HOOSEI 8:7 - Qullaawa Maxaafa

⁷ Insa bubbe wixidhe hombobolatte mixxitanno; gideho gumu dihee'rannosi. Gumu hee'riro nafa allaggichu itanno.

HOOSEI 8:7 ပူးပေါင်းရင်းမြစ်များ

KALAQAMA 41:23

Hakkurira gedensaannino ciigginorinna halalli bubbe qoorsitinoti 7 shoye fultu.

LAYINKI MOOTOOLLA 15:19

Minaheemi gashshe noo yannara Asoori moote Telgeltelfelsoori Israeele amadi. Minaheemi gashshootesi kaajjishi'rate kaa'lannosi gede hede, Telgeltelfelsoori 34,000 kiilo ikkanno birra uyisi.

LAYINKI MOOTOOLLA 15:29

Faaquhe gashshe noo yannara, Asoori moote Telgeltefelsoori Iyooni, Abeeli-Beeti-Maaka, Yaanoha, Qedeeshinna Hatsoori yinanni katamma, qoleno Geleaadi, Galiilunna Nifitaalemi baatto baala amadi. Mannano qafade Asoorira haa're ha'rinohu isi yannaraati.

IYYOOBI 4:8

Ani afummo geeshsha, bunshe wixidhannori callu, qarra mixxitanno.

LAWISHSHA 22:8

Bunshe wixannohu qarra mixxanno; woloota assi'ranno beebba diagurtannosi.

ROSIISAANCHO 5:16

Ilamino garinni mulla anganni galagale ha'rasi dadillissannote. Daafurisi baalu diilallo cu'mate gedeeha ikke gatanno.

ISAYAASI 17:11

Kaassini barranni lophite daraarturo nafa, guma diuyitanno'ne; mitiimmanna hurannokki dhibballa abbitanno'ne.

ISAYAASI 55:2

Kaa'litannori nookki sagalera woxe mayira fushshidhinanni? Duushshitannokki sagalera mayira daafurtinanni? Ani yeemmota macciishshitinoommero, woyyitino sagale afidhine hagiidhitinanni.

ISAYAASI 66:15

Kune Kaaliiqi wolqaataamu hanqisinni baarigaarrasi rabbisi'raranna, wala yitanno giiranni rufara daanno; faradi gaaresino hombobolattete gede buubbanno.

ERMIYAASI 12:13

Qamade wixidhe uta mixxitino; daafurte mittoreno diafidhino. Hanqi'yanni bainohura, jajjinsara dadillitino» yii.

ERMIYAASI QURTO 5:2

Iqqinke allaggu anga no; minnankera manni gobba manni hee'ranni no.

HOOSEI 2:9

Kunni daafira gide gamba assinanni woyite oommoseha gidenna woyinete xajje qole angasenni adheemmo. Uddidhara oommota ge'reewu ordanninna shaalado shalonni gannoonni uddano mulqe hooleemmose.

HOOSEI 7:9

Allaggu wolqansa guddu; insa kayinni diwodanchitino. Geedhimma leellishate awuuwe fultinonsa; insa kayinni diwodanchitino.

HOOSEI 9:16

Israeelete manni bubbe gantinohu, rumushsho moolinohunna laalannokki haqqi gede gumiweelo ikke gatanno. Ooso ilturo nafa, lowo geeshsha baxxannota ilansa sheemmo» yii.

NAHOOMI 1:3

Wolqasi jawa ikkituro nafa, Kaaliiqi hanqoho dimuddamanno. Ikkollana sao assinoha qorichishikkinni diaguranno. Kaaliiqira hombobolattete bubbenna, dambalu mereero nafa doogo noosi. Gomichuno Kaaliiqi qaafanno woyite ka'anno bukooti.

HAGE 1:6

Kuneeti lowoha wixidhine shiima gamba assidhinanni; ittinanni sagale diduushshitanno'nete; agginanniri kassi diassanno'neho; diphitinanniri di"iibbanno'ne; loossine afidhinanni woxi dadhanchu ogorira wodhitinoonnihu gedeeti» yii.

GALATIYU SOKKA 6:7

Umo'ne dogginoonte. Mannu wixi'rinoha mixxanno daafira, Magano arrassa didandinanni.

GALATIYU SOKKA 6:8

Maalasi hagiirsiisate wixi'rannohu, maalisinni reyo mixxanno. Ayyaana hagiirsiisara wixi'rannohu kayinni, Ayyaanunni hegere heeshsho mixxanno.

MARRO 28:33

Baatto'ne laalchonna daafuro'ne baalanka affinoonnikki gosa ittanno. Mararro nookkiha gadadantine heedhinannita ikkinnina lexxitinanniri dihee'ranno.