IBIRAAWOOTA 4:12 - Qullaawa Maxaafa

¹² Maganu qaali lubbo afi'rinohonna loosannoho; lamu afii bisenni roore iibbinoho; lubbonna ayyaana, mikitanna qoe bada geeshsha raqqe e"e qasanno. Wodanu giddo noo hedonna yorto fonqole yoo yaanno.

IBIRAAWOOTA 4:12 ပူးပေါင်းရင်းမြစ်များ

FAARSO 110:2

Kaaliiqi gashshootikki roorre Tsiyooninni kayise halashshohe; baarigaarrakki aana roorre afi'ri.

FAARSO 119:130

Qaalikki tiro xawaabba uyitanno; afa afidhinokkirirano wodancha uyitanno.

FAARSO 139:2

Ati asseemmore baala egennootto; hedo'ya baala xeertote heedhe afatto.

FAARSO 149:6

Lamu qari bise anga amadde ilillissanni, Magano naggi yitino qoonqonni galattosi.

FAARSO 45:3

Ati bareedu! Xirchikkinninna gaacheenikkinni, bagadokki amaxxi.

LAWISHSHA 5:4

Gedensaanni kayinni ise argiisimma qaraartanno; gamaxantino bise gede murtanno.

ROSIISAANCHO 12:11

Egennaammu qaali, saada allaallanni siqqo qaraamete gedeeho; xaadinsoonni maammaashshi gobbe amaddanno misimaarra gedeeho. Kuri aamaminohuno, mittu allaalaasinchi Maganuwiinniiti.

ISAYAASI 11:4

Buxanete taashshe coyi'ranno; qarraataammaho halaale fushshanno. Isi hajajonni mannu qorichishamanno. Bunshe loossannore afiisinni fulanno qaali shaanno.

ISAYAASI 49:2

Arrawo'ya bisete gede gamaxaminoha assino; angasi caalira woroonni maaxinoe; qunxoonni maxxi gede kou giddo worinoe.

ISAYAASI 55:11

afii'yanni fulanno qaalino, hedoommo coyenna, soommo sokka wonshikkinni, mulla galagale anewa dihiganno.

ERMIYAASI 17:10

«Ani Kaaliiqi kayinni, mannaho ha'rinshosinna qaafosi garinni loosisita aate, mannunniha wodananna, hedosi baala fonqole laeemmo.

ERMIYAASI 23:29

Qaali'ya giirate gedeeho; kincho maniissanno meenchooti.

LUQAASI 8:11

Lawishshu tirono, «Wixu Maganu qaaleeti;

YOHAANNISI 12:48

Ane hasi'rannokkihunna qaale'ya giwannohu aana yoo yaannohu no. Kuni ani kuleemmo qaali goofimarchu barra isi aana yoo yaannosi.

YOHAANNISI 6:51

Gordunni dirroommohu heeshshote sagale aneeti. Tenne sagale itannohu baalu hegere geeshsha hee'ranno. Mannaho heeshsho ikkanno gede ani eemmo sagale maala'yaati» yii.

SOQQAMAASINETE LOOSO 2:37

Mannu konne coye macciishshe wodanu maseennansa Pheexiroosiranna ledosi noo soqqamaasinera, «Roduuwa, xa ma assino?» yii.

SOQQAMAASINETE LOOSO 4:31

Huuccidhe ka'uta, gamba yite noo dargi shashshafami. Baalunkura Qullaawu Ayyaani wo'meennansa Maganu qaale waajjitukkinni kultu.

SOQQAMAASINETE LOOSO 5:33

Songote miilla konne coye macciishshite lowo geeshsha hanqite soqqamaasine shitara hasidhu.

SOQQAMAASINETE LOOSO 7:38

Halalla songe noo manni ledonna Siina Ilaali aana coyi'ri sokkaasinchinna annuwanke ledo noohu isooti. Maganunniha heeshshote qaale ninkera sayisinonkehu Muse isooti.

ROOMU SOKKA 1:16

Danchu Duduwi amma'nitinore baala balaxe Ayihude, aancheno daga gatisate Maganu wolqaati. Kunnira, ani Danchu Duduwinni disaalfateemmo.

UMI QORONTOOSI 1:24

Woshshantinorira kayinni, Ayihude ikkito Giriikete mannira, Kiristoosi Maganu wolqaatinna Maganu egennooti.

