IBIRAAWOOTA 10:1 - Qullaawa Maxaafa

¹ Muse Seeri albillitte daara noohu danchu coyi hincilaallooti ikkinnina, halaalaancho coye di"ikkino. Kunnira wo'ma woyite diru dirunkunni kakkalate kakkalo haa're Maganunniwa shiqanno manna horo guuta assansara didandaanno.

IBIRAAWOOTA 10:1 ပူးပေါင်းရင်းမြစ်များ

LEEWAAWOOTA 9:16

Shilqote kakkalora shiqino goco, uyinoonni seeri garinni kakkali.

ROOMU SOKKA 8:3

Mannu maali wolqa hoogino daafira, Seeru assara dandiinokki coye Maganu assino. Maganu Beettosi cubbaataamu manni lawishshinni cubboho kakkalo asse soyino. Kunni garinni Maganu cubbu aana yoo yee qorichishino.

QOLASIYAASI SOKKA 2:17

Kuri baalu albillittete daara noo coyira caalu gedeeti. Halaalu leellannohu kayinni Kiristoosinniiti.

IBIRAAWOOTA 10:22

Wodaninke keeraa'manno gede busha tiianke faanseenna, bisonkeno xalalu wayinni hayishsheenna, taalu wodaninninna halaalaancho amma'nanni Maganunniwa shinqo.

IBIRAAWOOTA 7:11

Israeelete Seera uyinoonnihu Leewi qeesimma garinniiti. Tini qeesimma guuta ikkitoommero, Aarooni qeesimmawiinni baxxitinota Melketsedeqite gedee qeesimma woleteemmero dihasiissanno.

IBIRAAWOOTA 8:5

Insa soqqantannohu gordoho noo coyira lawishshanna caale ikkino coyiraati. Kuni ikkinohu Muse dukkana seekki waro Maganu, «Ilaalu aana leellishummohe garinni xiinxallite seekki!» yee hajajinosi garinniiti.

IBIRAAWOOTA 9:11

Ikkollana Kiristoosi Qeesootu Roorricha ikke dayinohu xa noohu danchu coyi daafiraati. Isi soqqamannohu qullaawu dukkani roore jawahonna guutaho. Kuni dukkani mannu anganni seekkinoonnihanna tenne gobba kalaqami ledoha di"ikkino.

IBIRAAWOOTA 9:23

Kunnira, kuri gordu coyi lawishsha ikkitinori baalu, kunni gari woganni keeraa'ma hasiissannonsa. Gordu coyi kayinni hakkiinni sa'ino kakkalonni keeraa'ma hasiissannosi.

IBIRAAWOOTA 9:25

Ayihudennihu qeesootu qari saadate mundee haa're diru dirunkunni Qullaawu Holgira eanno. Kiristoosi kayinni isonoo kakkalo asse shiqishate wo'ma woyite dieino.