HOOSEI 9:6 - Qullaawa Maxaafa

⁶ Baotenni gattara xooqqanno woyite, Gibitsootu gamba assite Memfiisi madaartannonsa. Duu'nitinoti birru jiro baala ishine uddidhe gattanno; galtanno mini giddono utunna kokko'lu fulanno.

HOOSEI 9:6 ပူးပေါင်းရင်းမြစ်များ

LAYINKI MOOTOOLLA 13:7

Iyoahaazira 50 faradaasine, 10 faradi gaarenna 10,000 olanto agurranna wole olanto dinosi. Kuni ikkinohu Sooriyu moote wole olantosi ayiddummete kuri gede fee mucuqqi asse gude agurino daafiraati.

FAARSO 107:34

Hakkiicho hee'ranno manni bunshenni kainohunni, shaqqado gobba maxinete baatto gedeeta ikkitu.

LAWISHSHA 24:31

Baalankare utu amade no; baattono ishinu egemme no; huxxuno diigame baino.

ISAYAASI 11:11

Hatte yannara, Mootichu galagale angasi diriirse gatino manna Asoorinni, Gibitsetenni, Itiyophiyunni, Elaaminni, Baabilooninni, Hamaatinni, Baaru qaccuwanninna giddichuwa baalatenni gamba assanno.

ISAYAASI 19:13

Tsoaani gashshaano gowwitino; Memfiisi albisooti dogantino; roorrootinsa mannansa so'risiissino.

ISAYAASI 27:12

Loosi'rino manchi gide galawuwiinni badannonte gede, hakko barra Kaaliiqi, Efiraaxisi Wayinni kayise Gibitsete danni geeshsha nooha mannasi Israeele, mittu mittunkunni gamba assanno.

ISAYAASI 32:13

Manni'ya baattora utunna qu'muudo fultino daafira, alba hagiidhanni hee'rino minnaranna, hagiirru wo'meenna hee'rino katamira wi'le.

ISAYAASI 34:13

Mootete minenna qiinshoonni katamma baalate, utunna kokko'lu fulanno; Yeedaalanna awulo galtannowa ikkitanno.

ISAYAASI 5:6

Hakkunni gedensaanni woyine'ya diquuxeemmo; giddono dilooseemmo. Kunnira woyine ishinu, kokko'lunna utu egemmanno gede asseemmo. Xeena ganannokki gede gomicho hajajeemmo» yii.

ISAYAASI 7:23

Hatte yannara 1,000 kinchu birra fushshanno yine hendoonnihu 1,000 woyinete kaashsho kaansanni dargi utanna qu'muudo calla fushshanno.

ERMIYAASI 2:16

Memfiisinna Xafinaasi yinanni katammanni dagginori, sammo'ne cancantino.

ERMIYAASI 42:22

Kunnira, hattenne heedhinara hadhinanni gobba Gibitsennitera olu, hudenna dhibbu gudanno'neta affe» yoommonsa.

ERMIYAASI 44:1

Gibitsete gobbara Migidooli, Xafinaasinna Memfiisi yinanni katammara, qoleno Phatiroosi yinanniwa wodiidi gobbara noo Israeelooti baalaho,

ERMIYAASI 44:12

Gibitsete hee'ra doodhitine hadhinoonnire Yihudu taraare tayiseemmo. Aju akkali gattinikkinni baalanka Gibitsete baattora hudenna bagadu gudanno'ne. Macciishshanno manni masanno; ajiiffantannire ikkitine su'ma'neno rumonniha assidhinoonni.

ERMIYAASI 44:13

Yerusaalame qorichishummonte gede Gibitsete baattora heedhinoonnire bagadunni, hudetenninna dhibbunni qorichisheemmo'ne.

ERMIYAASI 46:14

«Gibitsete katammara Migidoolira, Memfiisiranna Xafinaasira, ‹Baalanka bagadu guda'neraatina, umo'ne gargadhate qixxaabbe› yiiyye.

ERMIYAASI 46:19

Ki'ne Gibitsete gosa, qafadantinaraatina uduunne'ne usudhe; Memfiisi Katamino diigame mulla darga ikkanno.

HIZIQEELI 30:13

Mootichu Kaaliiqi, «Memfiisi noo misillanna kaphu maganna baala huneemmo. Gibitse gashshara ka"annohu dihee'ranno; baattote aana waajjille facci asse agureemmo.

HIZIQEELI 30:16

Gibitsete giira qaseemmo; Pelusiyemino lowo geeshsha qarramanno. Tebisiti kinchu huxxuwa diigantanno; Memfiisi Katamano fullannikki shetto amaddannosi.

HOOSEI 10:8

Israeelete manni Aweeni yinanni katamira kaphu magano magansi'ranni cubbo loosanno gaarra diigantanno; kakkalonsa dargi aanano utunna kokko'lu fulanno. Hattenne yannara mannu ilaalla, «Maaxxenke» gaarrano, «Gollenke» yaanno.

HOOSEI 11:11

Ceate gede Gibitsetenni, lembooli gede Asoorinni buubbanni dagganno. Galagalche mininsara qoleemmonsa. Konne coye coyi'reemmohu ani Maganinsa Kaaliiqaati» yii.

HOOSEI 2:6

Kunni daafira doogose utunni cufeemmo. Fultanno furcho afidhannokki gede gangaawase kinchunni huxxeemmo.

HOOSEI 7:11

Israeelete manni lembooli gede busulle afi'rinokkiha balala ikkino. Kunnira kaa'lo afi'rate mito woyite Gibitse dodanno; mito woyite Asoori buuwanno.

HOOSEI 7:13

«Anewiinni faffe hadhino daafira, insara aanne'e! Anera mokkookkitinoehura bao daggannonsa. Wonara ani gatisammonsara hasi'roommo. Insa kayinni ane kaphunni magansidhinoe.

HOOSEI 7:16

Anewiinni faffe kapho magansi'rate higgino; alaama so'rinohu shokkashshu digaani gede ikkitino. Roorrootinsano busha coye coyi'ratenni kainohunni bisetenni ganneenna reyitanno. Gibitsootuno qacifattannonsa» yii.

HOOSEI 8:13

Insa anera kakkalo shiqishshanno; kakkalote maalano ittanno. Ani kayinni insa kakkalonni dihagiidheemmo. Saonsa kiireemmo; cubbinsa daafira qorichisheemmonsa; galagalte Gibitse hadhanno gede asseemmonsa.

HOOSEI 9:3

Israeelete manni Kaaliiqi uyinonsa baattora dihee'ranno; baxikkinni Gibitse higanno. Asoori mare seerunni hoolloonni sagale itanno.

LEEWAAWOOTA 26:33

dagate mereero billaalliseemmo'ne; bise'ya fushshe shorreemmo'ne. Baatto'ne mulla darga ikkitanno; katamma'neno diigante gattanno.

SOFFOONIYAASI 1:11

Ki'ne katamaho eelaanni heedhinoonniri baalu tenne huuro macciishshitinanni yannara, ‹Wuu! Wuu!› yitinanni raarre. Ki'ne Makiteeshi heedhinanniri, Kana"aani manni baalu reyinohuranna daddalaasinensa gooffino daafira wi'le.

UMI SAAMUEELI 13:6

Israeelootu noo gari lowo geeshsha yaachishannoha ikkinotanna olantonsa yaaddote giddo noota affe dubboho, goddatenna ballate, boonnatenna gaattaa'luwate maaxantu.