IBIRAAWOOTA 13:3 - Qullaawa Maxaafa

³ Ledonsa usuraminohu gede ikkitine, usurantinore qaagge! Ledonsa qarra adhitinoonnihu gede ikkitine, qarrantinore qaagge.

IBIRAAWOOTA 13:3 ပူးပေါင်းရင်းမြစ်များ

KALAQAMA 40:23

Woyinete xajje xorshannohu kayinni, Yooseefi hawinosi ikkinnina horontanni diqaaginosi.

MAATEWOOSI 25:36

Kalleenna uddisiissinoonnie; dhiwameenna la'inoonnie; usurameenna xa'mitinoonnie› yaannonsa.

MAATEWOOSI 25:43

wosinchimma dayenna dihaadhinoonnie. Kalleenna diuddisiissinoonnie; dhiwameenna dila'inoonnie; usurameenna dixa'mitinoonnie› yaannonsa.

SOQQAMAASINETE LOOSO 24:23

Filikisi xibbu olanto hajajaancho woshshe, «Phaawuloosi lowo geeshsha qarrissootisina, kayinni seekkite agari! Jaallasi mitore abbitusiro hooltooti» yii.

SOQQAMAASINETE LOOSO 27:3

Layinki soodo Sidoona iillinummo. Yuliyoosi Phaawuloosi mararino daafira, jaallasiwa mare Phaawuloosira hasiisannosire kaa'litannosi gede assi.

ROOMU SOKKA 12:15

Hagiidhitannori ledo hagiidhe; wi'litannori ledo wi'le.

UMI QORONTOOSI 12:26

Manninatu giddonni mittu bisi dhiwamiro, wolu bisi gudisame dhiwamanno. Mittu bisi ayirrinye afi'riro, wolu bisi qole hattennenni hagiidhanno.

EFESOONI SOKKA 4:1

Mootichaho soqqama'yanni usuranya ikkoommohu ani Phaawuloosi, woshshama'nera labbino heeshsho heedhinanni gede jawaachisheemmo'ne.

QOLASIYAASI SOKKA 4:18

Konne keere anga'yanni borreessoommohu ani Phaawuloosiiti. Cagaagetenni usurame noommota habbinoonte. Maganu elto ki'ne ledo heedho!

IBIRAAWOOTA 10:34

Ki'ne gordoho woyyaabbinotinna hegere jiro noo'neta affinoonni daafira, usuranyootu ledo qarrantinoonni. Jajja'neno wolqatenni adhinanna cincitine hagiirrunni sa'inoonni.

IBIRAAWOOTA 11:37

Kinnatenni gannoonninsa; magaazetenni darroonninsa; bisetenni shinoonninsa; ge'reewunna meu lande uddidhe ka'anna kawa raataabbino; buxxe, gadadantenna hawaaxante heedhino.

UMI PHEEXIROOSI 3:8

Hakkiinni sairo, baalunku mimmiti'ne ledo sumuu yitine heedhe; wolu manni qarra umi'nehu gede assitine hedde. Rodiimmate baxillinni baxamme; shaqqaddanna jooguulle ikke.