IBIRAAWOOTA 13:5 - Qullaawa Maxaafa

⁵ Woxu baxille qorophe; noo'nehu ikko'ne! Maganu, «Horo diagureemmohe; dicallachisheemmohe» yiino.

IBIRAAWOOTA 13:5 ပူးပေါင်းရင်းမြစ်များ

KALAQAMA 28:15

Kune ani ledokki noommo; ha'ratto doogo baalate agareemmohe; galagalche tenne gobba higatto gedeno asseemmohe. Kuloommohere baala wonshammohe geeshsha diagureemmohe» yiisi.

KALAQAMA 30:31

Laabano, «Maahoyyena, maricho ooheyya?» yee xa'misi. Yaiqoobino, «Anera woxe uyitootie; ani yeemmoheha mitto coye assittoero, galagale hooffille saadakki allaaleemmo.

KALAQAMA 31:5

«Anni'ne bashsho geeshsha ikkinoekkita afoommo; ikkirono anni'ya Magani ane ledo no.

UMI MOOTOOLLA 8:57

Maganinke Kaaliiqi akaakkanke ledo hee'rinte gede, ninke ledono hee'ro; aye woyiteno aguroonkenke; tugoonkenke.

UMI DUDUWO 28:20

Moote Daawiti beettisi Selemoonira, «Mitte giddohanna muratoottoha ikki; waajjittokkinninna wolqa baittokkinni looso hanafi. Soqqameemmosihu Magani'ya Kaaliiqi ledokki no. Isi Qullaawa Minesi minte gudatto geeshsha atewiinni dibaxxanno; diagurannohe.

FAARSO 10:3

Wodanisi halchonni adawadhanno; honqooqicha maassi'ranno; Maganono seyatanno.

FAARSO 119:36

Jiro afi'rate beellamammontenni, hajajokki agadhate halcho heedhannoe gede assie.

FAARSO 37:25

Anje'yanni kayise techo geedhimma'ya geeshsha, keeraanchu tugamanna, sirchisino hudi're huucci'ranna afe diegennoommo.

FAARSO 37:28

Kaaliiqi halaale baxanno daafira, keeraano dihunanno; keeraano hegerera heedhanno; bushuullu sirchi kayinni ba"anno.

FULO 2:21

Museno kunni qeesichi minira ha're ledosi hee'ri; qeesichuno mitte Siphaara yinanni beetto uyisi.

FULO 20:17

«Wolu manchi mine yortinoonte; galtesi, borojjesi, handosinna harrichosi woy wolu afi'rinore mittoreno yortinoonte» yii.

LAWISHSHA 23:4

Jirote yite atenee orbaassooti; hakko daafurinni gatate egennaamo ikki.

ISAYAASI 41:10

Ani ledokki noommona waajjitooti; ani Maganokkiitina hexxo mudhitooti. Ani jawaachisheemmohe, kaa'leemmohe; wolqaataame anga'yanni gargare gatiseemmohe.

ISAYAASI 41:17

«Buxanenna gadadaammu waa hasidhe hoogganno; kokkensa goo'rotenni mooltanno woyite, ani Kaaliiqi huuccattonsa macciishsheemmo; ani Israeelete Magani horo diagureemmonsa.

ISAYAASI 42:16

Balloota hadhe egentinokki doogo, affe egentinokki faro qole haa're ha'reemmonsa. Albansaanni noo tunsicho xawaabba asseemmo; gudaagundo ikkino darga taashsheemmo. Konne coye baalanka coyi'roommohu aneetina, wonshummokkinni diagureemmo.

ERMIYAASI 6:13

Mannu baalu hanaaqunni woxe duu'nanno; himanaanonna qeesootu nafa manna dogganno.

HIZIQEELI 33:31

Kunnira, manni'ya ati coyi'rattore macciishsharalla gamba yaanno; kayinnilla, kulattonsare baala diwonshanno. Kulatto qaale goowi alita naaddanno; wodaninsara kayinni hafuurre wo'mitino.

MAATEWOOSI 6:19

Yesuusi, «Daanillu qasannotera, bile ittannoteranna mooraanchu ume adhannotera tenne baattora jiro duu'nitinoonte.

MAATEWOOSI 6:25

«Kunnira, ‹Ma inteemmo? Ma angeemmo? Ma uddi'neemmo?› yitine heeshsho'nera yaaddinoonte yeemmo'ne. Sagale lubbo, uddano mannimma diroortanno?

MAATEWOOSI 6:34

Ga'a umisira yaadannona, ga'ara yaaddinoonte. Mittu mittunku barrira umisi qarri ikkannosi» yii.

MAARQOOSI 7:22

foorrete, yortote, bunshete, xagarrote, amanyootiweellete, dhiibbete, hemete, boo'nate, yamalaimmate.

