IBIRAAWOOTA 10:5 - Qullaawa Maxaafa

⁵ Kunnira Kiristoosi tenne alame daanni hee're Maganoho, «Kakkalonna fushshaate dihasi'rootto; mannimma kayinni qixxeessoottoe.

IBIRAAWOOTA 10:5 ပူးပေါင်းရင်းမြစ်များ

KALAQAMA 3:15

atenna manchote mereero, sirchikkinna sirchise mereero diinoomu hee'ranno gede asseemmo; isi umokki cancananno; atino gindesi qasatto» yii.

ISAYAASI 1:11

Kakkalo'ne batinyi anera ma"assannoe? Xaa geeshsha shiqishshinoonniehu ge'rechu goci, shilqote kakkalonna misino booti coomi cee'mishshinoe. Woraamu, ge'reewunna meu gocca mundee dihagiirsiissinoe.

ISAYAASI 40:16

Libaanoosi dubbi kakkalosi haqqera di"ikkanno; hakkiicho noo saadano shilqote kakkalora ajjanno.

ISAYAASI 7:14

Kunnira, Mootichu umisi malaate aanno'ne; kuneeti seemo godobbe labbaa beetto iltanno. Su'mano, ‹Amaanueeli› yite fushshitannosi.

ERMIYAASI 31:22

Ki'ne ammana xe'ino'neri! Raataabbinanni heedhinannihu mamooti geeshshaati? Ani Kaaliiqi baattote aana haaro coye kalaqeemmo; labbaaha meyati agartanno» yii.

ERMIYAASI 6:20

Ki'ne Yihudu manna! Saaba gobbanni hixaana, fafo gobbannino su'niitanno qimame abbitinoonnie; addi addi kakkalono kakkaltinoonnie; kuni anera ma assannoe? Konne abbitinoonnie afansha baala giwoommo.

MAATEWOOSI 11:3

«Daanno yinihu ateetinso wole agadhino?» yite xa'mitanno gede assi.

LUQAASI 1:35

Sokkaasinchu qole, «Qullaawu Ayyaani ate aana dirranno; Wo'munkura Aliidi Magani wolqa caalshiishshannohe. Kunnira ati ilatta qaaqqo Qullaawu Maganu Beetti yinanni.

LUQAASI 7:19

«Daanno yinannihu ateetinso wole agadhino?» yite Mooticha xa'mitanno gede soyi.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

GALATIYU SOKKA 4:4

Ikkollana, yinoonni yanna iillituta, Maganu Beettosi tenne gobba soyino. Isino, meyati ilteenna Seeru garinni lophino.

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.

IBIRAAWOOTA 1:6

Maganu bayira Beettosi tenne gobba soyara kai yannara, Maganu sokkaasine baala magansidhannosi gede hajajino.

IBIRAAWOOTA 10:10

Yesuusi Kiristoosi Maganu hedinore wonshara hasi'rino daafira, ninke baalunku isi maalisinni shiqishinotenni lendannikki kakkalonni cubbinkenni keeraa'minoommo.

IBIRAAWOOTA 10:7

Hatte yannara ani, ‹Magano'ya, qullaawa borro giddo anere borreessinoonninte gede, ati hedoottore wonshammora dayommo› yoommo» yii.

IBIRAAWOOTA 10:8

Umo asse, «Seeru garinni shiqinshanni kakkalonna fushshaate, gudinse giirranni kakkalonna cubbo agursiisate kakkalo dihasi'ratto; kurino dihagiirsiisannohe» yii.

IBIRAAWOOTA 2:14

Mannu maalanna mundee afi'rinoha ikkino garinni, Yesuusino insa gedee manna ikke suudensa karsami. Hatto ikkinohuno, reyosi widoonni hige reyote aana roorre afi'rinoha Sheexaane hunara yeeti.

IBIRAAWOOTA 5:7

Yesuusi tenne gobbara mannu gede ikke hee'ri yannara, reyotenni gatisasira dandaanno Magani widira hige qoonqosi naggi asse wi'le lowo hindiiddonni huucci'ri. Maganu joongillesinna owaantesi lae huuccattosi macciishshisi.

IBIRAAWOOTA 8:3

Mitto mittonka qeesootu roorroota worrannihu, Maganoho fushshaatenna kakkalo shiqishshanno gedeeti. Ninkehu Qeesootu Qarino shiqishannoha mitto coye afi'ra hasiissannosi.

UMI PHEEXIROOSI 2:24

Cubbuwiinni baxxine keeraanchimmatenni hee'nammora, cubbonke manninatisinni masiqalu aana duqqino; isi madanni ki'ne hurtinoonni.

LAYINKI YOHAANNISI 1:7

Yesuusi Kiristoosi manna ikke dayinota ammantannokkiri lowo so'risiisaano ka'e no; kuri so'risiisaanotenna Kiristoosa qoxxissannoreeti.