IBIRAAWOOTA 2:3 - Qullaawa Maxaafa

³ Tenne jawa gato lashshi assine agurrummoro, qorichuwiinni hiitto ikkine ganteemmo? Tenne gato balaxe Mootichunku lallawino. Macciishshitinorino konne coye ninkera buuxissinonke.

IBIRAAWOOTA 2:3 ပူးပေါင်းရင်းမြစ်များ

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 20:6

Hatte yannara baaru qaccera heedhanno gosa, ‹Asoori moote anganni gatissannonke yine hendoommo gosa ikkituta la'e! Ninke maminni ganteemmoyya?› yitanno» yii.

ISAYAASI 51:5

Rahe daye gatiseemmo'ne; ani qeeleemmo barri iillino; wolqa'yanni daga baala gashsheemmo. Giddichuwate heedhanno gosa, gatisammonsara ane agadhitanno; wolqa'yano hexxitanno.

ISAYAASI 51:8

Insa bile ittino uddano gede ikkite gooffanno; halaalaanchimma'ya kayinni hegerete; gatisaanchimma'yano ilamate ilamara sa'annote» yii.

ISAYAASI 62:11

Kaaliiqi daga baalate, « ‹Tsiyoonira, gatisaanchikki daanno; mannaho aanno ba'raa'rino angasi no› yitine kulle» yee lallawi.

HIZIQEELI 17:15

Ikkollana, haaru Yihudu moote gibbo kayise, faradonna lowo olanto abbitannosi gede soqqamaano Gibitse soqqino. Ikkollana tini hedo wo'mitannosini? Kunni garinni xooqe fula dandaannoni? Gondooro diigannoha ikkiro, horonta gate fule diafanno.

HIZIQEELI 17:18

Xaaronna gondooro diigino; konne baala assino daafira, qorichishamikkinni gatanno doogo dinosi» yii.

MAATEWOOSI 23:33

Ki'ne hamasu! Buutete ooso gaannaamete qorichiwiinni hiitto ikkitine gattina ikka?

MAATEWOOSI 4:17

Hatte yannanni kayise Yesuusi, «Gordu Gashshooti gambisinona, cubbo'ne aagintaabbe!» yaanni rosiisa hanafi.

MAARQOOSI 1:14

Yohaannisi amadame usuru minira eihu gedensaanni, Yesuusi Maganunniha Dancha Duduwo kulanni Galiilu gobba daye,

LUQAASI 1:2

Tenne sokka ninkera sayissinori illetenni affinoreetinna qaalisira soqqantanni heedhinoreeti.

LUQAASI 1:69

Borojjichisi Daawiti sirchinni wolqaataamo Gatisaancho kayisinonke.

LUQAASI 24:19

Yesuusino, «Mayi ma ikkino?» yiinsa. Insano, «Naaziretete Yesuusi aana ikkino coyetiwe! Isi Maganunna mannu baalu albaanni qaalunninna loosunni jawaata himanaanchooti.

YOHAANNISI 15:27

Ki'neno albinkunni ane ledo heedhinoonni daafira farcidhinanni.

SOQQAMAASINETE LOOSO 1:22

hattono Yohaannisi cuuanni kayise Mootichu Yesuusi gordu iimira fuli barri geeshsha ledonke noori kunni manni giddonni mittu kaote naqaashshe ikka hasiissanno» yii.

SOQQAMAASINETE LOOSO 2:22

«Israeelete manna! Konne qaale macciishshe; affininte gede Naaziretete Yesuusi ewelumma, Maganu Isi widoonni qole giddo'ne assinohu jawu coyi, maalalenna dhagge xawo fultino.

SOQQAMAASINETE LOOSO 4:12

Gato wolewa ayewano dino. Gatote hasiisannonkehu mannaho uyinoonni su'mi gordoho woroonni wolu dino» yii.

ROOMU SOKKA 11:14

Hatto asseemmohu, fiixa'ya Ayihude hinaasiisatenna insa giddonni mito mito gatisate yeeti.

ROOMU SOKKA 2:3

Hatto assitannorira yoo yitanni heedhe, insa assitannore assattohu ati manchu kayinni, Maganu yoowiinni gatattoha lawannohe?

UMI QORONTOOSI 1:21

Tenne gobba manni Magano uminsa egennonni afa hoogino daafira, ninke kulleemmoha gowwimma lawannoha Dancha Duduwo ammantannori gattanno gede Maganu fajjino.

UMI TESELONQE 5:3

Mannu, «Keereho; qarru dino» yaanna, godowinni noo mancho amaddanno game gede, bao hedeweelcho daggannonsa; gatteno diaffanno.

UMI XIMOOTEWOOSI 1:15

«Yesuusi Kiristoosi cubbaataamma gatisara yee tenne gobba dayino» yaanno qaali halaalaanchohonna mannu baalu adha hasiissannoho. Cubbaataammu baalunni rooru cubbaataami aneeti.

TIITO 2:11

Maganu manna gatisannota eltosi baalunkura leellishino.

IBIRAAWOOTA 1:1

Maganu bi're alba addi addi doogonni himanaanote widoonni qole annuwankera batinye hige coyi'rino.

IBIRAAWOOTA 1:14

Sokkaasine maatiyya? Maganoho soqqantannorenna gato ragidhannore kaa'late Maganu soyino ayyaanna di"ikkitino?

IBIRAAWOOTA 1:2

Xa kayinni kunni goofimarchu barrinni baalankare ragi'ranno gede assinohu Beettisi widoonni qole ninkerano coyi'rinonke. Kalqe baala kalaqinohuno isinniiti.

IBIRAAWOOTA 12:25

Coyi'rannohura gara gibbinannikki gede qorophe. Uullate aana coyi'reenna gibbinori gattinokkiha ikkiro, gordoho hee're coyi'rannohura badhe wodhine hiitto ikkine ganteemmo?

IBIRAAWOOTA 4:1

Kunnira, isi aannonketa fooliishshote gobba eate afi'noommo hexxo xaa geeshsha noo daafira, ki'ne giddonni ayino fooliishshote gobba eate wolqa hoogannokki gede, baalunku waajjatenni agadhino.

IBIRAAWOOTA 4:11

Kunni daafira, ayino hakko mannita hajajama giwansa ha'runse uwannokki gede, Maganu fooliishshowa eate jawaanto.

IBIRAAWOOTA 5:9

Guuta ikkasi anfihu gedensaanni, hajajantannorira baalaho hegere gatora doogo ikkinonsa.

IBIRAAWOOTA 9:28

Kiristoosi lowo manni cubbo hunara mitte hige kakkalamino. Qoleno cubbo duqqara ikkikkinni, iso agadhitannore gatisara layinkimeeshsho daanno.

UMI YOHAANNISI 1:1

Heeshshote Qaalire bi're hundanni noohurenna macciishshinoommohure, illenkenni la'noommore, anfoommorenna angankenni amandoommore borreessine kulleemmo'ne.

YIHUDA 1:17

Ki'ne kayinni jaalla'ya! Mootichinke Yesuusi Kiristoosi soqqamaasine kunni albaanni coyidhino qaale qaagge.

YOHAANNIS AJUUJA 7:10

Qoonqonsa naggi assite, «Gato ayirradu barcimira ofollino Maganitenna, Ge'rechunnite» yitu.