IBIRAAWOOTA 1:2 - Qullaawa Maxaafa

² Xa kayinni kunni goofimarchu barrinni baalankare ragi'ranno gede assinohu Beettisi widoonni qole ninkerano coyi'rinonke. Kalqe baala kalaqinohuno isinniiti.

IBIRAAWOOTA 1:2 ပူးပေါင်းရင်းမြစ်များ

KALAQAMA 49:1

Yaiqoobi oososi woshshe, «Albillittete iillanno'ne coye kuleemmo'nena gamba yiiyye.

ISAYAASI 2:2

Goofimarchu yannara, Kaaliiqihu Qullaawu Mini noo Ilaali, wole ilaalla baalatenni roore leellanno. Gaarra baalantenni roore luphi yee leellanno; gosa baala hakkiichira hadhanno.

ISAYAASI 44:24

Amakki godowi giddo kalaqinohehu gatisaanchikki Kaaliiqi, «Baalankare kalaqoommohu, gordonna baatto calli'ya diriirsoommohu, ani Kaaliiqaati.

ISAYAASI 45:12

Baatto kalaqe, mannano aanase hee'ranno gede assoommohu aneeti; gordo anga'yanni diriirse, aanaho beeddahe diroommohu aneeti.

ISAYAASI 45:18

Gorduwa kalaqinohu Kaaliiqaati; baatto seekke kalaqinohunna xintinohu isooti; kalaqinosehu fano heedhara ikkikkinni, mannu hee'ranno gedeeti. Isino, «Ani Kaaliiqaati; ane agurranna wolu Magani dino.

ERMIYAASI 30:24

Kaaliiqihu kaajjadu hanqi, wodanisi hedo wonshikkinni dihiganno; ki'neno dagganno yannara, konne coye buuxxinanni.

ERMIYAASI 48:47

Ikkollana Moaabira adhinoonnisire baala qoleemmo yanna dagganno. Moaabi daafira kuloommo himani konneeti. Konne coye coyi'roommohuno ani Kaaliiqaati» yii.

HIZIQEELI 38:16

Baatto guggushshino gomichi gede ikkite, manni'ya Israeelete aana bala tugatto. Yanna iillituro, baatto'ya marte horratto gede soyemmohe. Togo asseemmohu, daga ane ayimma affanno gedenna ate widoonni qole wonsheemmo coyinni Qullaawa ikka'ya egensiisateeti.

DAANIEELI 10:14

Ani dayommohuno albillitte mannikki aana daanno coye kulammoheraati. Tini ajuujano albillitte ikkanno coye xawissannote» yiie.

DAANIEELI 2:28

Ikkollana go'lino coye baala leellishanno Magani gordoho no. Isi kunni ka'ira ikkanno coye baala atera leellishinohe. Goxxe heedhe haaqii'rootto haaqeenna wodanikki giddo noo ajuuja kuneeti:

HOOSEI 3:5

Hakkunni gedensaanni Israeelete manni galagale hige Maganonsa Kaaliiqanna mootensa Daawitino hasi'ranno. Hatte yannara Kaaliiqa ayirrisanno; dancha atooteno adhanno.

MIKIYAASI 4:1

Goofimarchu iillanno yannara, Kaaliiqi mini minamino ilaali, wole ilaalla duuchantenni roore leellanno Gaaru wo'munkunni roore gotti yaanno. Lowo gobba manni isiwa lolahanno;

KIIRO 24:14

Xaate ani gobba'ya higeemmo. Hara'yara albaanni kayinni, kuni manni kunni ka'a mannakki assannota kuleemmohe» yiisi.

MAATEWOOSI 13:39

Santaata wixinohu baarigaaru Sheexaaneho. Gide murrannihu alamete goofimarchiraati; murtannori Maganu sokkaasineeti.

MAATEWOOSI 17:5

Pheexiroosi hatto yee coyi'ranni hee'reenna, xawanno gomichi daye golinsa; gomichu giddonni, «Hagiirsiisannoehu, baxeemmohu Beetti'ya konneeti; isi yaannota macciishshe!» yitanno huuro daggu.

MAATEWOOSI 21:38

Gutanyootu kayinni beetto affu yannara, ‹Kuni ragi'rannohona, amme shinona; iqqasino ninke ragi'neemmo› yitu.

MAATEWOOSI 26:63

Yesuusi kayinni mittoreno qolikkinni sammi yii. Qeesootu Roorrichi lede, «Heeshshote Magani su'minni xa'meemmohena Ati Maganu Beetto, Kiristoosa ikkoottoro kulie» yiisi.

