HOOSEI 9:3 - Qullaawa Maxaafa

³ Israeelete manni Kaaliiqi uyinonsa baattora dihee'ranno; baxikkinni Gibitse higanno. Asoori mare seerunni hoolloonni sagale itanno.

HOOSEI 9:3 ပူးပေါင်းရင်းမြစ်များ

UMI MOOTOOLLA 9:7

Israeele oommonsa gobbanni fushshe huneemmo. Magansi'naera yee qullaawa assoommoha konne mineno agureemmo. Gobba baalate hee'ranno manni Israeele haariimanni qacifatanno.

LAYINKI MOOTOOLLA 17:6

Seliminaasoori, Hoosei moohihunni honsikki diro Samaariya qeele angara qo'li. Israeelete mannano qafade Asoorira haa're ha'ri. Insa giddonni gama Halaahi Katamira, gama Goozaani awuraajjira Haboori Wayi mule, woloota qole Medooni katammara heedhanno gede assi.

ERMIYAASI 16:18

Baatto'ya lubbo afidhinokki misillanni batteessitinohuranna umi'yara doodhoommo baattora battete maganna wonshitino daafira, gatisammonsara albaanni, 2 ero qorichisheemmonsa» yii.

ERMIYAASI 2:7

Laalchosenna wole atoote baala ittanno gede, danchanna shaqqado gobba haa're abboommonsa. Insa kayinni baatto'ya batteessitu; iqqa asse oommonsata baatto'ya huntu.

ERMIYAASI QURTO 5:6

Godowa duuwate yine, Gibitsetenna Asoorira anga uyinoommo.

HIZIQEELI 4:13

Qoleno Kaaliiqi, «Kuni Israeele wole gobbara billaalliseemmo yannara, seerunni hoolloonnita batte ikkitino sagale itate giddeessinanninsata leellishannoho» yiie.

DAANIEELI 1:8

Daanieeli mootete sagale itatenninna woyinete xajje agatenni battaawannokki gede agadhi. Tenne hedora sumuu yaannosi gede Ashifenaazino huucci'ri.

HOOSEI 11:11

Ceate gede Gibitsetenni, lembooli gede Asoorinni buubbanni dagganno. Galagalche mininsara qoleemmonsa. Konne coye coyi'reemmohu ani Maganinsa Kaaliiqaati» yii.

HOOSEI 11:5

«Insa kayinni anewa gamba yaa gibbinohura galagalte Gibitse higganno. Asoori moote anga galtannoreno ikkitanno.

HOOSEI 7:11

Israeelete manni lembooli gede busulle afi'rinokkiha balala ikkino. Kunnira kaa'lo afi'rate mito woyite Gibitse dodanno; mito woyite Asoori buuwanno.

HOOSEI 7:16

Anewiinni faffe kapho magansi'rate higgino; alaama so'rinohu shokkashshu digaani gede ikkitino. Roorrootinsano busha coye coyi'ratenni kainohunni bisetenni ganneenna reyitanno. Gibitsootuno qacifattannonsa» yii.

HOOSEI 8:13

Insa anera kakkalo shiqishshanno; kakkalote maalano ittanno. Ani kayinni insa kakkalonni dihagiidheemmo. Saonsa kiireemmo; cubbinsa daafira qorichisheemmonsa; galagalte Gibitse hadhanno gede asseemmonsa.

HOOSEI 9:6

Baotenni gattara xooqqanno woyite, Gibitsootu gamba assite Memfiisi madaartannonsa. Duu'nitinoti birru jiro baala ishine uddidhe gattanno; galtanno mini giddono utunna kokko'lu fulanno.

LEEWAAWOOTA 18:28

Ki'neno baatto batteessitiniro, albi manna tuffunte gede ki'neno tuffanno'ne.

LEEWAAWOOTA 20:22

« ‹Heedhinara haa're masseemmo'ne baatto tuffanno'nekki gede, woga'yanna seera'ya agadhe; yoommoreno wonshe.

LEEWAAWOOTA 25:23

«‹Baatto anetena hirroonke; ki'ne wosinaho; baattono anga'nella worroonnite.

AMOOTSI 7:17

«Kunnira Kaaliiqi ate Amesiyaasi, ‹Galtekki katamaho foortannota ikkitanno; oosokkino olu giddo reyitanno. baattokkino allaggu siiwotenni bikke beeqqanno; atino Magano affinokki gosa giddo reyatto. Israeelete mannino addinta qafadame, gobbansanni fule wolewa ha'ranno› yiinohe» yee dawari.

MIKIYAASI 2:10

Ka'e hadhe; kuni bayichi cubbi'nenni kainohunni battaawe bainohura kunni ka'a kawiicho keerunni hee'ra didandiitinanni.

SOQQAMAASINETE LOOSO 10:14

Pheexiroosi, «Mooticha'ya! Di"ikkanno! Ani lagonnire woy batte ikkinore ite diegennoommo» yii.

MARRO 28:63

Kaaliiqi ki'ne duroonsatenninna kiiro'ne batisatenni hagiidhinte gede, ki'ne hunatenninna heedhinannikki gede assatenni hagiidhanno. Ragidhinara e'inanni gobbanni buqqisanno'ne.

MARRO 28:68

Kaaliiqi galagaltine Gibitsete gobba dihadhinanni yiinoha ikkiro nafa, yowolotenni Gibitse qolanno'ne. Hakkiicho umo'ne diini'nera borojje assitine hirate hasidhinanni. Hidhanno'nehu kayinni dihee'ranno» yii.

MARRO 4:26

Anera hajajama gibbiniero, baattote aaninni rakkine ba'inannita egensiisate gordonna baatto techo naqaashshe kiidheemmo. Yordaanoosi fultine ragidhinoonni baattora seeda diro hee'ra didandiitinanni; co'o yitine ba'inanni.

IYYAASU 23:15

Ikkollana, isi mitte mittenta hexxo wonshino'nente gede, gara gibbinanni yannara aana'ne qoricha dirrisanno.