IBIRAAWOOTA 11:1 - Qullaawa Maxaafa

¹ Amma'nate yaa hexxotenni agadhinoonni coye hawaqi'ratenna, illete leellinokki coyeno buuxi'rate yaate.

IBIRAAWOOTA 11:1 ပူးပေါင်းရင်းမြစ်များ

FAARSO 27:13

Lubbotenni hee're Kaaliiqi assanno danchumma, afummokkinni digateemmo.

FAARSO 42:11

Lubbo'ya ballo, mayira dadillatta? Mayira daassattae? Xaano galagale Magano gatisaancho'ya galaxxeemmona, atino iso hexxi.

SOQQAMAASINETE LOOSO 20:21

Ayihudeno dagano aagintaabbe Maganunniwa higgannonna Mooticha Yesuusa ammantanno gede farci'roommo.

UMI QORONTOOSI 13:13

Kunnira ammana, hexxonna baxillu sasunku darginni milli yitukkinni heedhanno. Ikkollana, kuri sasunku giddo rooru baxilleho.

LAYINKI QORONTOOSI 11:17

Togo ikke naaxxe coyi'reemmo woyite, coyi'ranni noommohu Mootichu hedo garinni ikkikkinni gowwu gede ikkeeti.

LAYINKI QORONTOOSI 4:18

Ninke illetenni leellannoha ikkikkinni leellannokkiha illachinsheemmo. Illetenni leellannohu shiima yannalla keeshshanno; illete leellannokkihu kayinni hegereho.

LAYINKI QORONTOOSI 5:17

Kunnira ayino Kiristoosinni hee'riro haaro kalaqamaati. Akkalu sae ha'reenna kune haaru dayino.

LAYINKI QORONTOOSI 5:7

Ammanatenni ikkinnina la"atenni dihee'neemmo.

LAYINKI QORONTOOSI 9:4

Meqedooniyu manni ane ledo daye qixxaabbinoonnikkita afanno woyite, ki'ne calla ikkitinikkinni ninkeno ki'ne hexxankera hakko garinni saalleemmo.

GALATIYU SOKKA 5:6

Kiristoosi Yesuusinni hee'niro, barcima woy barcima hooga mittoreno dikaa'litanno. Hasiissannoti baxillunni leeltanno amma'na callate.

TIITO 1:1

Maganu borojjichonna Yesuusi Kiristoosi soqqamaasincho ikkoommohu, Maganu doodhino manni ammana jawaachishatenna maganittete heeshsho halaale affanno gede assate dooramoommohu ani Phaawuloosi soommo sokka:

IBIRAAWOOTA 10:22

Wodaninke keeraa'manno gede busha tiianke faanseenna, bisonkeno xalalu wayinni hayishsheenna, taalu wodaninninna halaalaancho amma'nanni Maganunniwa shinqo.

IBIRAAWOOTA 10:39

Ninke kayinni amma'nite gattannori widooti ikkinnina, badhe higge shuduuxxitannori wido di"ikkinoommo.

IBIRAAWOOTA 11:13

Kuri baalu amma'nite heedhe reyitino. Maganu uyinonsa hexxono diafidhino. Ikkollana xeertote heedhe la'e, afidhinohu gede assite hagiidhite adhitino; tenne gobbara wosinanna manni gobba manna ikkitinota ammantino.

IBIRAAWOOTA 11:27

Mootete hanqo waajjikkinni Gibitsete gobba agure fulinohu amma'natenniiti. Illete leellannokki Magano afinohu gede asse hede noowa kaajje hee'ri.

IBIRAAWOOTA 11:7

Illetenni leellinokki coyi're Maganu balaxe qorophisiise kulisi yannara Nohi Magano waajjatenni minisi manna gatisara markaawe seekkinohu amma'natenniiti. Amma'natenni alamete so'rose leellishino; amma'natenni afi'nanni keeraanchimmano ragi'rino.

IBIRAAWOOTA 2:3

Tenne jawa gato lashshi assine agurrummoro, qorichuwiinni hiitto ikkine ganteemmo? Tenne gato balaxe Mootichunku lallawino. Macciishshitinorino konne coye ninkera buuxissinonke.

IBIRAAWOOTA 3:14

Albi amma'nanke goofimarchu geeshsha seekkine cu'mi'nummoro, Kiristoosi ledo gutammeemmo.

IBIRAAWOOTA 3:6

Kiristoosi kayinni Maganu mine ammanaminohu, Beetto ikkasinniiti; minisino ninkeeti. Minesi ikkineemmohu, adawadhineemmotanna hawaqi'neemmo hexxo seekkine cu'mi'nummorooti.

IBIRAAWOOTA 6:12

Amma'natenninna cincatenni kaajjite Maganu hedinonsa coye ragi'ranno manna labbinanni gede ikkinnina, cee'maleeyye ikkitinannita dihalchineemmo.

LAYINKI PHEEXIROOSI 1:1

Yesuusi Kiristoosi soqqamaanchonna soqqamaasincho ikkinohu Simiooni Pheexiroosiwiinni, Maganinkenna Gatisaanchinke Yesuusi Kiristoosi keeraanchimma widoonni afi'noommo ammana gedeeta ayirrado ammana afidhinoonnirira: