IBIRAAWOOTA 3:1 - Qullaawa Maxaafa

¹ Gordu woshshatto beeqqaasine ikkitinoonniri qullaawa manna! Amma'nankera soqqamaanchonna Qeesootu Qara Yesuusa qaagge!

IBIRAAWOOTA 3:1 ပူးပေါင်းရင်းမြစ်များ

FAARSO 110:4

Kaaliiqi, «Melketsedeqi gede hegerera, qeesicha ikkatto» yee xaarino; xaarosino soorrantannokkite.

ISAYAASI 1:3

Handu nafa ceinoha annasi afino; harrichuno maddarannosiha egennino. Israeelete kayinni hattenne diegennino; manni'ya wodancha diafi'rino» yii.

ISAYAASI 41:20

Mannu konne coye la"anno woyite, ani assoommoha ikkinota buuxanno. Israeelete Qullaawa ikkoommohu, ani Kaaliiqi kalaqoommotano afanno» yii.

ISAYAASI 5:12

Agattonsa yannarano maasinqonna bagana dibbenna suusulle shiqqi assidhanno. Kaaliiqi assino coye mittono diwodanchitanno.

HIZIQEELI 12:3

«Kunnira koo mancho, daramannohu gede uduunnekki usudhite barru hashshikkinni fulte ha'ri. Hakko haxawarrootino miteekkite affannoha ikkannona konne darga agurte wolewa ha'ratto woyite manna baalaho leelli.

HIZIQEELI 18:28

Assino coyi busha ikkinota afe cubbo loosa agurino daafira, lubbotenni hee'ranno ikkinnina horonta direyanno.

HAGE 1:5

Hanni xa iillino'ne coye baala wodanchitine la'e!

HAGE 2:15

Kaaliiqi, «Mayi dayino'nero diwodanchitinanni? Qullaawa Mine hananfara albaanni,

YOHAANNISI 17:3

Hegere heeshshono, ati callu halaalaancho Magano ikkoottotanna soottoha Yesuusa Kiristoosa afate.

YOHAANNISI 20:21

Yesuusi xaano lede, «Keeru ki'ne ledo hee'ro. Anni'ya ane soyie gede, anino ki'ne soyemmo'ne» yiinsa.

YOHAANNISI 20:27

Hakkunni gedensaanni Toomaasi woshshe, «Qubbichokki kawa abbite anga'ya lai; angakki abbite midaadi'ya giddo worte lai. Huluullama agurte ammani!» yiisi.

SOQQAMAASINETE LOOSO 1:15

Hatte yannara Pheexiroosi 120 ikkitanno ammanaano mereero uurre,

ROOMU SOKKA 11:17

Gate kaansoonni ejersi sinna muranteenna, dubbu ejersi sinna darga amaddino. Ki'ne daga dubbu ejersi gedeereeti. Kune Ayihudetewiinni afidhinanni maasso qiniite ikkitino'ne.

ROOMU SOKKA 15:27

Kaa'lo baxxe uyitino; aano hasiissannonsate. Daga Ayihudenniha ayyaanaamo atoote beeqqitino daafira, insarano Ayihudete maalu atoote beehate asali noonsa.

ROOMU SOKKA 15:8

Hatto yaa'ya, akaakkate uyinoonni hexxo wo'mitanno gedenna Maganu ammanaminoha ikkinota leellishate Kiristoosi Ayihudete soqqamaancho ikkino yaate.

ROOMU SOKKA 9:24

Ninke Ayihudete giddonni calla ikkikkinni Dagate giddonnino woshshe maarote uduunne assinonke.

UMI QORONTOOSI 1:2

Qorontoosi Katamira nootera Maganu Beetekiristaanera, Yesuusi Kiristoosinni qullaawootahonna qullaawoota ikkate woshshantinorira, qoleno darga baalaho insanna ninke Mooticha ikkinohunniha Yesuusi Kiristoosi su'ma woshshidhannorira baalaho,

UMI QORONTOOSI 10:17

Sagale mitte ikkitinohura, ninkeno tenne mitte sagale inteemmo daafira, haammantummorono baalunku mitto bisooti.

UMI QORONTOOSI 9:23

Konne baala assoommohu, Danchu Duduwi maasso beeqqate, Danchu Duduwi daafira yeeti.

LAYINKI QORONTOOSI 1:7

Qarranke gutantinanninte gede jawaantenkeno beeqqitinannita egenninoommo daafira, ki'nera noonke hexxo jawaatate.

