IBIRAAWOOTA 3:12 - Qullaawa Maxaafa

¹² Roduuwa'ya! Ki'ne mereero ayino heeshshote Maganiwiinni badannohu bushunna ammanannokki wodani hee'rannosikki gede qoropho.

IBIRAAWOOTA 3:12 ပူးပေါင်းရင်းမြစ်များ

KALAQAMA 8:21

Kaaliiqi shilqonniha dancha foole su'niissi'ri; wodanisinnino, «Manchu wodani hedo anjesinni kayisse bushate; ikkirono isinni kainohunni baatto dirumeemmo; xa assummo gede lubbo nooha baala layinkimeeshsho dihuneemmo.

IYYOOBI 21:14

«Bushuullu Wo'manka Dandaanno Magano, ‹Atere mittoreno afate hasi'neemmokki daafira, ninkewiinni ho'li!› yitanno.

IYYOOBI 22:17

Wo'manka Dandaanno Maganono, ‹Assattonkeri dinona, ninkewiinni ho'li› yitanno.

FAARSO 18:21

Kaaliiqi seerano agadhoommo; bunshe loosate yee, Magani'yara badhe diwodhoommo.

LAWISHSHA 1:32

Egenno xe'ino manna afa hoogansa shitannonsa. Hawanyootano lashshi assansa huntannonsa.

ISAYAASI 59:13

Atera maahoyye gimbe badhe wodhinoommo; ate hoodeno ha'ra agurroommo. Woloota gadadinse ateno agurre ha'noommo; hendeemmorinna coyi'neemmori baalu kaphohonna so'rote.

ERMIYAASI 11:8

Ikkollana, yoommore dimacciishshitino; diinohajajantino. Roorenka baalunku mokkookkootanna busha manna ikkitino. Kunnira, gondooru giddo kulloonni rumo baala aanansa dirrisoommo» yii.

ERMIYAASI 16:12

Ki'neno akaakka'nenni roore bushshinoonni. Baalunku hettisamaanonna haxawarroota ikkitinoonni. Ani yoommotano gibbinoonni.

ERMIYAASI 17:5

Kaaliiqi, «Ane agure manna irki'rannohunna, mannu wolqa hexxannohu rumaminoho.

ERMIYAASI 17:9

Mannu wodani baalunkurinni roore xagaraamoho; diinofayyannoho; giddosireno afannohu dino.

ERMIYAASI 18:12

Insa kayinni, ‹Beebba daafurtooti! Ninke hendoommore diagurreemmo; ronsoommo gede haxawarrimmankenna bunshenke garinni hee'neemmo› yitanno» yii.

ERMIYAASI 2:13

Ki'ne manni'ya 2 cubbo loossinoonni; heeshshote buicho ikkoommoha ane agurtinoonnie; waa ki'annokkita foonfa balla u'mitinoonni» yii.

ERMIYAASI 3:17

Hatte yannara, Yerusaalame, ‹Ayirrado Kaaliiqi barcimaati› yinanni. Mannu ane magansi'rara, gashshootu baalu giddonni hakkiira gamba yaanno; hakkunni gedensaanni hettisamaanchunna bushu wodanire di"ikkitinanni.

ERMIYAASI 7:24

Annuwa'ne kayinni macciishsha gibbinoe. Bushunna haxawarru wodaninsa hedannore assitino. Ani alba higge hadhanno gede hedummoro, insa kayinni badhe higge hadhanno.

HIZIQEELI 14:5

Hakkuri kaphu maganna Israeele anewiinni faffanno gede assitino. Kayinnilla, xa qoleemmonsa dawaronni anewa higgannoha ikkanno.

HOOSEI 1:2

Kaaliiqi Hoosei widoonni qole mannisira qaalesi kula hanafi woyite Hooseira, «Manni'ya ane Kaaliiqiwiinni baxxe ceeggifachiishannoha foorrete looso loosanni no. Atino hadhe ammanantinokki mancho adhi; iseno ise gedeeta foora ooso iltohena» yiisi.

