IBIRAAWOOTA 2:10 - Qullaawa Maxaafa

¹⁰ Lowo manna heeshshote widira haa're massannohu Yesuusaati. Baalankare kalaqinohunna irkisanno Magani, reyote qarri widoonni qole Yesuusa guuta assa maltinosiho.

IBIRAAWOOTA 2:10 ပူးပေါင်းရင်းမြစ်များ

KALAQAMA 18:25

Keeraano cubbaataammu ledo shaatto yee dihedeemmo; keeraano cubbaataammu gede diassatto; hatto assittoro keeraano cubbaataammu ledo qorichishakkiiti; gobba baalate gashshaanchi ati hattoo coye assattoni?» yii.

LAWISHSHA 16:4

Baalanka coye Kaaliiqi hajasira yee assino; bushuulleno baote barrira worino.

ISAYAASI 55:4

Iso gaadaannanna roorricha assoommosi; isino ane daafira dagate naqaashshe ikkanno.

HOOSEI 8:10

Dagate woxe baaxxite eeganturono, mitteenni gamba asse qorichisheemmonsa. Asoori mootenna roorrootu kadde gashshitannonsa yannara, shettote batinyinni kainohunni raartanno.

MIKIYAASI 2:13

Maganu mannasi qafadotenni fushshara hala'lado doogo fanannonsa. Qafadante noo katami cufanano hiiqqite keerunni fultanno. Kaaliiqi umisi mootensa ikke albansaanni ha'ranni massagannonsa.

LUQAASI 13:32

Yesuusi qole, «Hadhine hakko yeedaalchira, ‹Techonna ga'a durriisa fushsheemmo; dhiwantinoreno hurseemmo. Sayikki barra looso'ya gudeemmo yiino› yitine kullesi.

LUQAASI 2:14

«Iima gordoho Maganoho ayirrinyu ikkosi! Baattote aanano Maganu hagiidhannonsa baalira keeru iillo» yitu.

LUQAASI 24:26

Kiristoosi konne baala qarra adhanna ayirrinyu darga iilla dihasiissannosi?» yiinsa.

LUQAASI 24:46

«Kiristoosira qarru iillannositanna sayikki barra reyotenni ka"annota balanxe borreessinoonni.

YOHAANNISI 11:52

Reyannohu insa calluwaho ikkikkinni, billaallite noota Maganu ooso mittowa gamba assateeti.

YOHAANNISI 19:30

Yesuusino shiisha suumetenni kisihu gedensaanni, «Xaate ikkino» yii. Umosi heeshshi asse lubbosi sayise uyi.

SOQQAMAASINETE LOOSO 3:15

Heeshsho aannoha shitinoonni; Maganu kayinni reyotenni kayisinosi. Kunni coyira ninke naqaashshete.

SOQQAMAASINETE LOOSO 5:31

Maganu Israeelete aagintaabbeenna cubbonsa agurara, Yesuusa Gashshaannanna Gatisaancho asse qiniitesiinni ayirrinyunni ofollanno gede assino.

ROOMU SOKKA 11:36

Baalunkuri isiwiinniiti, isinniiti, isiraati. Isira hegere ayirrinyi iillosi! Hamii'ni!

ROOMU SOKKA 9:23

Hatto assinohuno, umo asse ayirrinyeho qixxeessinorira maarote uduunnira ayirrinyisi batinye leellishara yeeti.

UMI QORONTOOSI 2:7

Ninke kayinni, bi're balaxe ayirrinyinkera qixxeessinota go'lite keeshshitinota Maganu halaali egenno kulleemmo.

UMI QORONTOOSI 8:6

ninkera duuchunkuri isinni ikkinohu, ninkeno isire ikkinoommohu mittu Magani Annu noonke. Qoleno duuchunkuri isi widoonni ikkinohu ninkeno isinni hee'neemmohu mittu Mootichi Yesuusi Kiristoosi noonke.

LAYINKI QORONTOOSI 3:18

Ninke baalunku diphinoommokki albinni Mootichu ayirrinye xawinseemmo. Ayyaana ikkino Mooticha lawate ayirrinyunni ayirrinyu widira hinge soorrammeemmo.

LAYINKI QORONTOOSI 4:17

Kuni shetisannonkehu shiimu sa"anno qarri, hakko qarrira aliidiha dhaggeeffantanniha hegere ayirrinye haa're daannonke.