LAYINKI QORONTOOSI 2:17

Lowo manni Maganu qaalinni dadda'le qiniite afi'rara hasi'ranno. Ninke kayinni Maganu soyino manni gede taalotenni Kiristooosinni hee'ne Maganu albaanni coyi'neemmo.

LAYINKI QORONTOOSI 4:2

Saalfachishannoha go'le noo coye facci assine agurroommo; dixagarreemmo; Maganu qaale diqadaawulleemmo. Halaale xawinse kulankenni, mannu baalu tii"ira yine umonke Maganu albaanni reqecci assineemmo.

EFESOONI SOKKA 5:13

Baalunku coyi xawaabbunniwa fulanno woyite, halaalaanchu danisi xawe leellanno.

EFESOONI SOKKA 5:26

Kiristoosi hatto assinohu beetekiristaane qullaawa assara hasi'reeti. Keereensannohuno qaalisi widoonni qole wayinni hayishsheeti.

EFESOONI SOKKA 6:17

Gatonnita siwiilu gullee umoho wodhe; Qullaawu Ayyaani bise ikkinoha Maganu qaale suxxe.

UMI TESELONQE 2:13

Ki'ne daafira agurrummokkinni Magano galanteemmohu wolu coyino noonke. Hakkuno, ki'ne ammantinoonniri giddo loosannoha Maganu qaale kullummo'ne yannara, mannu qaali gede assitine ikkikkinni, Maganu qaali gede assitine adhitinoonni. Addanko loosannohu Maganu qaaleeti.

UMI TESELONQE 5:23

Keeru Magani baalunku coyinni qullaawoota asso'ne. Ayyaani'ne, lubbo'ne, mannimma'ne baala, Mootichinke Yesuusi Kiristoosi daanno yannara mishama nookkiha agarante heedho.

IBIRAAWOOTA 13:7

Alba balaxxe Maganu qaale kultino'nere sooreeyye'ne habbinoonte. Heeshshonsanna reyonsa la'inanni amma'natenni insa labbe.

IBIRAAWOOTA 6:5

Maganu qaali dancha ikkinota adhite, albillittete daggannota gashshootu wolqano rossinoreeti.

YAIQOOBI 1:18

Maganu kalaqama baalaho umire ikkinammora isi umisi hedonni halaalu qaalinni ilinonke.

UMI PHEEXIROOSI 1:23

Layinkimeeshsho ilantinoonnihu, heeshshonnihunninna hegere geeshsha hee'rannohunni Maganu qaalinni ba"annokki wixinniiti ikkinnina, ba"anno wixinni di"ikkino.

YOHAANNIS AJUUJA 1:16

Qiniiticho angara lamala beeddakko haa're no; afiisinni lamenka wido iibbitino bise fultu; albisino barru taali arrishsho gede xawanno.

YOHAANNIS AJUUJA 19:15

Gosa ganannoti iibbitino bise afiisinni fultanno; isi siwiilu siqqonni gashshannonsa. Wo'manka Dandaanno Maganiha kaajjado hanqo leellishannoha, woyinete xajje huuncinanni koofficho kadanno.

YOHAANNIS AJUUJA 19:21

Gattinore qolle, waajjo farashsho gulufe noohu afiinni fultanno bisenni shini; maalansano cea baala itte duubbu.

YOHAANNIS AJUUJA 2:16

Kunni daafira aagintaabbe higi. Hatto ikka hoogittoro, rahe atewa daye afii'yanni fultanno bisenni insa qaseemmo.

YOHAANNIS AJUUJA 2:23

Oososeno reyotenni qorichisheemmo; beetekiristaanna baala, mulenna mudukko laeemmo Magano ikkoommota affanno. Mittu mittunkura loosi'ne garinni eemmo'ne.

YOHAANNIS AJUUJA 20:4

Hakkunni gedensaanni yoote roorre uyinoonniri ofolte noota ayirrado barcimma afummo. Yesuusi xawisino halaale farcidhinohuranna Maganu qaali daafira goowansa gorrinoonni manni lubbuwa afummo. Insa moyicho woy misilesi dimagansidhinoreeti; moyichu malaateno albinsaranna angansara diwodhitinoreeti. Insa reyotenni ka'e Kiristoosi ledo kume diro mookku.

EJJEETTO 3:16

Isino mitte cigile ikkitannota 2 qari bise tunsiisi're uddanosi giddoonni qiniitichu tafira qodhi.