HOOSEI 8:14 - Qullaawa Maxaafa

¹⁴ «Israeelete manni uminsara jajjabba mootete minna mi'nino. Ane Kalaqaanchonsa kayinni hawino. Yihudu mannino haammata qiishote katamma mi'nino. Ikkollana katammansanna qiishonsa ittanno giira soyemmo» yii.

HOOSEI 8:14 ပူးပေါင်းရင်းမြစ်များ

UMI MOOTOOLLA 12:31

Hattonni Iyorbiaami gaarrate aana magansi'nanniwa qixxeesse Leewi ga're ikkitinokkiri giddonni afiha baala qeese asse wori.

UMI MOOTOOLLA 16:31

Akiaabi Iyorbiaami loosino cubbo mite yee nafa dikiirino. Hakkiinni sae Sidoona mooteta Etibeaali beetto Elzaabeeli adhe, Ba"aali magansi'rino.

LAYINKI MOOTOOLLA 18:13

Hiziqiyaasi moohihunni tonaa shoolki diro, Asoori moote Senaakireemi qiinshoonnita Yihudu katamma baala qase amadi.

LAYINKI DUDUWO 26:10

Lowo saada noosi daafira, galchimi gaarra hundanna xawoho katamaho gobbaanni qotote shae seekki'rino; wayinnitano lowo bu'a u'mino. Baatto loosi'ra baxanno daafira, gaarrate hundanna shaqqado baattora loosannohunna woyine kaasanno manni noosi.

LAYINKI DUDUWO 27:4

Yihudu gaarra aana katamma, dubbu bati'rino gobbara qiishonna shae seekkino.

FAARSO 106:21

Gibitsete heedheenna, maalaletenni gatisinonsa Magano habbu.

FAARSO 95:6

Amme! Umonke heeshshi assine iso magansi'nona; kalaqaanchinke Kaaliiqi albaanni guluphinona.

ISAYAASI 17:10

Israeele! Gatisino'neha golo'ne Magano habbine, wole gobba maganna ayirrisate biifado haqqe kaasidhinoonni.

ISAYAASI 29:23

Anga'yanni kalaqoommota oosonsa mereeronsa affanno yannara Israeelete Qullaawa ikkoommo Magano ane galattannoe. Su'ma'yano ayirrissanno; waajjatennino soqqantannoe.

ISAYAASI 42:13

Kaaliiqi wolqaataamu manchi gede olaho fulanno; bagadaanchu gede hanqe ka"anno; qoonqosi naggi asse alaakanno; diinasino qeelanno.

ISAYAASI 42:25

Kunnira Waajjishanno ola soye, buwannoha hanqosi aananke dirrisino. Hanqisi giira doyissite noonke; ninke kayinni dihuwantoommo; diinowodanchinoommo.

ISAYAASI 9:10

«Xuubetenni seekkinoonni huxxi uwino; ninke kayinni galagalchine boncoonni kinnanni huxxi'neemmo. Odahete tuuqqano hiiqqaqqantino; ninke kayinni dargaho fila daguwa uurrisi'neemmo» yitanno.

ISAYAASI 9:9

Israeelete manninna Samaariyu Katamira heedhannori baalu konne coye Kaaliiqi assinota affino. Ikkollana boo'natenninna hettisamatenni,

ERMIYAASI 17:27

Fooliishshote Barra mitore dukkine Yerusaalamete waalchuwa widoonni higgine sa'inanni qullaawa assitine agara giwatenni yoommore huntiniro kayinni, Yerusaalamete waalchuwara xo'annokki giira soyemmo. Yerusaalamenniti gashshootu minna giirantanno; xoyissannohuno dihee'ranno› yoommo» yii.

ERMIYAASI 2:32

Seemo beetto irrase, idayicho idayichimmate imaanase habbannoni? Manni'ya kayinni ane batinye hige hawinoe.

ERMIYAASI 23:27

Akaakkansa Ba"aali magansidhanni ane habbunte gede, haaqeensa mimmitoho kultanna manni'ya ane hawannoha lawannonsa.

ERMIYAASI 3:21

Ilaalu aana raare macciishshinanni; tini raareno Israeelete manni cubbo loosanni, ane Kaaliiqa Maganonsa agure hee're, xa kayinni gaabbe raaranni noo raareeti.

ERMIYAASI 5:17

Gide'nenna sagale'ne mucuqqi assite ittanno; ooso'nenna seenne'neno shitanno. Saada'ne, ge'reewo'nenna me"e'ne itte guddanno; woyinete laalo'nenna haqqu laalo'ne baala ittanno; olantonsano hexxitinannita, qiishidhinoonni katamma guddanno» yiinsa.

HIZIQEELI 23:35

Xaano Mootichu Kaaliiqi, «Hawoottaehuranna alba bushshe badhe wodhoottaehura, yortokkinna foorrekki daafira qarra adhatta» yiise.

HOOSEI 13:6

Kayinnilla hattenne dancha gobba iillitini yannara, ittine duubbine lowo geeshsha boo'nitinoonni; aneno habbinoonni.

HOOSEI 2:13

Ba"aalira hixaana giirtara yite, irrase wodhite ellase hoode hadhara ane agurtino daafira qorichisheemmose. Kaaliiqi konne coye coyi'rino.

HOOSEI 4:6

Manni'ya egenno hooge baino; ki'neno ane habbinoonnie daafira, anino qeesoota ikkitine soqqantinaera dihasi'reemmo'ne. Hajajo'ya shotissinoonninna habbinoonni daafira anino ooso'ne haweemmo.

AMOOTSI 1:10

Kunnira Xiroosi Katami huxxira giira qaseemmo; qiishonsano giireemmo» yii.

AMOOTSI 1:12

Kunnira Temaani Katamira giira qaseemmo; Bootsiraani qiishono giireemmo» yii.

AMOOTSI 1:14

Kunnira Raaba Katami huxxira giira qaseemmo; qiishonsano giireemmo. Kunni gedensaanni olu barra raarenna cancu bati'ranno. Oluno hombobolattete gede rahanno.

AMOOTSI 1:4

Moote Azaheeli mootimma minira giira qaseemmo. Moote Benihadaadi seekki'rino qiisho baala giireemmo.

AMOOTSI 2:5

Kunnira Yihudu baattora giira qaseemmo; Yerusaalamete qiishono giireemmo» yii.

EFESOONI SOKKA 2:10

Maganu Kiristoosi Yesuusi widoonni qole xa hee'noommo gedeere asse kalaqinonkehu, balaxe qixxeessinoha dancha looso loonseemmo gedeeti.

MARRO 32:18

Kalaqaanchinsa Maganuwiinni wirri yitino. Ilinonsaha jawaata golonsa habbino.