HOOSEI 8:4 - Qullaawa Maxaafa

⁴ «Ani yuummokkinni moote moohisidhino; ane xa'midhukkinni gashshaano doodhitino. Birrinsanninna culkinsanni uminsara ba"ate ikkitannota kaphu maganna seekkidhino.

HOOSEI 8:4 ပူးပေါင်းရင်းမြစ်များ

UMI MOOTOOLLA 12:28

Konne coye malihu gedensaanni, 2 siittu misile culkunni seekkisiise mannaho, «Magansi'rate Yerusaalame ha'ra daafursitanno'nena ha'ra agurre. Israeelete manna! Gibitsetenni fushshitu'ne maganna tenneeti» yiinsa.

UMI MOOTOOLLA 13:34

Iyorbiaami gashshooti baattote aaninni co'o yee ba"anno gede assino cubbi konneeti.

UMI MOOTOOLLA 16:31

Akiaabi Iyorbiaami loosino cubbo mite yee nafa dikiirino. Hakkiinni sae Sidoona mooteta Etibeaali beetto Elzaabeeli adhe, Ba"aali magansi'rino.

ERMIYAASI 16:20

Mannu umisira magano kalaqi're afannoni? Ee dandaannona, hattilla kayinni mullicho misileeti.

HIZIQEELI 18:31

Busha looso'ne baala agurtine, haaro surrenna haaro wodana kalaqidhe; ki'ne Israeele reyo mayira hasidhinanni?

DAANIEELI 3:1

Moote Nabukadanatsoori hojja 60 cigile, hala'linye 6 cigile ikkitanno misile culkunni seekkisiise, Baabilooni gashshootira Duura yinanni xawira uurrisi.

HOOSEI 13:1

Efireemi ga're Israeelete mannira aliidita ikkite noo waro, coyidhanna macciishshituri baalu huxidhanno. Gedensaanni kayinni Ba"aalira kumbuulatenni cubbo loossino daafira gooffino.

HOOSEI 13:11

Hanqe mootoolla oommo'ne; ikkollana insa qole aari'yanni haa're hooloommo.

HOOSEI 13:2

Xaano cubbu aana cubbo loossanni no. Uminsara birra daashshite siittu misillanni kaphu maganna seekkidhe kumbuultino. Tenne angatenni seekkinoonnitera siittu misillara, «Amme kakkalo shiqishshe; sunqensa» yitanno.

HOOSEI 2:8

Ise gide, woyinete xajje, ejersu zayite oommosehu ane ikkoommota diwodanchitino. Ani batise oommose birranna culka Ba"aalira uyitino.

HOOSEI 8:3

Israeelete manni kayinni dancha coye giwanno daafira diinu shorrannonsa.

MAATEWOOSI 25:12

«Isi kayinni, ‹Halaale kuleemmo'nena, ani diegennoommo'ne!› yiinsa.

LUQAASI 13:25

Minu anni kae waalcho cufanno. Ki'ne gobbaanni uurritine woshshitinanni, ‹Mooticha, ninkeetina faninke!› yitinanni. Isi qole, ‹Maminni dagginoonniro diegennoommo'ne› yaanno'ne.

LUQAASI 13:27

«Isi daware, ‹Maminni dagginoonniro diegennoommo'nena, ki'ne bunshe loossinoonniri baalu anewiinni faffe!› yaanno'ne» yiinsa.

YOHAANNISI 10:14

«Danchu allaalaanchi aneeti; ani ge'reewo'ya egennoommo; ge'reewi'yano ane egenninoe.

GALATIYU SOKKA 4:9

Xa Magano affini woyitenna, hakkiinnino roore, Maganu egenni'ne yannara, wolqiweelonna tidhitinokki golfawa higa mayira baxxini? Galagaltine hakkurira borojje ikka hasidhini?