HOOSEI 8:13 - Qullaawa Maxaafa

¹³ Insa anera kakkalo shiqishshanno; kakkalote maalano ittanno. Ani kayinni insa kakkalonni dihagiidheemmo. Saonsa kiireemmo; cubbinsa daafira qorichisheemmonsa; galagalte Gibitse hadhanno gede asseemmonsa.

HOOSEI 8:13 ပူးပေါင်းရင်းမြစ်များ

FULO 20:3

«Ane agurranna wolu magani hee'roonke'ne.

FULO 32:34

Xa ha'ri; konne mannano kuloommohe widira qolte haadhe massi! Kuneeti sokkaasinchi'ya albakkiinni ha'ranno; konne manna cubbinsa daafira qorichisheemmo barri kayinni daanno» yiisi.

LAWISHSHA 21:27

Cubbaataammu kakkalo battete; busha hedonni heedhe shiqishshanno woyite roore giwissanno.

ISAYAASI 1:11

Kakkalo'ne batinyi anera ma"assannoe? Xaa geeshsha shiqishshinoonniehu ge'rechu goci, shilqote kakkalonna misino booti coomi cee'mishshinoe. Woraamu, ge'reewunna meu gocca mundee dihagiirsiissinoe.

ERMIYAASI 14:10

Manna'ya! Ki'ne foortinoonni; umo'ne ittisi'ra dihasidhinoonni. Kunnira ani giweemmo'ne; cubbo'ne qaage qorichisheemmo'ne.

ERMIYAASI 6:20

Ki'ne Yihudu manna! Saaba gobbanni hixaana, fafo gobbannino su'niitanno qimame abbitinoonnie; addi addi kakkalono kakkaltinoonnie; kuni anera ma assannoe? Konne abbitinoonnie afansha baala giwoommo.

HIZIQEELI 29:16

Israeeleno layinkita kaa'lo afi'rate ki'ne dihexxitanno; layinkimeeshsho insa hexxitannokki gede, ki'nera iillino qarrinni jiiltanno. Hatte yannara, Israeele ani Mooticha Kaaliiqa ikkoommota affanno» yii.

HOOSEI 11:5

«Insa kayinni anewa gamba yaa gibbinohura galagalte Gibitse higganno. Asoori moote anga galtannoreno ikkitanno.

HOOSEI 12:11

Kuni baalu ikke hee'reennanni Geleaadi gobbara kaphu magannara kumbuultanno. Kaphu magannara kumbuultannori kayinni ba'anno. Galgalaho woraamma kakkalote shiqishshanno. Kakka'litanno darguwa kayinni hiiqqaqqante loosu mereero kinnate duuno ikkite gattanno» yii.

HOOSEI 4:9

Ki'ne qeesootuno callichu manni gedeere ikkitinoonni. Kunni daafira, hakko mannira iillanno qorichi ki'nerano iillanno. Bushu loosi'ne gumano ittinanni.

HOOSEI 5:6

Kaaliiqira kakkaltara ge'reewonna lalo gante massitanno. Kayinnilla Kaaliiqi insawiinni baxxino daafira diafidhannosi.

HOOSEI 6:6

Ani kakkalotenni roorse baxille hasi'reemmo; shilqinshanni kakkalonni roorse mannu Magano afannota doodheemmo.

HOOSEI 7:11

Israeelete manni lembooli gede busulle afi'rinokkiha balala ikkino. Kunnira kaa'lo afi'rate mito woyite Gibitse dodanno; mito woyite Asoori buuwanno.

HOOSEI 7:16

Anewiinni faffe kapho magansi'rate higgino; alaama so'rinohu shokkashshu digaani gede ikkitino. Roorrootinsano busha coye coyi'ratenni kainohunni bisetenni ganneenna reyitanno. Gibitsootuno qacifattannonsa» yii.

HOOSEI 7:2

Kayinnilla ani tenne bunshensa baalanta la"anni noommota horontanni diwodanchitino. Kunninni kainohunni uminsa cubbinni qoqqowantino; bushu loosinsa baalu albi'yanni dimaaxamino» yii.

HOOSEI 9:6

Baotenni gattara xooqqanno woyite, Gibitsootu gamba assite Memfiisi madaartannonsa. Duu'nitinoti birru jiro baala ishine uddidhe gattanno; galtanno mini giddono utunna kokko'lu fulanno.

HOOSEI 9:7

Kuneeti qorichu barri dayino; mittu mittunku loosisi guma itannohu yoote barri iillino. Israeelete manni konne baalanka coye afo! Cubbi'nenna diinoomi'ne batinyinni himanaancho balala, ajuuja afi'nohano macharaaraamu gede assitine kiirtinanni.

HOOSEI 9:9

Gibia Katami manni assinte gede, ki'neno lowo geeshsha battaabbinoonni. Kunni daafira, Maganu cubbo'ne baala kiire qorichishanno'ne.

AMOOTSI 3:2

Baattote aana hee'ranno manni baalu giddonni, ani dooroommori ki'ne calluwaho. Loossinanni cubbi baalaho, qorichisheemmo'nehuno kunniraati.

AMOOTSI 5:22

Shilqote kakkalo'nenna, gidu fushshaate'neno diadheemmo'ne; mittimmate kakkalora shiqishshinannita, coontino saadano caaqqi yee dilaeemmo.

AMOOTSI 8:7

Israeelete Hexxo ikkinohu Kaaliiqi su'misinni, «Ani Mootichu Kaaliiqi, insa loossino bunshe baala horonta dihaweemmo.

LUQAASI 12:2

Ledeno, «Dimboonnihu fa'namikkinni, maanxoonnihu anfikkinni digatanno.

UMI QORONTOOSI 11:20

Xaaddinanni woyite ittinannihu Mootichu hurbaate di"ikkino.

UMI QORONTOOSI 11:29

Mootichu maala bade afikkinni, tima itannohunna kunni finiinchinni agannohu baalu, umisi aana yoo abbi'ranno.

UMI QORONTOOSI 4:5

Kunnira, Mootichu Yesuusi yoo yaara daa geeshsha, aye aanano yoo yitinoonte. Isi daanno woyite, tunsote go'le noore haa're xawo fushshanno; mannu wodani giddo nooreno reqecci assanno. Hakka waro, Maganu baalanka gari garisinni jajanno.

MARRO 28:68

Kaaliiqi galagaltine Gibitsete gobba dihadhinanni yiinoha ikkiro nafa, yowolotenni Gibitse qolanno'ne. Hakkiicho umo'ne diini'nera borojje assitine hirate hasidhinanni. Hidhanno'nehu kayinni dihee'ranno» yii.

YOHAANNIS AJUUJA 16:19

Jawu Baabilooni katami sasewa beehami; gobba baalate katamma diigantu. Maganu bati'ru Baabiloonire hawinokki daafira, hanqisi woyine wonshinoonni finiinchira aganno gede assi.

UMI SAAMUEELI 15:22

Saamueeli, «Kaaliiqi, hajajamantenni roore fushshaatenna kakkalo baxannoha lawannoheni? Hajajama kakkalotenni, macciishsha ge'rechu goci coominni roortanno.