HOOSEI 9:7 - Qullaawa Maxaafa

⁷ Kuneeti qorichu barri dayino; mittu mittunku loosisi guma itannohu yoote barri iillino. Israeelete manni konne baalanka coye afo! Cubbi'nenna diinoomi'ne batinyinni himanaancho balala, ajuuja afi'nohano macharaaraamu gede assitine kiirtinanni.

HOOSEI 9:7 ပူးပေါင်းရင်းမြစ်များ

LAYINKI MOOTOOLLA 9:11

Iyu fule olantote hajajaano jaallasiwa marita, «Maaho keereho? Kuni macharaaraami atewa mayira dayino?» yee xa'misi. Iyu, «Manchono coyi'ranno coyeno ki'ne affinoonni» yee dawari.

ISAYAASI 10:3

Tenne assitinoonni beebba baalate Kaaliiqi qorichishanno'ne yannara hiitto ikkitinanniyya? Xeertote gobbanni bao abbanno'ne waro mayi woyyanno'ne? Kaa'lote ayewa hadhinanniyya? Jiro'neno hiikko maaxidhinanniyya?

ISAYAASI 26:11

Kaaliiqa, angakki bushuulle qorichishate ka'e no; insa kayinni diaffino; mannikkira mageeshshi laala noohero affe waajjito; insa diinnakkira qixxeessootto giira itto.

ISAYAASI 34:8

Kaaliiqi Tsiyooni agarannohanna, isira rabbisannoha barra dinyino.

ISAYAASI 44:25

Kaphu himanaano kultannorenna, kiilaanote kiilono mullare asseemmo. Hayyoolete hayyono diigeemmo; egennonsano gowwimmate soorreemmo.

ERMIYAASI 10:15

Tini maganna mullare ikkitino daafira, minshe hunnanni; ati Kaaliiqi qorichishattonsara daatto yannara ba'anno.

ERMIYAASI 11:23

Bao abbeemmonsa waro Anatooti manni giddonni mittuno digatanno» yii.

ERMIYAASI 16:18

Baatto'ya lubbo afidhinokki misillanni batteessitinohuranna umi'yara doodhoommo baattora battete maganna wonshitino daafira, gatisammonsara albaanni, 2 ero qorichisheemmonsa» yii.

ERMIYAASI 23:13

Samaariyu himanaano illete giwissinoe; Ba"aali su'minni himana coyidhanni, manna'ya Israeele so'risiissino.

ERMIYAASI 25:14

Insa uminsa lowo gobbaranna jajjabba mootoollara borojje ikkitanno. Bunshensanni loosidhinore mixxitanno gede asseemmonsa› yiino yite kulinsa» yiie.

ERMIYAASI 29:26

«Kaaliiqi himanaanchu Yoodahe darga qeesicha asse worinohe. Qullaawu Minirano roorrichu ateeti. Kunnira, ‹Ani himanaanchoho› yaanni awaawuranno macharaaraamo amadde, goowa cagaagetenni, lekka quwetenni usura ate loosooti.

ERMIYAASI 46:21

Kiranyootu olantoseno maqallanni hee'noonni middo gedeete; ikkollana badhe higge xooqqanno. Yoonnihunna baote barri iillinonsa daafira, uurrite olama didandiitanno.

ERMIYAASI 6:14

Manni'ya mada mullare assite kiirtanno; xagichono digantanno. Keeru nookkiha, ‹Keereholla! Keereholla!› yitanno.

ERMIYAASI 8:11

Manni'ya mada mullare assite kiirtanno; xagichono digantanno; keeru nookkiha, ‹Keereholla! Keereholla!› yitanno.

ERMIYAASI QURTO 2:14

Himanaanokki kaphonna mullicho ajuuja kultanno; qarrunni gatatta gede, cubbokki xawo difushshitino. Kultinohe sokka kaphohonna so'ronnite.

HIZIQEELI 13:10

«Himanaano, ‹Keereholla› yitanni manna'ya so'risiissanno; keeru kayinni dino. Manni'ya mimmito amaddinokki kinna duune kinchu huxxa huxxino; himanaanono dagge aanaho noora buurtino.

