IBIRAAWOOTA 13:2 - Qullaawa Maxaafa

² Wosina adha habbinoonte. Mitu mitu affukkinni sokkaasine wosinchimma adhitino.

IBIRAAWOOTA 13:2 ပူးပေါင်းရင်းမြစ်များ

KALAQAMA 18:1

Mitte soodo barru taalootira Abirihaami dukkanu waalchira ofolle hee'reenna, Kaaliiqi Memire haqqe qullaawate mule leellisi.

KALAQAMA 19:1

Lamenti sokkaasine hatte hawarro Soddooma e'u; Looxino Soddoomu Katami waalchira ofolle no. Isino insa afe haa'ransara kai; alba hige gombisame keere haa'ri.

LAYINKI MOOTOOLLA 4:8

Mitto barra Elsai mitte dureette mancho heedhannowa Suneemi Katama ha'ri. Hakkiicho dureette manchonni xaadeenna sagale itanno gede koyissusi. Hatte yannanni kayise Suneemi Katama maranno kiironni sagale isewa itanno.

IYYOOBI 31:19

Imaana hoogeenna qiidu shaanni nooha afe, sammi yee saoommoro.

IYYOOBI 31:32

Ha'ranna hashshinosiha, mine'ya masse gashshoommo.

ISAYAASI 58:7

Sagale'ne hudidhinori ledo beeqqitinanni gede, galannowa hooginoha mine'ne gashshitinanni gede, kallinoha uddisiissinanni gede, kaa'lo hasi'ranno fiixi'nerano alba shawwu yitinannikki gedeeti.

LEEWAAWOOTA 19:34

Giddo'ne hee'rannoha wole gobba manna fiixi'ne gede assitine la'e; umi'ne gede assitine baxxensa; ki'neno Gibitsete wole gobba manna ikkitine heedhinita qaagge. Ani Kaaliiqi Magano'neeti.

MAATEWOOSI 25:35

Hudi'reenna itissinoonnie; goo'reenna hayikkissinoonnie; wosinchimma dayenna haadhinoonnie.

MAATEWOOSI 25:40

«Mooteno, ‹Halaale kuleemmo'nena, kuri maa'nuullu roduuwi'ya giddonni mittoho nafa assitinoonnihu baalu anera assitinoonniho yaate› yee qolinsa.

MAATEWOOSI 25:43

wosinchimma dayenna dihaadhinoonnie. Kalleenna diuddisiissinoonnie; dhiwameenna dila'inoonnie; usurameenna dixa'mitinoonnie› yaannonsa.

SOQQAMAASINETE LOOSO 16:15

Isenna minese noo manni baalu cuuamihu gedensaanni, «Mooticha ammana'ya affinoonniha ikkiro, amme mini'yara e'ine ofolle» yite lowo geeshsha huuccitunke.

ROOMU SOKKA 12:13

Gadadantino ammanaasine kaa'lensa; wosinchimma daggannore haadhensa.

ROOMU SOKKA 16:23

Anenna gudisama beetekiristaane towatanni noohu Gayiyoosino keere dhaamino'ne. Katamu hajara sooreessa ikkinohu Erasixoosinna rodiinke Quwarxoosi keere dhaantino'ne.

UMI XIMOOTEWOOSI 3:2

Kunnira, beetekiristaanete albisi minshanniri nookkiha, mitte galteha, jilba sa"annokkiha, umosi qee'linoha, amanyoote agadhannoha, wosina adhannoha, rosiisa dandaannoha,

UMI XIMOOTEWOOSI 5:10

Oososeno danchu garinni lossi'rate, wosina adhate, keeraanote lekka hayishshate, qarrantinore kaa'latenna dancha looso baala loosate diinaggaabbannota ikka hasiissanno.

TIITO 1:8

wosina adhannoha, dancha coye baxannoha, umosi ceinoha, halaalaancho, Maganu soqqanshora baxxinoha, jilba sa"annokkiha ikkona.

UMI PHEEXIROOSI 4:9

Gunguntinikkinni mimmito'ne wosinchimma adhe.

SAYIKKI YOHAANNISI 1:5

Jaala'ya! Egennoottokkire ikkiturono, roduuwa ammanamatenni towatoottonsa.