LAYINKI QORONTOOSI 9:13

Kiristoosiha Dancha Duduwo ammantine, insaranna wolootaho leellishshinoonni shooshanqenna fonqolante sa'ino soqqansho'nenni kainohunni baalunku Magano galatanno.

EFESOONI SOKKA 3:6

Hatto yaa, Danchu Duduwi widoonni Daga Ayihudete ledo Maganu maasso beeqqite mitto biso ikkitanno gede, Maganu Kiristoosi Yesuusinni uyino hexxo afidhannota xawise dikulinonsa yaate.

EFESOONI SOKKA 4:1

Mootichaho soqqama'yanni usuranya ikkoommohu ani Phaawuloosi, woshshama'nera labbino heeshsho heedhinanni gede jawaachisheemmo'ne.

EFESOONI SOKKA 4:4

Woshshantini yannara mitte hexxora woshshantinoonninte gede, mittu bisinna mittu Ayyaani no.

FILIPHISIYUSI SOKKA 3:14

Aannoe ba'raa'ra adhate marre gawa'linanniwa hige dodeemmo. Kuni ba'raa'rino Maganu Yesuusi Kiristoosi widoonni qole gordo woshshe aannoe heeshshooti.

QOLASIYAASI SOKKA 1:12

Qoleno xawaabbu gashshooti giddo qullaawootu ledo iqqa adhitinanni gede assino'neha Magano Anna hagiirrunni galattesi.

QOLASIYAASI SOKKA 1:22

Xa kayinni qullaawootanna fayyaaleeyye, kullanniri nookkire asse albisira shiqisha'nera, maalu reyo Beettisite widoonni qole Maganu umisi ledo araarsino'ne.

QOLASIYAASI SOKKA 3:12

Xa Maganu doodhino manni gede qullaawootanna baxantinoonnire ikkitine mararro, joongille, shaqqille, shooshanqenna cinca, uddanote gede assitine uddidhe.

UMI TESELONQE 2:12

Wo'manka woyite jawaachinshanni'nenna sheshifachinshanni'ne, gashshootesinna ayirrinyesi beeqqitinara woshshino'ne Magani hagiidhanno garinni heedhinanni gede xixxiimbeemmo'neta egentinoonni.

UMI TESELONQE 5:27

Tenne sokka qullaawootu roduuwi baalaho nabbabbinanni gede Mootichu su'minni eegammeemmo'ne.

LAYINKI TESELONQE 1:11

Konne coye hedatenni ki'ne daafira wo'manka woyite huucci'neemmohu Maganinke, woshshino'ne heeshshora maltinoonnire ikkitinanni gedenna dancha coye assate noo'ne halchonna ammana'ne looso baala wolqasinni guuttinannire assanno'ne gedeeti.

LAYINKI TESELONQE 2:14

Maganu, kulloommo'nehu Danchu Duduwi widoonni qole woshshino'nehu, Mootichinke Yesuusi Kiristoosi ayirrinye gutantinaraati.

UMI XIMOOTEWOOSI 6:12

Dancha ammanate ola olami; isiwa woshshamitto yannara, lowo naqaashshe albaanni halaale farci'roottota hegere heeshsho cu'mi'ri.

UMI XIMOOTEWOOSI 6:2

Ammantino biilla, soqqamaanonsa Mootichu Yesuusinni roduuwansa ikkitino daafira mishshoonkensa. Hatteentenni, soqqanshonsanni qiniite afidhannori biillansa ammantino roduuwansa ikkitinohura, albinni roore soqqantonsana. Ati rosiisanna seejja hasiissannohehu konneeti.

LAYINKI XIMOOTEWOOSI 1:9

Ninke loosinni ikkikkinni isi hedosinninna eltosinni gitisinonke. Qullaawa heeshshora woshshinonke; tenne elto lowo dirira albaanni Kiristoosi Yesuusi widoonni qole uyinonke.

LAYINKI XIMOOTEWOOSI 2:7

Ani yeemmore wodanchi; Mootichu baalunku coyira wodancha oohe.

IBIRAAWOOTA 10:19

Kunnira roduuwa'ya, Yesuusi mundee widoonni hinge Qullaawu Holgira waajjinummokkinni ea dandiineemmo.

IBIRAAWOOTA 10:21

Maganu Mini giddo roorre afi'rinohu rooru qeesichi noonke.

