HOOSEI 7:16 - Qullaawa Maxaafa

¹⁶ Anewiinni faffe kapho magansi'rate higgino; alaama so'rinohu shokkashshu digaani gede ikkitino. Roorrootinsano busha coye coyi'ratenni kainohunni bisetenni ganneenna reyitanno. Gibitsootuno qacifattannonsa» yii.

HOOSEI 7:16 ပူးပေါင်းရင်းမြစ်များ

FAARSO 12:3

Kaaliiqa ballo, lame coyi'ranno arrawo baala muri; «Arrawinkenni qeelleemmo; afuu uminkeho; banxummore coyi'ra dandiineemmo» yitannori afoo beeshshi.

FAARSO 12:5

Kaaliiqi kayinni, «Buxanete qarrira, mitiimmaammu raarera xa kaeemmo; halchitino keereno eemmonsa» yaanno.

FAARSO 17:10

Godowa kaajjite, boo'natenni coyidhanno.

FAARSO 52:2

Wodanikkinni woloota hunate malatto; xagarate arrawikki iibbitino milaace gedeeho.

FAARSO 57:4

Kune baarigaarra'ya itanno doobbiyi gede doyissite nooeta lai; hinkonsa amaxxotenna maxxaho; arrawinsa gamanxoonni biseeti.

FAARSO 73:9

Maganu aana busha coyidhanno; mannu aanano afii-wo'ma coyidhanno.

FAARSO 78:37

Wodaninsa isi ledo dino; ledosi e'ino gondooro diayirrissino.

FAARSO 78:57

Annuwansa gede maahoyye gibbe badhe wodhitinosi; shokkashshu maxxi gede hexxinannikkire ikkitino.

ISAYAASI 3:8

Yerusaalame sarraaqante doogote aana no; Yihuduno uwara rahe no; coyinsanninna loosinsanni Kaaliiqa fonqolte ayirrinyesi shotissino.

ERMIYAASI 18:18

Mitu mitu manni, «Amme, Ermiyaasi assineemmota mallona. Seera rosiissanno qeesooti, mala kultanno hayyoolenna, himana kultanno himanaano noonkena, isi yaannore macciishsha agurre amme su'masi hunnona» yii.

ERMIYAASI 3:10

Konne baala assituhu gedensaanni dogaancho Israeelete rodoo Yihudu, galagalte anewa higginohu digodowinniitina goowi alinniiti. Konne coye coyi'roommohu ani Kaaliiqaati» yiie.

ERMIYAASI 42:18

«Ani Israeelete Magani Olantote Mootichi Kaaliiqi ki'nera kuleemmo coyi, ‹Gibitsete gobba ha'ne hakkiicho hee'neemmo› yitiniro, kunni albaanni Yerusaalamete manni aana abboommo hanqonna aara ki'ne aanano abbeemmo. Mannu ki'ne aana ikkino coye lae masanno; la"anno'nehu baalu qacifatanno'ne; su'mi'neno rumonniha ikkanno. Konne darga layinkimeeshsho dila'inanni yoommo» yiinonsa.

HIZIQEELI 23:32

Mootichu Kaaliiqi, «Kuneeti rodookki aggino finiinchira agatta; kuni qarrino, lowohonna fullannikkiho. Mannu baalu haariimanni arrassannohe; qarrikki finiinchino wo'maho.

HIZIQEELI 36:20

Daga, ‹Kuri Kaaliiqi mannaati; ikkollana, uyinonsa baattonni buqqisantino› yitannansa, martuwa baala dagate mereero qullaawa su'ma'ya xonsiissino.

DAANIEELI 7:25

Wo'munkura Aliidi Magani aana boo'natenni coyi'ranno; qullaawa Wo'munkura Aliidi Magani manna qarrisanno. Amma'note ayyaannanna seera soorrara wo'naalanno. Insano 3 dironna darate isi anga galtanno.

HOOSEI 11:5

«Insa kayinni anewa gamba yaa gibbinohura galagalte Gibitse higganno. Asoori moote anga galtannoreno ikkitanno.

HOOSEI 11:7

Manni'ya anewiinni fafate murici'rino daafira, kadamate qambara hogombeenna iima hige raaranno. Ikkeennano hakkonne qambara haxonsa aaninni kayise hoolansara ayino didandaanno.

HOOSEI 6:4

Kaaliiqi kayinni, «Israeeletenna Yihudu manna! Ki'ne hiissummoro woyyate? Ki'ne ane baxxinanni baxilli soodimari guunjonna guto loji gede rahe ba"anno.

HOOSEI 7:13

«Anewiinni faffe hadhino daafira, insara aanne'e! Anera mokkookkitinoehura bao daggannonsa. Wonara ani gatisammonsara hasi'roommo. Insa kayinni ane kaphunni magansidhinoe.

HOOSEI 9:3

Israeelete manni Kaaliiqi uyinonsa baattora dihee'ranno; baxikkinni Gibitse higanno. Asoori mare seerunni hoolloonni sagale itanno.

HOOSEI 9:4

Hakkiichono Kaaliiqira woyinete xajje shiqishate woy kakka'late didandiitanno. Tini kakkalote sagale wi'late qaera intannite gedeete; tenne sagale itannohu baalu lagaawanno. Insa hude hoo'late ittannote ikkinnina, Qullaawu Minira shiqinshannita di"ikkitino.

HOOSEI 9:6

Baotenni gattara xooqqanno woyite, Gibitsootu gamba assite Memfiisi madaartannonsa. Duu'nitinoti birru jiro baala ishine uddidhe gattanno; galtanno mini giddono utunna kokko'lu fulanno.

MILKIYAASI 3:13

Kaaliiqi, «Ki'ne ane seyattinoonnie. «Qoltineno, ‹Ninke ate hiitto assine seyantummohe?› yitinanni» yiinsa.

MILKIYAASI 3:14

«Maganoho soqqama makaa'litanno? Hajajosi agadhatenninna Olantote Mootichi Kaaliiqi albaanni dadillaamma ikkine hee'ratenni ma lexxinoommo?

MAATEWOOSI 12:36

Halaale kuleemmo'nena, mannu sammi yee hasi'ri garinni coyi'rannohura mittu mittunku qaalira yoote barra xa'mamanno.

LUQAASI 8:13

Carete aana uwino wixi masalo, qaale macciishshite hakkawoyintenni hagiidhite adhitannore kulanno. Insa kayinni yannate geeshsha ammantanno; rumushshu noonsakki daafira qarru daanno woyite mulenni gufidhe ubbanno.

YAIQOOBI 3:5

Arrawuno mannimmanke giddo shiimiidi bisooti; ikkirono jajjabbu coyinni naaxxanno. Lowo dubbo shiima giira ittanno.

LAYINKI PHEEXIROOSI 2:8

hakku keeraanchu manchi giddonsa hee're la"annohunninna macciishshannohunni barru baala busha ikkitonsanni kainohunni keeraancho lubbosi shetisirono,

YOHAANNIS AJUUJA 13:5

Moyichoho boo'natenna Magano xonate qaale coyi'ranno gede, qoleno shoyilliina lame agana gashshanno roorre uyinisi.