HOOSEI 9:12 - Qullaawa Maxaafa

¹² Ooso ilte lossidhuro nafa, baalanka qoome gudeemmo daafira, ilaweeloota ikkite gattanno. Mulinsanni fafeemmo yannara insara aanne'e!» yii.

HOOSEI 9:12 ပူးပေါင်းရင်းမြစ်များ

LAYINKI MOOTOOLLA 17:18

Kaaliiqi Israeelete lowo geeshsha hanqe, Yihuda agure insa co'o asse huni.

LAYINKI MOOTOOLLA 17:23

Kaaliiqi soqqamaanosi himanaanote widoonni qole kulinonsa garinni, albisinni co'o asse huninsa. Israeelete manni qafadame Asoori gobba ha'rinohu kunni garinniiti.

IYYOOBI 27:14

Oososi haammata ikkituro nafa, olunni gooffanno; sirchisino sagale diduuwanno.

ERMIYAASI 15:7

Bubbe fincitanno kuri gede, gobbate aana noo katamma baalate billaalliseemmo'ne. Bushu loosi'nenni kainohunni, ki'ne manna'ya huneemmo; ooso'neno reyitanno gede asseemmo.

ERMIYAASI 6:8

Ki'ne Yerusaalamete manna, kuni qarri ki'nera qorophishiishsha ikko'ne; gibbiniro kayinni badhe wodheemmo'ne; katama'ne onche ayino hee'rannokkiha asseemmo» yii.

ERMIYAASI QURTO 2:20

Kaaliiqa'ya lai! Ninke gede assite wole qorichishoottoni? Meentu ilansanna lossi'rino ooso itona? Qeesootanna himanaano Qullaawa Mine shinona?

ERMIYAASI QURTO 2:22

Jilu barri gede diina'ya base baalatenni koyisse gamba assootto; hanqikki barra baotenni gate fulinohu mittuno dino; ile lossi'roommorenna baxeemmore ooso'ya shitino.

HOOSEI 7:13

«Anewiinni faffe hadhino daafira, insara aanne'e! Anera mokkookkitinoehura bao daggannonsa. Wonara ani gatisammonsara hasi'roommo. Insa kayinni ane kaphunni magansidhinoe.

HOOSEI 9:13

Israeele dancha baattora kaansoonni saatticho labbanna afoommo. Xa kayinni uminsa ooso gorrantanno dargira haadhe hadhino.

HOOSEI 9:16

Israeelete manni bubbe gantinohu, rumushsho moolinohunna laalannokki haqqi gede gumiweelo ikke gatanno. Ooso ilturo nafa, lowo geeshsha baxxannota ilansa sheemmo» yii.

MILKIYAASI 2:12

Hattoore assannoha baala Kaaliiqi Israeelete manni giddonni fushshe hunosi! Hattoo manchi, mannu Olantote Mootichi Kaaliiqira shiqishanno kakkalora karsamannokki gede fulino widoonni gato!

KIIRO 14:34

Baatto dooyyitinanni keeshshitinihu shoyilluunku barri deerrinni, mittu mittunku diri mittu mittu barri gede ikke kiirameenna cubbi'ne daafira 40 diro qarrantinanni. Ane hanqisa maricho abbitannoro hakkawoyite buuxxinanni.

KIIRO 26:65

Kuni ikkinohuno Kaaliiqi, «Baalunku halalla reyite gooffanno» yiino daafiraati. Yoofooni beetto Kaaleebinna Newe beetto Iyyaasu agurranna insa giddonni mittu nafa digatino.

MARRO 28:18

«Godowi'ne gumi, baatto'ne laalchi, lali'ne, ge'reewi'nenna mei'ne dihala'lanno.

MARRO 28:32

Labballunna seennu ooso'ne borojju gede allaggaho aamantanno. Anga'ne kayissine hoolate wolqa diafidhinanni. Techo woy ga'a daggannoha lawanna'ne ille'nenni wo'manka woyite doogo la'inanni. Ikkollana assitine affinanniri dino.

MARRO 31:17

Hatte yannara hanqi'ya aanansa buwanno. Anino callachisheemmonsa; alba'ya insawiinni shawwu asseemmo; insano ba'anno. Lowo qarrinna lowo shetto iillitannonsa. Hakko barra, ‹Tini bao iillitinonkehu Maganinke ledonke nookkihuraati› yitanno.

MARRO 32:25

Oosonna seenne, qaaqquullenna geerra, dooggate shinanni. Mine minesi noohuno waajjillunni kainohunni reyanno.

EJJEETTO 4:16

Baaraaqi kayinni Sisaara faradi gaarenna olantosi Harosheti-Hagoyimi iillisha geeshsha shorri. Sisaara olanto baala mittuno gattukkinni gooffu.

UMI SAAMUEELI 16:14

Kaaliiqi Ayyaani Saaooli aaninni ho'leenna, Kaaliiqino qarrisannosiha busha ayyaani soyi.