IBIRAAWOOTA 1:5 - Qullaawa Maxaafa

⁵ Maganu, «Ati Beetto'yaati, techo iloommohe» woy, «Ani anna ikkeemmosi, isino Beetto'ya ikkanno» yiinohu hiikko sokkaasinchiraati?

IBIRAAWOOTA 1:5 ပူးပေါင်းရင်းမြစ်များ

LAYINKI SAAMUEELI 7:14

Ani anna ikkeemmosi; isino beetto ikkannoe. So'ro assanno woyite annu beettosi seejjannonte gede seejjeemmosi.

UMI DUDUWO 17:13

Ani anna ikkeemmosi; isino beetto ikkannoe. Isi darga ate moohisate gashshootisi aaninni dirrisummohu Saaooli gede asse kaa'lo'ya beettikki mulinni dixeertiseemmo.

UMI DUDUWO 22:10

Anera Qullaawa Mine minannoehu isooti. Isi beetto ikkannoe; anino anna ikkeemmosi. Gashshootisino minisinni fulikkinni Israeelete aaninni soorramikkinni hee'ranno› yee hexxo uyinoe» yiisi.

UMI DUDUWO 28:6

Qoleno Kaaliiqi, « ‹Qullaawa Mine minannoehunna nafarra seekkannoehu beettikki Selemooniiti. Isi beetto ikkannoe; anino anna ikkeemmosi.

FAARSO 2:7

Kaaliiqi seera lallaweemmo; isino, «Ati beetto'yaati; ani techo iloommohe.

SOQQAMAASINETE LOOSO 13:33

Yesuusa reyotenni kayisasinni, ninke oosonsara hattenne hexxo wonshino. Kuni ikkinohu layinki faarso aana, ‹Ati Beetto'yaati; Ani techo iloommohe› yine borreessinoonni garinniiti.

IBIRAAWOOTA 5:5

Kiristoosino Qeesootu Qara ikkate ayirrinye umisinni diadhino. Qeesootu Qara ikkate ayirrinye, «Ati Beetto'yaati; ani techo iloommohe» yiino Magani uyinosi.