IBIRAAWOOTA 2:9 - Qullaawa Maxaafa

⁹ Xa kayinni sokkaasinetewiinni shiima yanna geeshsha ajino. Xa kayinni reyote qarra adhino daafira, ayirrinyunna galatu ba'latto worroonnisiha Yesuusa la'neemmo; isi Maganu eltonni baalunku daafira reyino.

IBIRAAWOOTA 2:9 ပူးပေါင်းရင်းမြစ်များ

KALAQAMA 3:15

atenna manchote mereero, sirchikkinna sirchise mereero diinoomu hee'ranno gede asseemmo; isi umokki cancananno; atino gindesi qasatto» yii.

ISAYAASI 11:1

Isseyi cifichi ciiranno; rumushshisi giddonni mittichu guma laalanno.

ISAYAASI 7:14

Kunnira, Mootichu umisi malaate aanno'ne; kuneeti seemo godobbe labbaa beetto iltanno. Su'mano, ‹Amaanueeli› yite fushshitannosi.

MAATEWOOSI 16:28

Halaale kuleemmo'nena, Manchi Beetti Gashshootisi ayirrinyinni daanna la'a geeshsha konniicho uurrite noori giddonni reyitannokkiri no» yii.

MAATEWOOSI 6:28

«Uddanoteno mayira yaaddinanni? Dubbu daraaro ikkite lophitanno gara la'e. Insa loossanni didaafurtanno; disuqqitanno.

MAARQOOSI 9:1

Yesuusi qole, «Halaale kuleemmo'nena, konniicho uurritinori giddonni mitu mitu Maganu Gashshooti lowo wolqanni daanna la'a geeshsha reyitannokkiri no» yii.

LUQAASI 9:27

Halaale kuleemmo'nena, konniicho noori giddonni Maganu gashshooti daanna la'a geeshsha mitu mitu reyitannokkiri no» yiinsa.

YOHAANNISI 1:29

Layinki soodo Yohaannisi Yesuusi isiwa hige daanna afe, «Kune alamete cubbo haa're hoolannohu Maganu Wilii'lichi isooti» yii.

YOHAANNISI 10:17

«Qole adheemmota lubbo'ya sayise eemmo daafira, Anni'ya ane baxannoe.

YOHAANNISI 12:32

Ani sutameemmo yannara baalanka anewa gamba asseemmo» yii.

YOHAANNISI 3:16

Kunni garinni Maganu baattote aana noo manna baala baxino daafira, iso amma'ninohu baalu hegere heeshsho afi'ranno gede ikkinnina ba"annokki gede, Maganu mitto Beettosi uyino.

YOHAANNISI 8:51

Halaale kuleemmo'nena, qaale'ya agadhannohu horonta direyanno» yiinsa.

YOHAANNISI 8:52

Ayihudootu, «Durriisu nooheta xa anfummo; Abirihaami reyino; himanaanono reyitino. Ati kayinni, ‹Qaale'ya agadhannohu horonta direyanno› yaatto.

SOQQAMAASINETE LOOSO 2:33

Maganu qiniiteenni ofollara gordo ha'ri woyitenna Qullaawu Ayyaani hexxo Annuwiinni adhi yannara konne la'inannihanna macciishshitinanniha ninke aana dunino.

SOQQAMAASINETE LOOSO 3:13

Annuwanke Abirihaami, Yisihaaqi, Yaiqoobi Magani, Beettosi Yesuusa ayirrisinosi. Ki'ne kayinni iso Philaaxoosi angara sayissine uyitinoonni; Philaaxoosi agurasira hasi'rita nafa, ki'ne macciishsha gibbinoonni.

ROOMU SOKKA 5:18

Mittu Addaami cubbi qorichi yoo mannu baalu aana abbinte gede, mittu Kiristoosihu keeraanchimmate loosi manna baala qorichunni gatise heeshsho aanno.

ROOMU SOKKA 5:8

Ikkollana, ninke cubbaataamma ikkine hee'neenna Kiristoosi ninke daafira reyino. Kunni garinni Maganu lowo geeshsha baxannonketa leellishino.

