IBIRAAWOOTA 1:4 - Qullaawa Maxaafa

⁴ Isira uyinoonni su'mi sokkaasinete su'mira aliidiha ikkinonte gede, isino sokkaasinete aliidiho.

IBIRAAWOOTA 1:4 ပူးပေါင်းရင်းမြစ်များ

EFESOONI SOKKA 1:21

Kiristoosi gordoho qiniitesiinni ofollinohu, iimi gashshaano, roorrootu, wolqaataammunna mootoolla baalate aleenni gashshateeti. Isi tenne xa nooterano daggara noo alamera aliidiha ikkinoha ayirrado su'ma afi'rino.

QOLASIYAASI SOKKA 1:18

Isi bisosi ikkitinotera beetekiristaanete umoho. Baalunku coyira albiidiha ikkanno gede, reyotenni ka"atennino albiidihanna umiha ikkino.

QOLASIYAASI SOKKA 2:10

Ki'neno gashshatenna roorrete umo ikkinohu Kiristoosi widoonni wo'mille afidhinoonni.

LAYINKI TESELONQE 1:7

Xa qarra adhitinannirira ninke ledo fooliishsho aanno'ne. Hatto assannohu, Mootichu Yesuusi wolqaataame sokkaasinesi ledo wala yitanno giiranni gordunni daanno warooti.

IBIRAAWOOTA 1:9

Keeraanchimma baxootto; bunshe giwootto; kunnira, Maganu Maganikki, jaallakkinni roorse hagiirru buuro buurinohe» yaanno.

IBIRAAWOOTA 12:17

Gedensaanni Eesawu maasso galagalche qo'lara hasi'reenna gimboonnisita affinoonni; hattenne maasso qo'late hururame wi'le nafa diafi'rino; gaabbeno qo'la didandiino.

IBIRAAWOOTA 2:9

Xa kayinni sokkaasinetewiinni shiima yanna geeshsha ajino. Xa kayinni reyote qarra adhino daafira, ayirrinyunna galatu ba'latto worroonnisiha Yesuusa la'neemmo; isi Maganu eltonni baalunku daafira reyino.

UMI PHEEXIROOSI 3:22

Isi gordo ha're Maganoho qiniiteenni no; sokkaasine, gashshaanonna wolqaataammu angasira higganno.