LUQAASI 3:14

Gama gaaddono dagge, «Ninke ma"assinoyya?» yite xa'mitusi. Isino, «Manni woxe wolqatenni adhitinoonte; ayeno kaphunni yekkeertinoonte; hunkii'ne waagi ikko'ne» yiinsa.

LUQAASI 8:14

Utu mereero uwino wixi masalo, Maganu qaale macciishshituhu gedensaanni, tenne gobba hedo, jirote baxillinna wole yorto wodaninsa giddora e'e macciishshitino qaale beeshshiteenna gumiweelte gattannore kulanno.

ROOMU SOKKA 1:29

Giddonsa beebba, bunshe, hafuurre, xagarro, dhiibbe, manna shaa, gibbo, awaawura, woleho busha mala, heme,

UMI QORONTOOSI 5:11

Ani, « ‹Ammanoommo› yaanni hee're, foorannohu woy hafuurannohu woy kaphu maganna magansi'rannohu woy mannu su'ma hunannohu woy dimbannohu woy mulqi'rannohu ledo sumuu yitinoonte» yoommo'ne. Hattoo manni ledo sagale nafa mitteenni ittinoonte.

UMI QORONTOOSI 6:10

mooraano woy hafuuraammu woy dimbaasine woy mannu su'ma huntannori woy mulqidhannori Maganu Gashshoote diragidhanno.

LAYINKI QORONTOOSI 4:9

Xiiwammoommo; ikkirono dihawammeemmo. Ganne tunganninke; ikkeennano diba'neemmo.

EFESOONI SOKKA 5:3

Qullaawu mannira hasiisannokkiha ikkinohura foorre woy saalimale ikkito woy busha yortoha ikka agurina, mereero'ne togoohu duduwu nafa horonta hee'roonke.

EFESOONI SOKKA 5:5

Foorannohu, woy saalsiisanno coye assannohu, woy hafuuraamu (hattoo manchi kaphu magano magansi'ranno), Kiristoosinna Maganu Gashshootira dargu hee'rannosikkita affe.

MARRO 31:6

Jawaatte; kaajje; insa horonta waajjitinoonte. Magani'ne Kaaliiqi ledo'ne hee'ranno; diaguranno'ne; dicallachishanno'ne» yee coyi'ri.

MARRO 31:8

Albakkiinni ha'rannohu Kaaliiqaati. Isi ate ledo hee'ranno. Dicallachishannohena, horontanni yaaddooti; waajjitooti» yiisi.

MARRO 4:31

Magani'ne Kaaliiqi maaranno Magano ikkinohura, diaguranno'ne; diinohunanno'ne. Annuwa'nera xaarotenni dhaawino gondooro dihawanno.

QOLASIYAASI SOKKA 3:5

Kunnira uullate aana noota tenne gobba yorto duucha shiiyye. Hakkurino foorrete, battaawate, maalu yortote, busha halchooti, kaphu maganna magansi'rate yortooti.

UMI XIMOOTEWOOSI 3:3

dimbannokkiha, yekkeeramannokkiha, anja egemminoha, gibbo giwannoha, woxeho hagaagannokkiha,

IYYAASU 1:5

Ate Iyyaasu lubbotenni nootto geeshsha qeelannohehu ayino dihee'ranno. Ani Muse ledo hee'rummonte gede, ate ledono hee'reemmo. Wo'manka woyite ate ledo noommo; horontanni diagureemmohe.

IYYAASU 7:21

afi'noommo uduunni giddonni seyinoha Baabiloonootu kaabba, 2 kiilo keenanno geeshshiha kinchu birranna kiilote darate ikkannoha micciirote culka laoommo; yorsiisinoe daafira adhoommo. Kore, birra woroonni wore dukkani'ya giddo waameenna no» yii.

LAYINKI PHEEXIROOSI 2:14

Foorre batidhinonsareeti; cubbo loosse disarmitannoreeti; ammanate jawaatinokki manna dogganno. Yogortichu wodanireeti; rumantinoreeti.

LAYINKI PHEEXIROOSI 2:3

Kuri kaphu rosiisaano woxeho hagaagansanni, kalaqqe coyidhanno masalonni woxe'ne guddanno. Lowo yannanni kayisse insara yoo qixxaabbe no; baonsano digattannote.

YIHUDA 1:11

Qaayeeli doogo hadhinona, woxeho yite Beleaami so'ro giddo ubbinona, Qore gede qoxxissanno daafira ba'annona insara aanne'e!

UMI SAAMUEELI 10:7

Kuni malaati baalu ikkanno yannara Kaaliiqi ledokki noona, seyanno yaattore baala assi.

UMI SAAMUEELI 12:22

Kaaliiqi umisi manna assira'nera hede, bayiru su'misi daafira yee mannasi diaguranno.