IBIRAAWOOTA 10:23

Hexxo uyinonkehu ammanaminoha ikkino daafira, xa ammanne farci'neemmo hexxo ka'anna kawa yinummokkinni duu'ne cu'mi'no.

IBIRAAWOOTA 13:22

Roduuwa'ya, tini borreessoommo'ne sokka harancho ikkitino daafira, tenne seejjo cincatenni seekkitine buuxxinanni gede huucci'reemmo'ne.

IBIRAAWOOTA 2:11

Manna qullaawa assannohunna qullaawa ikkanno manni mittu Anni oosooti. Kunni daafira Yesuusi insa, «Roduuwa'ya» yaa difokkanno.

IBIRAAWOOTA 2:17

Kunni daafira, baalunku coyinni roduuwasi lawa hasiissinosi. Kunni garinni mannu cubbo hunara yee Maganoho soqqamara ammanaminohanna maaro aannoha Qeesootu Qara ikki.

IBIRAAWOOTA 3:12

Roduuwa'ya! Ki'ne mereero ayino heeshshote Maganiwiinni badannohu bushunna ammanannokki wodani hee'rannosikki gede qoropho.

IBIRAAWOOTA 3:14

Albi amma'nanke goofimarchu geeshsha seekkine cu'mi'nummoro, Kiristoosi ledo gutammeemmo.

IBIRAAWOOTA 6:20

Kunni Qullaawu Minira Yesuusi Melketsedeqi gede kakkalaanchimmate hegereha Qeesootu Qara ikke, ninke daafira balaxe eino.

IBIRAAWOOTA 7:26

Qullaawu, mishamme nookkihu, fayyaaleessu, cubbaataammuwiinni baxxinohu, aliidi gordira aleenni noohu Qeesootu Qari ninkera malinohu isooti.

IBIRAAWOOTA 7:28

Muse Seeri qeesootu roorroota asse worannohu jawaante afi'rinokki mannaati. Seeru gedensaanni daggino xaaro kayinni hegerera guuta ikkinoha Maganu Beetto wortanno.

IBIRAAWOOTA 9:11

Ikkollana Kiristoosi Qeesootu Roorricha ikke dayinohu xa noohu danchu coyi daafiraati. Isi soqqamannohu qullaawu dukkani roore jawahonna guutaho. Kuni dukkani mannu anganni seekkinoonnihanna tenne gobba kalaqami ledoha di"ikkino.

IBIRAAWOOTA 9:15

Woshshantinori Maganu hexxotenni uyinonsaha hegere iqqa ragidhanno gede, Kiristoosi haaru gondoorira mereerima ikkino. Kuni ikkinohu manna umi gondoori anga hee're loosino cubbinni wode gatisara yee isi reyinohuraati.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

UMI PHEEXIROOSI 3:5

Bi're albi yannara Magano hexxinohu qullaawu meenti seesinohu hakko garinniiti; galtensarano hajajamino.

UMI PHEEXIROOSI 5:1

Xa ani insa ledo beetekiristaanete cimeessa ikkoommohu, Kiristoosi qarrire farci'reemmoha ikkoommohu, hattono albillitte leellara noo ayirrinyi beeqqaancho ikkeemmohu, giddo'ne noore beetekiristaanete cimeeyye amaaleemmonsa.

UMI PHEEXIROOSI 5:10

Shiima yanna geeshsha qarra adhitinihu gedensaanni, Kiristoosi Yesuusinni hegere ayirrinyiwa woshshino'nehu, elto baalate Magani, isinni amadino'ne qarriwiinni gatisanno'ne; irkisanno'ne; kaajjishanno'ne; teesiisanno'ne.

UMI YOHAANNISI 1:3

Ninke ledo mittimma heedhanno'ne gede, la'noommohanna macciishshinoommoha ki'nerano kulleemmo'ne; mittimmankeno Maganu Annunna Beettisi Yesuusi Kiristoosi ledooti.

YIHUDA 1:1

Yesuusi Kiristoosi soqqamaanchi, Yaiqoobi rodii ani Yihudi. Woshshinoonni'nerira, Maganu Annu baxino'nerira, Yesuusi Kiristoosi agarino'nerira baalaho:

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.

YOHAANNIS AJUUJA 18:20

Gordo, Baabilooni uwara hagiidhi! Ki'ne Maganu manni, soqqamaasinenna himanaano, hagiidhe! Maganu ki'ne daafira rabbisino.