IBIRAAWOOTA 12:3 - Qullaawa Maxaafa

³ Kunnira, wolqa ba'inikkinninna hexxo mudhitinikkinni, cubbaataammu baalu gibbannasi cincinoha Yesuusa qaagge.

IBIRAAWOOTA 12:3 ပူးပေါင်းရင်းမြစ်များ

LAWISHSHA 24:10

Qarru barra wolqiweelittoro, jawaatte diafatto.

ISAYAASI 50:4

Wolqa hoogginore jawaachisheemmo gede, Mootichu Kaaliiqi coyi'reemmore kulinoe; soodimaroho baqqi yee, rosiisannore macciishsheemmo gede assannoe.

MAATEWOOSI 11:19

Manchi Beetti itanninna aganni dayita kayinni, ‹Kuni itonna ago baxannoho; qaraxaasinetenna cubbaataammu jaalaati› yitino. Egennote halaalaanchimma gumisenni leeltanno» yiinsa.

MAATEWOOSI 12:24

Farisootu kayinni tenne macciishshite, «Isi durriisa fushshanni noohu, roorrichinsa Bielizebuuli wolqanniitilla» yitu.

MAATEWOOSI 15:2

«Rosaanokki albi manni woga mayira diigganno? Anga hayishshidhukkinni sagale ittanno!» yitu.

MAATEWOOSI 21:23

Yesuusi Qullaawu Minira e"e rosiisanni hee'reenna qeesootu roorrootinna gobbate geerri isiwa shiqqe, «Konne coye assattohu mayi roorreenniiti? Woy kayinni togoo coye assate roorre uyinohehu ayeti?» yite xa'mitusi.

MAATEWOOSI 21:46

Kunnira iso amada hasidhe, kayinnilla mannu himanaanchu gede asse la"annosi daafira waajjitu.

MAATEWOOSI 22:15

Hakkunni gedensaanni, Farisootu hadhe Yesuusa coyinni woshshaaddanno gara ma'litu.

LUQAASI 14:1

Yesuusi Fooliishshote Barra mittu Farisootu roorrichi mine sagale itara ei. Farisootu Yesuusi assannore galaalchitanni no.

LUQAASI 15:2

Farisootunna Seeru rosiisaano, «Kuni manchi cubbaataamma baala gamba assi're insa ledo itanno» yite gunguntu.

LUQAASI 16:14

Farisootu woxe baxxannore ikkitino daafira, Yesuusi coyi'rinore baala macciishshite arrassitusi.

LUQAASI 2:34

Simiooni maassi'rinsahu gedensaanni amasi Maariyaami, «Kuneeti, kuni qaaqqi Israeelete giddo lowo mannira baote, lowo mannira gatote malaate ikkanno. Lowo manni giwannosi.

LUQAASI 5:21

Seeru rosiisaanonna Farisootu, «Kuni Magano xonannohu isi ayiti? Magano agurranna mannu cubbo agura dandaannohu wolu nooni?» yite heddu.

YOHAANNISI 10:20

Insa giddonni lowo manni, «Isira durriisu no; wodana difayyinona, isi yaannore mayira macciishshitinanni?» yitu.

YOHAANNISI 18:22

Yesuusi hatto yiita, hakko noori giddonni mittu, «Qeesootu roorrichiraati togoo tumo qolattohu?» yee qawaadisi.

YOHAANNISI 5:16

Hattoo coye Fooliishshote Barra assino daafira, Ayihudete gashshaano Yesuusa qarrissusi.

YOHAANNISI 7:12

Mannuno isire kayise hashaashamanna mitu mitu, «Isi dancha manchooti» yii. Wolootu kayinni, «Dee'ni, isi manna so'risiisanno» yitu.

YOHAANNISI 8:13

Farisootu, «Ati umikki daafira farci'rootto; farci'rakki leddannori dinoote» yitu.

YOHAANNISI 8:52

Ayihudootu, «Durriisu nooheta xa anfummo; Abirihaami reyino; himanaanono reyitino. Ati kayinni, ‹Qaale'ya agadhannohu horonta direyanno› yaatto.

YOHAANNISI 8:59

Kunnira Ayihudootu kinnatenni gantasira ka'u. Yesuusi kayinni insara leellikkinni Qullaawu Mininni fule ha'ri.

YOHAANNISI 9:40

Hatte yannara Yesuusi mule noo Farisooti yiino coye macciishshite, «Hatto yaatto woyite, ninkeno ballootaho yaateni?» yitu.

UMI QORONTOOSI 15:58

Kunnira ki'ne ayirradda roduuwa'ya, Mootichaho soqqantinanni daafurtinoonni daafuri mullawa gatannokkita affinoonnina, Mootichu looso wo'manka woyite agurtinikkinni kaajjitine loosate hixamanye!

LAYINKI QORONTOOSI 4:1

Tenne soqqansho Maganu maaronni afi'noommo daafira wolqa diba'neemmo.

LAYINKI QORONTOOSI 4:16

Kunnira, wolqa diba'neemmo. Gobbayidi manninatinke ba"annoha ikkiro nafa, giddoyidi manninatinke barru barrunkunni haaroo'manno.

GALATIYU SOKKA 6:9

Dancha looso loosa cee'minoonke. Hexxo mudha hoongummoro, yanna iillitanno woyite mixxineemmo.

MARRO 20:3

‹Israeele macciishshe! Techo diinna'ne ledo ola hanaffinanniha ikkino daafira, wodani'ne masoonke; waajjitinoonte. Diinna'ne albaanni shoondartinoonte.

LAYINKI TESELONQE 3:13

Ki'ne kayinni roduuwa'ya, daafurrummo yitine dancha looso loosa cee'mitinoonte.

IBIRAAWOOTA 12:2

Amma'nanke umonna gawalo ikkinohu Yesuusi aaninni ille'ne hooltinoonte. Isi albasiinni noo hagiirri daafira yee, shollinye waajjikkinni masiqalu aana ree, ayirradu Maganu barcimira qiniiteenni ofollino.

IBIRAAWOOTA 12:5

Maganu oososi gede asse, «Beetto'ya, Kaaliiqi seejjo mishshooti! Rufannohe woyiteno wolqa ba'ooti!

IBIRAAWOOTA 3:1

Gordu woshshatto beeqqaasine ikkitinoonniri qullaawa manna! Amma'nankera soqqamaanchonna Qeesootu Qara Yesuusa qaagge!

UMI PHEEXIROOSI 2:23

Xontannasi qole dixonino; qarra adhanni hee're halaale coyi'ranno Maganira eeggo uyino ikkinnina, qole direewino.

YOHAANNIS AJUUJA 2:3

Cincootto; su'mi'ya daafira hifatittokkinni qarra adhootto.

UMI SAAMUEELI 12:24

Ki'ne Kaaliiqalla waajje; co'o yiino wodaninni ammanamatenni soqqammesi. Assino'ne dhagge baala habbinoonte.