MAATEWOOSI 28:18

Yesuusi insawa shiqqi yee, «Roorre baala gordohonna baattote uyinoonnie.

MAATEWOOSI 3:17

Hakkawoyintenni, «Hagiirsiisannoehu baxeemmo Beetti'ya isooti» yitanno huuro gordunni daggu.

MAARQOOSI 1:1

Maganu Beetti Yesuusi Kiristoosihu Danchu Duduwi hanafo kunninni aante noote.

MAARQOOSI 12:6

Xa, baxannoha mitticho beettosi fushshe soya calla gattino. Kunnira, ‹Beetto'ya ayirrissannoha ikkannona› yee hede, goofimarchoho mitto beettosi soyi.

MAARQOOSI 12:7

Gutanyootu kayinni insa insanaawa, ‹Kuni ragi'raanchohona, amme shinona; baatto ninketa ikkitannona› yite ma'litu.

YOHAANNISI 1:10

Isi alamete aana no; alameno isinni kalaqantino. Alame kayinni diegentinosi.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 1:3

Baalunkuri isinni ikkino. Kalaqaminori giddo, isiweello kalaqaminori mitturino dino.

YOHAANNISI 13:3

Yesuusi, Maganu Annu roorre baala uyinosita afino. Maganuwiinni dayinotanna galagale Maganunniwa ha'rannota egennino.

YOHAANNISI 13:32

Maganu isi widoonni ayirriro, Maganuno Manchi Beetto ayirrisannosi; rahotenni ayirrisannosi.

YOHAANNISI 15:15

Faantichu mootichu assannore afannokki daafira, kunni ka'a ki'ne faantootaho diyeemmo'ne. Anni'yawiinni macciishshoommore baala kuloommo'ne daafira, jaalla'ya yoommo'ne.

YOHAANNISI 16:15

Anni'yaha ikkinohu baalu aneho, ‹Ani yeemmo'nere haa're kulanno'ne› yoommo'nehu kunni daafiraati» yii.

YOHAANNISI 17:2

Ayirrisattosihu, oottosirira baalaho hegere heeshsho aate, mannu baalu aana roorre oottosihuraati.

YOHAANNISI 3:16

Kunni garinni Maganu baattote aana noo manna baala baxino daafira, iso amma'ninohu baalu hegere heeshsho afi'ranno gede ikkinnina ba"annokki gede, Maganu mitto Beettosi uyino.

YOHAANNISI 3:25

Kunnira, Yohaannisi rosaanonna mittu Ayihudichi keeraa'mate seeri daafira xa'mantu.

YOHAANNISI 5:26

Annu giddo heeshsho noonte gede, Beettu giddono heeshsho heedhanno gede assino.

YOHAANNISI 5:27

Beettu, Manchi Beetto ikkino daafira, yoo yaanno gede roorre uyinosi.

YOHAANNISI 9:29

Maganu Musera coyi'rinosita anfoommo; kuni maminni dayinohoro dianfoommo» yitusi.

SOQQAMAASINETE LOOSO 10:36

Maganu soyino qaali, baalunku Mooticha ikkinohu Yesuusi Kiristoosi widoonni hige keerunnihu Danchu Duduwi kulamanna Israeelete mannira iillanno gede sonkoonniha ikkinota egentinoonni.

SOQQAMAASINETE LOOSO 2:17

‹Maganu goofimarchu barra, Ayyaana'ya mannu baalu aana duneemmo; labballunna seennu ooso'ne himana coyidhanno; aju manni'neno ajuuja la"anno; geerri'neno haaqee haaqii'ranno.

ROOMU SOKKA 1:4

Mootichinke Yesuusi Kiristoosi, qullaawa ikkasi ayyaaninni reyotenni ka"asinni, Maganu Beetto ikkasi wolqatenni leeltino.

ROOMU SOKKA 8:17

Maganu ooso ikkinummoro, Maganu ragi'raasineeti; Kiristoosi ledo ragi'neemmoreeti. Kiristoosi qarra beeqqinummoro, gedensaanni ayirrinyesi beeqqineemmo.

UMI QORONTOOSI 2:7

Ninke kayinni, bi're balaxe ayirrinyinkera qixxeessinota go'lite keeshshitinota Maganu halaali egenno kulleemmo.

UMI QORONTOOSI 8:6

ninkera duuchunkuri isinni ikkinohu, ninkeno isire ikkinoommohu mittu Magani Annu noonke. Qoleno duuchunkuri isi widoonni ikkinohu ninkeno isinni hee'neemmohu mittu Mootichi Yesuusi Kiristoosi noonke.