ROOMU SOKKA 8:3

Mannu maali wolqa hoogino daafira, Seeru assara dandiinokki coye Maganu assino. Maganu Beettosi cubbaataamu manni lawishshinni cubboho kakkalo asse soyino. Kunni garinni Maganu cubbu aana yoo yee qorichishino.

ROOMU SOKKA 8:32

Mitto Beettosi mararikkinni sayise uyinonke Magani, Beettisi ledo wole coye baala aa hiikke hoogannonke?

LAYINKI QORONTOOSI 5:15

Lubbotenni noori, insa daafira yee ree, reyotenni kainohu daafira ikkinnina insaneete heedhannokki gede isi baalunkura yee reyino.

LAYINKI QORONTOOSI 5:21

Kiristoosinni Maganu keeraanchimma ikkineemmo gede, Maganu cubbo loose egenninokkiha Kiristoosa ninke daafira yee cubbaataamo asse kiirinosi.

GALATIYU SOKKA 4:4

Ikkollana, yinoonni yanna iillituta, Maganu Beettosi tenne gobba soyino. Isino, meyati ilteenna Seeru garinni lophino.

UMI XIMOOTEWOOSI 2:6

Manna baala cubbuwiinni gatisate, umosi wodote sayise uyinohu isooti. Kuni coyi ikkinohu, agarroonni yanna iillitanno woyite, Maganunniha gatisate looso leellishate naqaashshete.

IBIRAAWOOTA 1:9

Keeraanchimma baxootto; bunshe giwootto; kunnira, Maganu Maganikki, jaallakkinni roorse hagiirru buuro buurinohe» yaanno.

IBIRAAWOOTA 10:5

Kunnira Kiristoosi tenne alame daanni hee're Maganoho, «Kakkalonna fushshaate dihasi'rootto; mannimma kayinni qixxeessoottoe.

IBIRAAWOOTA 11:5

Heenooki reyo amaddusikkinni gordo ha'rinohu amma'natenniiti. Maganu haa'rinosi daafira dianfoonnisi. Haa'rasira albaanni Magano hagiirsiisinota farci'noonni.

IBIRAAWOOTA 12:2

Amma'nanke umonna gawalo ikkinohu Yesuusi aaninni ille'ne hooltinoonte. Isi albasiinni noo hagiirri daafira yee, shollinye waajjikkinni masiqalu aana ree, ayirradu Maganu barcimira qiniiteenni ofollino.

IBIRAAWOOTA 2:7

Sokkaasinetewiinni shiimare calla ajishoottosi; ayirrinyunna galatu ba'latto woroottosi. Angakki loosi baalu aanano moohisoottosi» yitanno.

IBIRAAWOOTA 7:25

Kunnira insara Magano huuccara hegereha ikke hee'ranno daafira, isi widoonni Maganunniwa daggannore baala horontanni gatisansara dandaanno.

IBIRAAWOOTA 8:3

Mitto mittonka qeesootu roorroota worrannihu, Maganoho fushshaatenna kakkalo shiqishshanno gedeeti. Ninkehu Qeesootu Qarino shiqishannoha mitto coye afi'ra hasiissannosi.

UMI PHEEXIROOSI 1:21

Ammana'nenna hexxo'ne Maganunni ikkitanno gede, Yesuusi widoonni amma'nitinoonnihanna iso reyotenni kayise ayirrinye uyinosi Magano addaxxe.

UMI YOHAANNISI 2:2

Isi cubbonke agursiisanno; ninke cubbo calla ikkikkinni gobba baalate cubbi diigamannohuno isi widoonniiti.

YOHAANNIS AJUUJA 19:12

Illesi giirate buwano labbanno; umisi aana haammata mootete worraaqqa no. Iso agurranna wolu mittuno afa dandaannokki su'mi aanasi borreessame no.

YOHAANNIS AJUUJA 5:9

Insa, «Xaanxoonniha borrote goga haa'rate, sumudano tirate maloottohu ateeti. Gorramoottona; mundeekkinni ga're baala, addi addi afoo coyi'rannoha baala, gosanna sircho baala wodde,