IBIRAAWOOTA 4:16 - Qullaawa Maxaafa

¹⁶ Maaro adhatenna hasiissanno yannara kaa'litannonke elto afi'rate, elto noowa ayirradu Maganu barcimiwa ruxxi yinummokkinni shinqo.

IBIRAAWOOTA 4:16 ပူးပေါင်းရင်းမြစ်များ

UMI DUDUWO 28:11

Daawiti Selemoonira Qullaawu Mini waalcho, uduunnu minna, giddoyidi kifilla, aliidi kifillanna cubbo agursiinsanniwa Qullaawa Holge minnanni akeeka baala uyisi.

ISAYAASI 27:11

Haqqichote sinna mooltuhu gedensaanni hiiqqaqqante ubbanno; meentuno daye giirate adhanno. Wodancha nookki manna kalaqaanchu Magani dimararanno; horonta dimaarannonsa.

LEEWAAWOOTA 16:2

«Ani maarote barcimi aana gomichunni leelleemmona, rodiikki Aarooni dukkote giddo Qullaawa Holge Taabootu aana noohuwa maarote barcimiwa hasiisanno yannara calla eanno gede kulisi. Hajajama giwiro kayinni reyanno.

EFESOONI SOKKA 2:18

Isi loosinni ninke baalunku mittu Qullaawu Ayyaani widoonni hinge Annunniwa ea dandiinoommo.

EFESOONI SOKKA 3:12

Kiristoosire ikkinoommohuranna Kiristoosa amma'ninoommo daafira, Maganu albira be'e yinummokkinni jawaante shiqa dandiineemmo.

IBIRAAWOOTA 13:6

Kunnira hawaqi'ne, «Kaaliiqi kaa'laancho'yaatina diwaajjeemmo. Mannu ma assannoe?» yineemmo.

IBIRAAWOOTA 3:6

Kiristoosi kayinni Maganu mine ammanaminohu, Beetto ikkasinniiti; minisino ninkeeti. Minesi ikkineemmohu, adawadhineemmotanna hawaqi'neemmo hexxo seekkine cu'mi'nummorooti.

IBIRAAWOOTA 7:19

Muse Seeri mittoreno guuta assa didandaanno. Xa kayinni Maganunniwa shinqeemmota woyyitino hexxo uyinoonninke.

IBIRAAWOOTA 7:25

Kunnira insara Magano huuccara hegereha ikke hee'ranno daafira, isi widoonni Maganunniwa daggannore baala horontanni gatisansara dandaanno.

IBIRAAWOOTA 9:5

Gondooru taabooti aana nooha maarote barcima qoolinsanni guggushshitannori kirubeeli yinanni kalaqami no. Ikkollana konne coye baala xa gunde coyi'ne dianfeemmo.

UMI PHEEXIROOSI 2:10

Ki'ne alba Maganu manna di"ikkitinoonni; xa kayinni Maganu mannaati. Alba maaro diafidhinoonnireeti; xa kayinni maaro afidhinoonni.