HOOSEI 7:8 - Qullaawa Maxaafa

⁸ Kaaliiqi, «Israeelete manni dagate ledo karsamino. Insa galchiminokki timi gedeere ikkitino.

HOOSEI 7:8 ပူးပေါင်းရင်းမြစ်များ

UMI MOOTOOLLA 18:21

Eeliyaasino mannaho, «Lamu wodaninni dintinanni heedhinannihu mamooti geeshshaati? Kaaliiqi Maganohoro iso magansidhe! Woy Ba"aali Maganohoro Ba"aali magansidhe!» yiinsa. Mannu kayinni mitto qaaleno didawarino.

IZIRA 9:1

Kuni coyi ikkihu gedensaanni sooreeyye anewa dagge, «Qeesootanna Leewaawoota aanaho lexxe Israeelete manni, olliinsa Kana"aanootu, Hitootu, Ferizootu, Iyaabuusootu, Amoonootu, Moaabootu, Gibitsootunna Amooraawootu battewiinni dibaxxino.

IZIRA 9:12

Kunni daafira, seenne'ne oosonsara uyitinoonte; seennensano ooso'nera adhitinoonte. Jawaatoota ikkate, baattote jiro itatenna ooso'nera geedote iqqa ragisiisate insa ledo mittu coyinnino fiixoontinoonte› yite kultinonkete.

FAARSO 106:35

Saimanka, insaa ledo karsante, wogansa gede ikkite heedhino.

HOOSEI 5:13

«Israeeli dhiwamasi, Yihudu madi'rasi afi woyite, Israeeli albasi Asoori widira higi. Kaa'lo afi'rate jawiidi mootewa manna soqqi. Kayinnilla isi gatisansara woy madansa hursara didandiino.

HOOSEI 5:7

Kaaliiqira ammanantinore ikka hoogansanni kaphu magano magansidhanni darchu aani ooso iltino. Kunnira xa Aganu Leellanno yannara insano baattonsano mitteenni ba'anno.

HOOSEI 7:9

Allaggu wolqansa guddu; insa kayinni diwodanchitino. Geedhimma leellishate awuuwe fultinonsa; insa kayinni diwodanchitino.

HOOSEI 9:3

Israeelete manni Kaaliiqi uyinonsa baattora dihee'ranno; baxikkinni Gibitse higanno. Asoori mare seerunni hoolloonni sagale itanno.

SOFFOONIYAASI 1:5

Gumayicho giddite arrishshote, aganahonna beeddahete kumbuultannore huneemmo. Ane magansidhanninna su'miyanni xaartanni heedhenni, wirri yite Melkoomi yinannihu kaphu magani su'minni xaartannore huneemmo.

MILKIYAASI 2:11

Yihudu manni Kaaliiqira ammanaminokkiha ikkino. Israeelete gobba baalatenna Yerusaalamete tiyyi'nanni batte assitino. Kaaliiqi baxannoha Qullaawa Mineno batteessitino. Labballuno wole gobba maganna magansi'ranno meento adhitino.

MAATEWOOSI 6:24

«Mittu manchi lamu Mootichira soqqama didandaanno. Woy mitto giwe mitto baxanno; woy mitto ayirrise mitto mishanno. Hattonni mittu manchi Maganohonna woxeho borojjicho ikka didandaanno.