HOOSEI 9:4 - Qullaawa Maxaafa

⁴ Hakkiichono Kaaliiqira woyinete xajje shiqishate woy kakka'late didandiitanno. Tini kakkalote sagale wi'late qaera intannite gedeete; tenne sagale itannohu baalu lagaawanno. Insa hude hoo'late ittannote ikkinnina, Qullaawu Minira shiqinshannita di"ikkitino.

HOOSEI 9:4 ပူးပေါင်းရင်းမြစ်များ

FULO 29:40

Mittu goci ledo mitte kiilo ikkitannota fila qamadete bullee mitte litire xalala zayitenni liinsoonnitanna anganniri fushshaatira mitte litire woyinete xajje shiqishi.

FULO 40:23

Kaaliiqi Muse hajajino garinni, Kaaliiqiha qullaawa timano aanaho wori.

ISAYAASI 57:6

Laggatenni shaqqado kinna doodhitine, insa maganna assidhine magansidhinanni, agattonnihanna gidu fushshaate uyidhinanni. Ani konne coye lae sammi yeemmoha lawanno'ne?

ISAYAASI 66:3

Anera booto kakkaltannoeri manna shitannoreeti; ge'rechu wilii'licho kakkaltannori woshichu haxo qiqqishshannoreeti. Gidu fushshaate abbitannoeri manchaamete mundee shiqishshannoreeti; hixaana giirtannoeri kaphu maganna magansidhannoreeti. Uminsa doogo hadhanno; hattenne assitino battenni hagiidhitanno.

ERMIYAASI 16:7

Shii'rinoha sheshifachishate sagale qishe abbannohu dihee'rannonsa. Annanna ama shii'rinoha nafa sheshifachishannoha dianfanni.

ERMIYAASI 6:20

Ki'ne Yihudu manna! Saaba gobbanni hixaana, fafo gobbannino su'niitanno qimame abbitinoonnie; addi addi kakkalono kakkaltinoonnie; kuni anera ma assannoe? Konne abbitinoonnie afansha baala giwoommo.

HIZIQEELI 24:17

Mannu afannohe gede ikkite heqqifatte wi'litooti; dadillekki leellishate mullu uminni woy mulla lekkanni hadhooti. Umono heeshshi yitooti; waakkisono ittooti» yiie.

HIZIQEELI 24:22

Hatte yannara, ki'neno ani ikkoommo gede ikkitinanni; umo heeshshi diyitinanni; waakkisono di"ittinanni.

DAANIEELI 1:8

Daanieeli mootete sagale itatenninna woyinete xajje agatenni battaawannokki gede agadhi. Tenne hedora sumuu yaannosi gede Ashifenaazino huucci'ri.

HOOSEI 3:4

Kunni garinni Israeelete manni moote nookkiha woy albisu nookkiha, kakkalo nookkiha woy sooddiyye nookkiha, qeesimmate uddano nookkiha woy Maganu yaannore kulannori nookkiha lowo diro hee'ranno.

HOOSEI 7:16

Anewiinni faffe kapho magansi'rate higgino; alaama so'rinohu shokkashshu digaani gede ikkitino. Roorrootinsano busha coye coyi'ratenni kainohunni bisetenni ganneenna reyitanno. Gibitsootuno qacifattannonsa» yii.

HOOSEI 8:13

Insa anera kakkalo shiqishshanno; kakkalote maalano ittanno. Ani kayinni insa kakkalonni dihagiidheemmo. Saonsa kiireemmo; cubbinsa daafira qorichisheemmonsa; galagalte Gibitse hadhanno gede asseemmonsa.

IYUEELI 1:13

Magani'nera uyitinanniri, gidinna woyinete xajje nookki daafira, ki'ne kakkallanni darga soqqantinanni qeese, xiddu uddano uddidhine dadille. Qullaawu Minirano e'ine hashsha wo'ma wi'le.

IYUEELI 1:9

Maganu minira uyinannihu, giduno woyinete xajjeno hooggino daafira, Maganu mine soqqantanno qeese wi'litanno.

IYUEELI 2:14

Mayi afino? Miteekke Magani'ne Kaaliiqi hanqunni higannoha ikkanno; intannirinna anganniri fushshaatira ikkanno jajja, halashshe aa dandaanno.

LEEWAAWOOTA 17:11

Kalaqamu lubbo mundeete giddo noo daafira, kakkallanni darga cubbo agursiisate mundee oommo'ne; mundee umise lubbo ikkitino daafira, mannu lubbora cubbo agursiissanno.

LEEWAAWOOTA 21:17

«Aaroonira, ‹Dagganno ilamara sirchikki giddo muso afi'rino manchi, Maganisiha sagalete fushshaate shiqishoonke.

LEEWAAWOOTA 21:21

Qeesichu Aarooni sirchinni, muso afi'rinohu mittu manchino Kaaliiqira shilqote kakkalo shiqishoonke; muso afi'rino daafira, Maganisiha sagalete fushshaate shiqishara dayonke.

LEEWAAWOOTA 21:6

Anera qullaawa ikkona; su'ma'yano shollishoonke; sagalete fushshaate shiqishannoe daafira qullaawa ikkona.

LEEWAAWOOTA 21:8

Magani'neta fushshaatu sagale shiqishannohona, qullaawa assitine kiirresi; qullaawoota asseemmo'nehu ani Kaaliiqi qullaawahona qullaawa assitine kiirresi.

AMOOTSI 5:22

Shilqote kakkalo'nenna, gidu fushshaate'neno diadheemmo'ne; mittimmate kakkalora shiqishshinannita, coontino saadano caaqqi yee dilaeemmo.

MILKIYAASI 2:13

Ki'ne assitinannihu wolu coyino no. Kaaliiqi kakkalo'ne adhannokki daafira wi'litinanni kakkalote darga hindiiddo lolaassinanni.

KIIRO 19:11

Kaaliiqi qole, «Mannu reeshsha amadannohu baalu 7 barri geeshsha lagaawanno.

KIIRO 28:2

«Israeelete mannira kunninni aante noo hajajo uyinsa: Giiratenni rainsoonni sagale anera su'niitannoe gede assitine yanna yannantenni shiqishshe"e.

KIIRO 4:7

«Qullaawa Tima worranni xarapheezzira aanaanni bule hocco dibbona. Xiltuwa, mooqquwa, ifichuwa, anganni fushshaate worranni maaqquwa isi aana wortona. Timuno wo'manka woyite aanaho hoogoonke.

YOHAANNISI 6:51

Gordunni dirroommohu heeshshote sagale aneeti. Tenne sagale itannohu baalu hegere geeshsha hee'ranno. Mannaho heeshsho ikkanno gede ani eemmo sagale maala'yaati» yii.

MARRO 26:14

Wi'late aana hee'ne, ate Kaaliiqira bandoommori aaninni mittoreno di"intoommo. Keeraa'minoommokki yannarano kunni aaninni adhinoommori woy reyino mannira uyinoommori mitturino dino. Ate Maganinke Kaaliiqira hajajammoommo; hajajokki baalanta wonshinoommo.