MAATEWOOSI 16:16

Hatte yannara Simiooni Pheexiroosi qole, «Ati Heeshshote Magani Beetto Kiristoosaati» yii.

MAATEWOOSI 24:4

Yesuusi qole, «Ayino so'risiisanno'nekki gede qorophe!

MAARQOOSI 13:23

Baalanka coye umo asse kuloommo'nena, xaate jaattine agadhe.

MAARQOOSI 13:33

Yanna mamooteetiro diaffinoonnina feeffattine agadhe.

MAARQOOSI 13:9

«Ki'ne kayinni umi'nera qorophe! Roorrootaho sayisse uyitanno'ne. Xaadu mini giddo lichetenni gantanno'ne. Ammana'nere farci'rate, ane daafira yitine gashshaanotenna mootoollate albaanni uurritinanni.

LUQAASI 21:8

Yesuusi daware, «Sodhinannikki gede qorophe! Lowo manni, ‹Ani Kiristoosaati! Kuneeti yanna iillitino› yee ane su'ma gananni daanno. Hakko manni hoode hadhinoonte.

ROOMU SOKKA 11:21

Maganu kalaqamu sinna mararannokkiha ikkiro, ki'neno dimararanno'ne.

UMI QORONTOOSI 10:12

Kunnira, uurre nooha lawannosihu, uwannokki gede qoropho!

QOLASIYAASI SOKKA 2:8

Kiristoosi aana ikkikkinni, mannu kalaqino budinna haafu woga gobbannite aana rumuxxitinotenni mannu hayyonninna awaawurshunni ayino woshshaadanno'nekki gede agadhe.

UMI TESELONQE 1:9

Ki'newa dangummo yannara hiittoo garinni haadhinoonninkero, heeshshonnihuranna halaalaanchu Maganira soqqamate, kaphu magannawiinni baxxitine Maganunniwa ikkitine higginoonni gara hakku manninni farci'ranno.

IBIRAAWOOTA 10:31

Heeshshote Magani anga rabbannite aana uwa lowo geeshsha waajjishshannote.

IBIRAAWOOTA 10:38

Keeraanchu kayinni amma'natenni heeshsho afi'ranno; badhe hige gatannoha kayinni, lubbo'ya dihagiidhitannosi» yine borreessinoonnihuraati.

IBIRAAWOOTA 12:15

Ki'ne giddonni ayerano Maganu elto xe'annokki gede qorophe! Mereero'ne qaraaranno rumushshi mu're qarrisanno'nekki gedenna lowo mannano batteessannokki gede qorophe.

IBIRAAWOOTA 12:22

Ki'ne kayinni Tsiyooni Ilaaliwa dagginoonni. Kumu kumi sokkaasine hagiidhitannowa Heeshshote Magani katama gordu Yerusaalame dagginoonni.

IBIRAAWOOTA 12:25

Coyi'rannohura gara gibbinannikki gede qorophe. Uullate aana coyi'reenna gibbinori gattinokkiha ikkiro, gordoho hee're coyi'rannohura badhe wodhine hiitto ikkine ganteemmo?

IBIRAAWOOTA 3:1

Gordu woshshatto beeqqaasine ikkitinoonniri qullaawa manna! Amma'nankera soqqamaanchonna Qeesootu Qara Yesuusa qaagge!

IBIRAAWOOTA 3:10

Kunnira, hattenne ilamara hanqe, ‹Wodaninsa wo'ma woyite so'ranno; doogo'yano diaffino› yiino.

IBIRAAWOOTA 3:19

Xa kune, ea hoogginohu ammana giwansanni ikkinota anfanni hee'noommo.

IBIRAAWOOTA 9:14

Hatto ikkannoha ikkiro, hegere Ayyaani widoonni qole isonoo mishamme nookki kakkalo asse Maganoho shiqishinohunniti Kiristoosi mundee heeshshote Maganira soqqammeemmo gede, reyote loosiwiinni tiianke hiitto roorsite keereensa hoogganno!