IBIRAAWOOTA 1:3 - Qullaawa Maxaafa

³ Isi Maganu ayirrinye xawise leellishino; isi ewelummasinni gudise Maganu ledo mittoho. Kalqe baala wolqaataamu qaalisinni irkise amade no. Mannano cubbunni keereensihu gedensaanni, gordoho ayirradu gashshaanchi Maganu qiniiteenni ofollino.

IBIRAAWOOTA 1:3 ပူးပေါင်းရင်းမြစ်များ

UMI DUDUWO 29:11

Ati jawahonna wolqaataamoho; ati ayirrinyu, xummenna gaamaarre wo'mitinoheho; gordohonna baattote aana noori baalu ateho; ati wo'munkura aliidihonna wo'munku aana roorre afi'rootto mooteeti.

IYYOOBI 37:22

Aliyye ragaanni culka lawanno xawaabbi daanno; Maganuno dhaggete ayirrinyinni leellanno.

FAARSO 110:1

Kaaliiqi Mootichi'yara, «Baarigaarrakki lekkakkira woroonni qolammo geeshsha, qiniite'yaanni ofolli» yiisi.

FAARSO 75:3

Baattonna baattote aana noori baalu daaqanno yannara, ani baattote tuuqqa kaajjisheemmo.

ROSIISAANCHO 8:4

Moote hasi'rire assara dandaanno daafira, «Togo mayira assitto?» yaannosihu dino.

LEEWAAWOOTA 15:15

Qeesichuno mitto cubbu kakkalora, layinkiha shilqote kakkalora shiqishona. Kunni garinni keereensate seera wonshona.

MIKIYAASI 5:4

Isi daanno yannara, Kaaliiqiwiinni afi'ranno jawaantenninna xirchinni Kaaliiqi Maganu su'minni mannasi gashshanno. Lowimmasi gobbate qacce geeshsha egennantanno daafira, ga'resi massukkinni heedhanno.

MAATEWOOSI 22:24

«Rosiisaancho! Muse, ‹Mittu manchi galte adhe ooso ilikkinni reyiro, rodiisi galtesi ragi're sircho sayisosi› yiino.

MAARQOOSI 16:19

Mootichu Yesuusi konne baala kulinsahu gedensaanni, gordo ha're Maganoho qiniiteenni ofolli.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 1:29

Layinki soodo Yohaannisi Yesuusi isiwa hige daanna afe, «Kune alamete cubbo haa're hoolannohu Maganu Wilii'lichi isooti» yii.

YOHAANNISI 1:4

Isi giddo heeshsho no; hatti heeshshono mannu xawaabbaati.

SOQQAMAASINETE LOOSO 2:33

Maganu qiniiteenni ofollara gordo ha'ri woyitenna Qullaawu Ayyaani hexxo Annuwiinni adhi yannara konne la'inannihanna macciishshitinanniha ninke aana dunino.

SOQQAMAASINETE LOOSO 7:56

Kunnira, «Kuneeti, gordu fa'nameenna Manchi Beetti Maganu qiniiteenni nooha la"anni noommo» yii.

ROOMU SOKKA 1:16

Danchu Duduwi amma'nitinore baala balaxe Ayihude, aancheno daga gatisate Maganu wolqaati. Kunnira, ani Danchu Duduwinni disaalfateemmo.

ROOMU SOKKA 8:34

«Ki'nera qorichu malino» yaannohu ayeti? Reyinohu Kiristoosi Yesuusi, saeno reyotenni kainohu, Maganu qiniiteenni ofolle noohu ninke daafira huuccanno.

LAYINKI QORONTOOSI 4:4

Ammantinokkiri Maganu lawishsha ikkinohunniha Kiristoosiha Danchu Duduwi xawaabba ayirrinyunniha affannokki gede, wodanansa tenne gobba magani beeshshino.

QOLASIYAASI SOKKA 3:1

Xa Kiristoosi ledo reyotenni ka'inoonniha ikki geeshsha, Kiristoosi Maganu qiniiteenni ofolle noowa iima gordoho nooriwa wodana'ne hakko gashshe.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

IBIRAAWOOTA 1:13

Maganu mitto sokkaasinchono, «Baarigaarrakki lekkakkira woroonni qolammo geeshsha, qiniite'yaanni ofolli!» diyiino.

