HOOSEI 7:2 - Qullaawa Maxaafa

² Kayinnilla ani tenne bunshensa baalanta la"anni noommota horontanni diwodanchitino. Kunninni kainohunni uminsa cubbinni qoqqowantino; bushu loosinsa baalu albi'yanni dimaaxamino» yii.

HOOSEI 7:2 ပူးပေါင်းရင်းမြစ်များ

IYYOOBI 34:21

«Maganu mannu ha'ranno doogo baala illaallisanno; qaafosi baala la"anno.

FAARSO 10:11

Bushu manchi wodanisinni, «Maganu assannoeri dino; la"annoekki gede alba shawwu yiino» yaanno.

FAARSO 25:7

Anje'yanni hee're assoommo cubbonna sao kiirtootie; Kaaliiqa ballo, danchummakkira yite, bagamannokki baxillikkinni qaagie.

FAARSO 50:22

Ki'ne ane habbinanniri, xa yeemmota wodanche; ka'a woyite kayinni huneemmo'ne; gatisanno'nehuno dihee'ranno.

FAARSO 9:16

Kaaliiqi halaale coyi'rate egennaminoho; cubbaataammu loossino loosinni amadantu.

FAARSO 90:8

Cubbonke albakkiinni worootto; golloommota saonke nafa afootto.

ISAYAASI 1:3

Handu nafa ceinoha annasi afino; harrichuno maddarannosiha egennino. Israeelete kayinni hattenne diegennino; manni'ya wodancha diafi'rino» yii.

ISAYAASI 26:16

Kaaliiqa, qarrantu yannara atewa daggino; seejjittonsa waro hashaashshe huuccidhino.

ISAYAASI 44:19

«Haqqa kare gama giidhe sagale raisi'roommo; maalano du'rishi're itoommo; gatinoha boce magansi'nanni misile seekki're xa isera kumbuulammoraati?» yee hedannohu nafa dino.

ISAYAASI 5:12

Agattonsa yannarano maasinqonna bagana dibbenna suusulle shiqqi assidhanno. Kaaliiqi assino coye mittono diwodanchitanno.

ERMIYAASI 14:10

Manna'ya! Ki'ne foortinoonni; umo'ne ittisi'ra dihasidhinoonni. Kunnira ani giweemmo'ne; cubbo'ne qaage qorichisheemmo'ne.

ERMIYAASI 16:17

Assitannore baala afeemmo; insano alba'yaanni no; cubbinsano ille'yanni digo'lanno.

ERMIYAASI 17:1

Kaaliiqi, «Yihudu manna! Cubbi'ne aani'nenni diho'lannoho. Kinchu aana borreessinoonnihu gede, wodani'neranna kakkalote buudda aana siwiilu kuulinni borreessamino.

ERMIYAASI 2:19

Umi'ne bunshe qorichishshanno'ne; anera badhe wodha'ne qoricha abbitanno'ne. Ane Magano'ne Kaaliiqa agura'nenna, anera uyitinanni ayirrinye ho'la'ne, mageeshshi geeshsha qaraaronna bunshe ikkitinoro affinanni. Konne coye coyi'roommohu ani Olantote Mootichi Kaaliiqaati» yii.

ERMIYAASI 32:19

Hedokki jawate; loosikkino wolqaataamoho; ninke assineemmori mitturino digo'lannohe; baalunkura loosisi garinni aatto.

ERMIYAASI 4:18

Yihudu manna, kuni baalunku coyi ikkinohu bushu loosi'nenna busha ha'rinsho'nenni kainohunniiti. Cubbi'ne tenne qaraaro abbino'ne; bisi'ne giddora e"e wodana madiissino'ne.

ERMIYAASI 44:21

«Ki'nenna akaakka'ne, mootoolla'nenna roorrooti'ne, qoleno baatto'nera hee'ranno manni baalu Yihudu katammaranna Yerusaalamete dooggara hixaana giirtinita Kaaliiqi diafino yitineetinso hawinoha laweenna'neeti?

HIZIQEELI 21:29

« ‹La'inanni ajuuja dharaho; kultinanni himanino kaphoho. Ki'ne, bunshenna batte wo'mitino'nereeti; goofimarchu qoricha adhitinanni barri iillino; bise haxo'nera suuntanni no.

HOOSEI 12:2

Kaaliiqira Yihudu manna abbooshshi'ranno coyi noosi. Yaiqoobi mannano qaafonsa garinni qorichishanno. Assitinohu bushu loosinsa deerrinni waagansa aanno.

HOOSEI 4:9

Ki'ne qeesootuno callichu manni gedeere ikkitinoonni. Kunni daafira, hakko mannira iillanno qorichi ki'nerano iillanno. Bushu loosi'ne gumano ittinanni.

HOOSEI 6:2

Lamu barri gedensaanni baqqi assannonke; sayikki barra kayisannonke. Albasiinnino lubbotenni hee'neemmo.

HOOSEI 8:13

Insa anera kakkalo shiqishshanno; kakkalote maalano ittanno. Ani kayinni insa kakkalonni dihagiidheemmo. Saonsa kiireemmo; cubbinsa daafira qorichisheemmonsa; galagalte Gibitse hadhanno gede asseemmonsa.

HOOSEI 9:15

Kaaliiqi, «Galgalaho heedheennanni, bushu loosinsa reqecci yiino. Anino hakkiichinni kayise insa giwoommo. Loossinohu bushu loosinsa daafira, oommonsa baattonni fushsheemmonsa. Kunni ka'a insa dibaxeemmo. Sooreeyyensa baalanti haxawarroota ikkitino.

HOOSEI 9:9

Gibia Katami manni assinte gede, ki'neno lowo geeshsha battaabbinoonni. Kunni daafira, Maganu cubbo'ne baala kiire qorichishanno'ne.

AMOOTSI 8:7

Israeelete Hexxo ikkinohu Kaaliiqi su'misinni, «Ani Mootichu Kaaliiqi, insa loossino bunshe baala horonta dihaweemmo.

YOONAASI 1:2

«Ka'e jawa katama Nennewe mari; hakko katami manni loosino bunshe afoommona, qoonqokki naggi assite lallawi» yii.

KIIRO 32:23

«Hakkunni ka'a kayinni Kaaliiqi aana sao assitinanni; assitinoonni cubbino amadanno'neta egenne.

LUQAASI 12:2

Ledeno, «Dimboonnihu fa'namikkinni, maanxoonnihu anfikkinni digatanno.

UMI QORONTOOSI 4:5

Kunnira, Mootichu Yesuusi yoo yaara daa geeshsha, aye aanano yoo yitinoonte. Isi daanno woyite, tunsote go'le noore haa're xawo fushshanno; mannu wodani giddo nooreno reqecci assanno. Hakka waro, Maganu baalanka gari garisinni jajanno.

MARRO 32:29

Wodancha noonsaha ikkoommero, konne coye buuxxanno; marte gawa'litannowano affanno.

IBIRAAWOOTA 4:13

Maganu albinni go'lanno kalaqami mittuno dino. Isi illera baalunkuri xawoho reqecci yee leellanno; ninkeno xa'mannonke coyira dawaro qolleemmohu isiraati.