GALATIYU SOKKA 4:4

Ikkollana, yinoonni yanna iillituta, Maganu Beettosi tenne gobba soyino. Isino, meyati ilteenna Seeru garinni lophino.

EFESOONI SOKKA 1:10

Tini hedosi wo'mitannohu Maganu yiino yanna dagganno warooti. Hedosino gordohonna baattote noo coyi baalu mitteenni gamba yee, mittu Kiristoosi anga galanno yannaraati.

EFESOONI SOKKA 3:9

Qoleno albi yannara wo'manka kalaqino Magani maaxe worino coyi hiitto ikke leellannoro baalunkura xawise kuleemmo gede elto uyinoonnie.

MARRO 18:15

Magani'ne Kaaliiqi roduuwi'ne giddonni ane gedee himanaancho kayisanno'nena isi yaannota macciishshe.

MARRO 31:29

Ani reemmo waro horonta battaabbinannita, hajajoommo'ne doogonnino wirri yitinannita afoommo. Kaaliiqi giwanno coye assatenni iso hanqissineenna bao dagganno'ne» yee coyi'ri.

MARRO 4:30

Qarrantinanni woyitenna kuni baalunku coyi iillanno'ne yannara, Magani'ne Kaaliiqiwa higgine hajajantinannisi.

IBIRAAWOOTA 1:5

Maganu, «Ati Beetto'yaati, techo iloommohe» woy, «Ani anna ikkeemmosi, isino Beetto'ya ikkanno» yiinohu hiikko sokkaasinchiraati?

IBIRAAWOOTA 1:8

Beettisire qole, «Magano! Mootimmakki barcimi hegerera hee'rannoho; keeraanchimma gashshootikki siqqichooti.

IBIRAAWOOTA 11:3

Kalqe Maganu qaalinni kalaqantinota anfeemmohu ammanatenniiti. Kunni daafira leellanno coyi baalu leellannokki coyiwiinni dayinoha ikkinota anfoommo.

IBIRAAWOOTA 2:3

Tenne jawa gato lashshi assine agurrummoro, qorichuwiinni hiitto ikkine ganteemmo? Tenne gato balaxe Mootichunku lallawino. Macciishshitinorino konne coye ninkera buuxissinonke.

IBIRAAWOOTA 3:6

Kiristoosi kayinni Maganu mine ammanaminohu, Beetto ikkasinniiti; minisino ninkeeti. Minesi ikkineemmohu, adawadhineemmotanna hawaqi'neemmo hexxo seekkine cu'mi'nummorooti.

IBIRAAWOOTA 4:14

Kunnira, gordo fulinoha jawa Qeesootu Qara Maganu Beetto Yesuusa afi'noommo daafira, noonke yineemmo amma'na duu'ne cu'mi'no.

IBIRAAWOOTA 5:8

Maganu Beetto ikkirono, iillinosi qarri widoonni hige hajajama rosi.

IBIRAAWOOTA 7:28

Muse Seeri qeesootu roorroota asse worannohu jawaante afi'rinokki mannaati. Seeru gedensaanni daggino xaaro kayinni hegerera guuta ikkinoha Maganu Beetto wortanno.

IBIRAAWOOTA 7:3

Melketsedeqira annunna ama, woy ilamate kiiro dinosi. Dirisirano hanafo, heeshshosirano gawalo dino. Kuni Melketsedeqi Maganu Beetti gede hegerera qeesicha ikke hee'ranno. Melketsedeqi Saalemi yinanni gobba mooteetinna ayirradu Magani kakkalaanchooti; kuni Melketsedeqi Abirihaami mootoolla qeele higi yannara doogo xaade maassi'rinosi.

IBIRAAWOOTA 9:26

Hatto ikkoommero, alame kalaqantunkunni kayise batinye hige qarra adha hasiisse hoogginosi. Xa kayinni yannate goofimarchira cubbo hunate isonoo kakkalo asse layinkita lendannikki garinni leellino.

UMI PHEEXIROOSI 1:20

Isi egennaminohu gobba kalaqantara albaanniiti; xa goofimarchu yannara kayinni ki'ne daafira leellino.

LAYINKI PHEEXIROOSI 3:3

Balaxxine konne coye wodanche: goofimarchu yannara hasidhu gede faasiiqqannorinna halchonsa hoode hadhanno haariimaasine dagganno.

YIHUDA 1:18

Insa, «Goofimarchu yannara uminsa yorto maganiweelote hoode heedhanno haariimaasine dagganno» yitino'ne.