HOOSEI 8:5 - Qullaawa Maxaafa

⁵ Samaariyu manna! Siitu suudinni seekkinoonnita kaphu maganna'ne shagaggi're giwoommo. Hanqi'ya ki'ne aana giirate gede buwanno. Cubbi'nenni keeraabbinannikkihu mamooti geeshshaati?

HOOSEI 8:5 ပူးပေါင်းရင်းမြစ်များ

LAYINKI DUDUWO 13:8

«Xa ki'neno Kaaliiqi Daawiti sirchira uyinota gashshootu roorre ittissinara heddinoonni. Hedo'ne wonshi'rate lowo olantonna magansidhinara Iyorbiaami culkunni seekkisiisinota siittu misilla adhitine dagginoonni.

FAARSO 19:13

Soqqamaanchokki guullete cubbinni agarie; cubbu aana'ya moohannokki gede kaa'lie. Hatte yannara, kullanniri nookkiha ikkeemmo; bayiru cubbiwiinni keeraaweemmo.

LAWISHSHA 1:22

Iseno, «Ki'ne egenno xe'ino'neri, hambe'nenni heedhinannihu mamooti geeshshaati? Egennote aana haariintinannihu mamooti geeshshaati? Egenno gibbinannihuno mamooti geeshshaati?

ISAYAASI 45:20

«Addi addi gobbara billaallitinoonniwiinni higginoonniri baalu, gamba yitine amme! Haqqu maganna duqqite doyitannorinna, gatissannokki misilla huuccidhannori egenno diafidhinoreeti.

ERMIYAASI 13:27

Ani giweemmo coye assoottata afoommo. Manni galte dooyyanno manchinna iyyanno wodali gede, ilaallatenna gattate dagate maganna hoode ha'roottata afoommo. Yerusaalame atera aanne'e! Ati mamaro keeraa'matta ikka?

ERMIYAASI 4:14

Yerusaalame, gata hasi'rittaro wodanikki giddonni bunshe huni; sao giddo wodhite mageeshshi geeshsha keeshshatta?

ERMIYAASI 48:13

Beeteli Israeele irraawisinte gede, Kamooshino Moaabi gosa irraawisanno.

HOOSEI 10:5

Samaariyu katamira hee'ranno manni Beetiaweeni nooha siitu suudinni seekkinoonniha kaphu magano lowo geeshsha waajjanno. Ayirrinyisi mulqaminohura mannisi wi'lanno. Kaphu magani qeesootino, «Woo» yite wi'litanno.

HOOSEI 10:8

Israeelete manni Aweeni yinanni katamira kaphu magano magansi'ranni cubbo loosanno gaarra diigantanno; kakkalonsa dargi aanano utunna kokko'lu fulanno. Hattenne yannara mannu ilaalla, «Maaxxenke» gaarrano, «Gollenke» yaanno.

HOOSEI 13:2

Xaano cubbu aana cubbo loossanni no. Uminsara birra daashshite siittu misillanni kaphu maganna seekkidhe kumbuultino. Tenne angatenni seekkinoonnitera siittu misillara, «Amme kakkalo shiqishshe; sunqensa» yitanno.

HOOSEI 8:6

Insa Israeele di"ikkitino? Kuni siitu suudinni seekkinoonnihu kaphu magani makaa'lannonsa? Ogeessu angasinni seekkinoha ikkino daafira, magano ikkara didandaanno. Kuni, Samaariyu manni siitu suudinni seekki'rino magani, hiiqqaqqame uwanno.

AMOOTSI 8:14

‹Daani magano› woy ‹Bersaabehi magano› yitanni Samaariyu maganna battennite su'minni xaartannori ubbanno; ubbinowiinnino horonta dika'anno» yii.

MIKIYAASI 1:7

Misillase baala hiiqqaqqante ubbanno; maganise minira foortannori shiqishshino afanshi baalu cancaname giiramanno. Samaariyu manni tenne misilla gamba assinohu foorretenni afi'ranno qiniitira doogo qixxeessi'raraati. Baarigaarransano culkanna birra raabbe adhite hadhe foorrete hajara qiniite assidhanno» yaanno.

SOQQAMAASINETE LOOSO 7:41

Hatte yannara siitu misile seekkite isera kakkalo shiqishshino. Angansanni seekkidhinorira hagiidhite jila ji'litino.

MARRO 32:22

Hanqi'ya giirate gede buwe, baattote aana noore baala gudanno. Giirano jeennaatu geeshsha iillitanno; ilaallate safono ittanno.