HIZIQEELI 13:3

«Ani Mootichu Kaaliiqi, hedonsanni kalaqqe himana coyidhannoriranna ajuuja affukkinni, ‹Ajuuja anfoommo› yitannorira tidhitinokki himanaanora aanne'e!

HIZIQEELI 25:17

Lowo geeshsha qorichisheemmo; lowo geeshsha rabbisi'reemmo; hanqo'ya leellisheemmonsa yannara, ani Kaaliiqa ikkoommota affanno» yii.

HIZIQEELI 38:23

Kunni garinni, ani jawanna Qullaawa ikkoommota daga baalate leellisheemmo. Hatte yannara, insa ani Kaaliiqa ikkoommota affanno» yii.

HIZIQEELI 9:10

Kunni daafira, dimarareemmonsa; digatiseemmonsa. Insa wolootu aana assitinore baala, qole insa aana abbeemmo» yee dawarie.

HOOSEI 14:1

Israeelete manna! Magani'ne Kaaliiqiwa higge; sarraaqe tugino'nehu umi'ne cubbo ikkinota affe.

HOOSEI 5:9

Qorichu barri daanno yannara, Israeelete gobbara mitturino gatikkinni shakki yee goofanno. Kuni coyi Israeelete aana ikkikkinni gatannokkita egensiiseemmo.

HOOSEI 8:13

Insa anera kakkalo shiqishshanno; kakkalote maalano ittanno. Ani kayinni insa kakkalonni dihagiidheemmo. Saonsa kiireemmo; cubbinsa daafira qorichisheemmonsa; galagalte Gibitse hadhanno gede asseemmonsa.

HOOSEI 9:8

Isi ledo hee're mannasi qorophisiiseemmo gede Maganu ane Hoosei himanaancho asse soyinoe. Ikkollana mareemmo base baalantera ceate gede woshshaaddine amaddinaera hasidhinanni. Maganu mine nafa mannu himanaanote diina ikkino.

AMOOTSI 8:2

Kaaliiqino, «Kuni la'anni noottohu maati?» yee xa'mie. Anino, «Le'ino laalo wo'mitino gimboola la"anni noommo» yoommo. Kaaliiqi qole, «Manni'ya Israeelete goofimarchu iillino. Kunni ka'a insa qorichishummokkinni diagureemmo.

MIKIYAASI 2:11

«Tini gosa, ‹Woyinete xajje agonna woleno dimbisanno ago afi'ratenni duubbinanni› yaanni beebba coyi'ranni doganno himanaancho baxxanno.

MIKIYAASI 7:4

Insa giddonni, «Addinta dancha ammanaminoho» yinoonni manchi utunninna qu'muudotenni bande dila'nanniho. Himanaanote widoonni qorophisiisinonsa garinni Maganu mannasi qorichishanno yanna dagganno. Kuneeti xaano ikkiro dartu aana no.

SOFFOONIYAASI 3:4

Himanaanosi boo'natenni bedeedantinoreetinna giddonsa xagarro wo'mitinoreeti. Qeesootisi qullaawoota batteessitanno. Kaaliiqi hajajono uminsara injaannonsa gede shokkishshe tirtanno.

MAARQOOSI 3:21

Yesuusa, «Wodana difayyino» yinanni duduwo macciishshe, fiixisi iso amade haa're ha'rara dayi.

LUQAASI 21:22

Borreessine worroonni himani wo'manno gede, hatti qorichu yannaati.

LAYINKI QORONTOOSI 5:13

Macharaaraamma ikkinummoro Maganoho yineeti. Wodana fayyo ikkinummoro ki'neraati.

YOHAANNIS AJUUJA 16:19

Jawu Baabilooni katami sasewa beehami; gobba baalate katamma diigantu. Maganu bati'ru Baabiloonire hawinokki daafira, hanqisi woyine wonshinoonni finiinchira aganno gede assi.