninni, wo'ma buuxanni ikkinnina qaalu callunni didayino. Ledo'ne hee'noommo yannara, ki'ne daafira yine hiitto ikkinoommoro affinoonni.

UMI TESELONQE 2:13

Ki'ne daafira agurrummokkinni Magano galanteemmohu wolu coyino noonke. Hakkuno, ki'ne ammantinoonniri giddo loosannoha Maganu qaale kullummo'ne yannara, mannu qaali gede assitine ikkikkinni, Maganu qaali gede assitine adhitinoonni. Addanko loosannohu Maganu qaaleeti.

UMI XIMOOTEWOOSI 4:8

Manninate kaajjishi'rate rosi shiimarella kaa'lanno. Magano magansi'ra rosa kayinni xaarano dagganno heeshshorano hexxo noota ikkitino daafira, baalunkurira kaa'litanno.

IBIRAAWOOTA 11:6

Amma'na nookkiha Magano hagiirsiinsara didandiinanni; mayira yiniro, Maganunniwa shiqqi yaanno manchi Maganu nootanna iso hasi'ranno mannirano ba'raa'ra aannota ammana hasiissannosi.

IBIRAAWOOTA 3:12

Roduuwa'ya! Ki'ne mereero ayino heeshshote Maganiwiinni badannohu bushunna ammanannokki wodani hee'rannosikki gede qoropho.

IBIRAAWOOTA 4:6

Balaxxe fooliishshonniha Dancha Duduwo macciishshitinori hajajama giwansanni, Maganu aannonsata fooliishshote gobba die'ino. Ikkirono, hakkiira e'ara fajjinoonninsari mitu mitu manni no.

YAIQOOBI 1:21

Kunnira battetenna bunshete batinye baala huntine, Maganu wodani'ne giddo kaasinohanna lubbo'ne gatisa dandaanno qaale joongillunni adhe.

UMI PHEEXIROOSI 1:12

Tini himanaano ki'nera ikkinnina uminsara soqqantinokkiti xabbe leeltinonsa; soqqantino'nehuno gordunni sonkoonnihu Qullaawu Ayyaani widoonni xa Dancha Duduwo kuli'ne manni hasaawinore xawisatenniiti. Konne coye sokkaasine nafa la'ara halchitanno.