LAYINKI QORONTOOSI 5:18

Kuni baalunku, ninke isinii ledo Kiristoosi widoonni qole araarsihunna araarsate soqqansho uyinonke Maganiwiinni dayino.

LAYINKI QORONTOOSI 6:18

Ani anna ikkeemmo'ne; ki'neno anera meyaanna labbaa ooso ikkitinannie» yiino. Wo'manka Dandaanno Mootichi hatto yiino.

GALATIYU SOKKA 3:26

Amma'nate widoonni ki'ne baalunku Kiristoosi Yesuusinni Maganu oosooti.

EFESOONI SOKKA 2:7

Hatto assinohuno, dagganno yanna baalate Kiristoosi Yesuusi widoonni qole xawisinonke shaqqillinni uyinonketa dannu nookki eltosi leellishankera yeeti.

EFESOONI SOKKA 3:10

Kuni ikkannohu, gordu gobba gashshaanonna roorrootu beetekiristaanete widoonni addi addi danita Maganu egenno affanno gedeeti.

QOLASIYAASI SOKKA 3:4

Heeshsho'ne ikkinohu Kiristoosi leellanno yannara, ki'neno isi ledo ayirrinyunni leeltinanni.

LAYINKI XIMOOTEWOOSI 2:10

Kunnira, insano Yesuusi Kiristoosi widoonni afi'nanni gatonna hegere ayirrinye afidhanno gede, Maganu doodhino manni daafira yee baalanka coye cinceemmo.

IBIRAAWOOTA 12:2

Amma'nanke umonna gawalo ikkinohu Yesuusi aaninni ille'ne hooltinoonte. Isi albasiinni noo hagiirri daafira yee, shollinye waajjikkinni masiqalu aana ree, ayirradu Maganu barcimira qiniiteenni ofollino.

IBIRAAWOOTA 6:20

Kunni Qullaawu Minira Yesuusi Melketsedeqi gede kakkalaanchimmate hegereha Qeesootu Qara ikke, ninke daafira balaxe eino.

IBIRAAWOOTA 7:26

Qullaawu, mishamme nookkihu, fayyaaleessu, cubbaataammuwiinni baxxinohu, aliidi gordira aleenni noohu Qeesootu Qari ninkera malinohu isooti.

IBIRAAWOOTA 7:28

Muse Seeri qeesootu roorroota asse worannohu jawaante afi'rinokki mannaati. Seeru gedensaanni daggino xaaro kayinni hegerera guuta ikkinoha Maganu Beetto wortanno.

UMI PHEEXIROOSI 1:12

Tini himanaano ki'nera ikkinnina uminsara soqqantinokkiti xabbe leeltinonsa; soqqantino'nehuno gordunni sonkoonnihu Qullaawu Ayyaani widoonni xa Dancha Duduwo kuli'ne manni hasaawinore xawisatenniiti. Konne coye sokkaasine nafa la'ara halchitanno.

UMI PHEEXIROOSI 5:1

Xa ani insa ledo beetekiristaanete cimeessa ikkoommohu, Kiristoosi qarrire farci'reemmoha ikkoommohu, hattono albillitte leellara noo ayirrinyi beeqqaancho ikkeemmohu, giddo'ne noore beetekiristaanete cimeeyye amaaleemmonsa.

UMI PHEEXIROOSI 5:10

Shiima yanna geeshsha qarra adhitinihu gedensaanni, Kiristoosi Yesuusinni hegere ayirrinyiwa woshshino'nehu, elto baalate Magani, isinni amadino'ne qarriwiinni gatisanno'ne; irkisanno'ne; kaajjishanno'ne; teesiisanno'ne.

YOHAANNIS AJUUJA 4:11

«Mootichankenna Maganonke! Baalanka kalaqoottona, kalaqamanno gede assoottohunna, heeshsho oottohu ateetina, atera ayirrinyu, guweenyunna wolqa ikkitohe!» yitanno.

YOHAANNIS AJUUJA 7:9

Hakkunni gedensaanni kuneeti ayino kiire dandaannokkiha lowo manna afummo. Kuni manni gosa baalatenni, ga're baalatenni, fiixu fiixunkunninna addi addi afoo coyi'ranno manni giddonni gamba yiinoho. Insa waajjo uddano uddidhe, saattu daro anga amadde ayirradu barcimiranna Ge'rechu albaanni uurrite,