IBIRAAWOOTA 10:12

Kiristoosi kayinni lendannikkita cubbo agursiisate kakkalo shiqishihu gedensaanni, Maganu qiniiteenni ofollino.

IBIRAAWOOTA 12:2

Amma'nanke umonna gawalo ikkinohu Yesuusi aaninni ille'ne hooltinoonte. Isi albasiinni noo hagiirri daafira yee, shollinye waajjikkinni masiqalu aana ree, ayirradu Maganu barcimira qiniiteenni ofollino.

IBIRAAWOOTA 4:14

Kunnira, gordo fulinoha jawa Qeesootu Qara Maganu Beetto Yesuusa afi'noommo daafira, noonke yineemmo amma'na duu'ne cu'mi'no.

IBIRAAWOOTA 7:27

Isi wolootu qeesootu roorrooti gede balaxe umisi cubbira, aancheno mannu cubbi daafira barru baala kakkalo shiqisha dihasiissannosi. Hatto assannokkihu, umosi kakkalo asse shiqishi woyite konne coye layinkimeeshsho lendannikki garinni gudino.

IBIRAAWOOTA 8:1

Hasaambeemmohu qaru coyi kuneeti: Gordoho Ayirradu Magani barcimira qiniiteenni ofollinohu togoo qeesichi noonke.

IBIRAAWOOTA 9:16

Reyino manchi dhaammo dhaansi hee'riro, dhaamino manchi reyo halaalehoro buuxa hasiissanno.

IBIRAAWOOTA 9:26

Hatto ikkoommero, alame kalaqantunkunni kayise batinye hige qarra adha hasiisse hoogginosi. Xa kayinni yannate goofimarchira cubbo hunate isonoo kakkalo asse layinkita lendannikki garinni leellino.

UMI PHEEXIROOSI 1:21

Ammana'nenna hexxo'ne Maganunni ikkitanno gede, Yesuusi widoonni amma'nitinoonnihanna iso reyotenni kayise ayirrinye uyinosi Magano addaxxe.

UMI PHEEXIROOSI 3:22

Isi gordo ha're Maganoho qiniiteenni no; sokkaasine, gashshaanonna wolqaataammu angasira higganno.

LAYINKI PHEEXIROOSI 1:16

Mootichinke Yesuusi Kiristoosi wolqanna layinkimeeshshi daasire kullummo'ne yannara, ayirrinyesi illenkenni la'neeti ikkinnina, mannu hayyonni kalanqoonni maatto hoode ha'ratenni di"ikkino.

LAYINKI PHEEXIROOSI 1:17

«Baxeemmohu beetti'ya konneeti; isi yaannota macciishshe» yitanno huuro jawu ayirrinyisiwiinni daggusi yannara, ayirrinyenna gaacheena adhino.

UMI YOHAANNISI 1:7

Isi xawaabbaho hee'rannonte gede ninkeno xawaabbaho hee'nummoro, mimmitinke ledo mittimma heedhannonke. Qoleno Beettisi Yesuusi mundee cubbu baalunni keereensitannonke.

UMI YOHAANNISI 3:5

Isi cubbo hunara dayinota egentinoonni; isira cubbu dinosi.

YIHUDA 1:25

callichisi Gatisaanchonke ikkino Maganira, Mootichinke Yesuusi Kiristoosi widoonni qole bi're hundinni kayise hegere hegerera ayirrinyunna jawimma, wolqanna roorre ikkitosi! Hamii'ni!

YOHAANNIS AJUUJA 3:21

« ‹Ani qeelle adhe Anni'ya ledo ayirradu barcimisira ofollummonte gede, qeelinohu ane ledo ayirradu barcimi'yara ofollanno gede asseemmosi.

YOHAANNIS AJUUJA 4:11

«Mootichankenna Maganonke! Baalanka kalaqoottona, kalaqamanno gede assoottohunna, heeshsho oottohu ateetina, atera ayirrinyu, guweenyunna wolqa ikkitohe!» yitanno.