HOOSEI 5:9 - Qullaawa Maxaafa

⁹ Qorichu barri daanno yannara, Israeelete gobbara mitturino gatikkinni shakki yee goofanno. Kuni coyi Israeelete aana ikkikkinni gatannokkita egensiiseemmo.

HOOSEI 5:9 ပူးပေါင်းရင်းမြစ်များ

IYYOOBI 12:14

Maganu diiganno; isi diiginoha qole gatamarannohu dino. Isi usuranno; isi usurinohano tire fushshannohu dino.

ISAYAASI 37:3

«Ninkera tini qarrunna shettote yannaati; ilate yanna iilliteenna niixxe fushshi'ra hooggino mancho gede ikkine hee'noommo.

ISAYAASI 46:10

Ikkanno coye baala balaxe kuloommo; ikkara nooreno alba asse coyi'roommo; ani ikkanno yoommori ikkanno; anino hedoommore asseemmo.

ISAYAASI 48:3

Kaaliiqi Israeelete, «Ani albillittete ikkara noore, bi'renni balaxe coyi'roommo; kunino rahe ikkanno gede assoommo.

ISAYAASI 48:5

Konne coye baalanka albanni balaxe kuloommo'ne; hatto assoommohuno, ‹Magannanke togo assitino; haqqunnitinna siwiilunniti misillanke konne coye heddino› yitine naaxxitinannikki gedeeti.

ISAYAASI 7:16

Kayinnilla qaaqqu bushanna dancha bade afanno yanna daggara albaanni waajjatto mootoolla lamenteti gobbansa diigante ona ikkitanno.

HOOSEI 5:12

Kunnira bile imaana, daanillu gide hunannohu gede asse ani Israeelenna Yihuda huneemmo.

HOOSEI 5:14

Kunninni kainohunni Israeele doobbiichu gede, Yihudano aju doobbiichi gede ikke hiiqqaqqe agureemmo. Hawulukki asse haa're ha'reemmonsa; ayino gatisansara didandaanno.

HOOSEI 7:12

Ha'rantanno darga baalaho woshshaado'ya wore ceate gede asse amadeemmonsa. Loossinohu bushu loosinsa daafira qorichisheemmonsa.

HOOSEI 8:8

Israeelete manni dagate mereero egemmamino daafira, hiiqqamino uduunnichi gede tidhinokkiha ikkino.

HOOSEI 9:7

Kuneeti qorichu barri dayino; mittu mittunku loosisi guma itannohu yoote barri iillino. Israeelete manni konne baalanka coye afo! Cubbi'nenna diinoomi'ne batinyinni himanaancho balala, ajuuja afi'nohano macharaaraamu gede assitine kiirtinanni.

AMOOTSI 3:7

Mootichu Kaaliiqi go'lino coye, soqqamaanosi himanaanote balaxe kulikkinni, mitto coyeno diassanno.

AMOOTSI 7:17

«Kunnira Kaaliiqi ate Amesiyaasi, ‹Galtekki katamaho foortannota ikkitanno; oosokkino olu giddo reyitanno. baattokkino allaggu siiwotenni bikke beeqqanno; atino Magano affinokki gosa giddo reyatto. Israeelete mannino addinta qafadame, gobbansanni fule wolewa ha'ranno› yiinohe» yee dawari.

AMOOTSI 7:9

«Yisihaaqi sirchi magansi'ranno gaari diigamanno; Israeelennihu qullaawu darginsa onanno; Iyorbiaami maateno bagadu gudanno» yii.

MIKIYAASI 6:13

Kunnira, cubbi'nenni kainohunni ki'ne hunammoranna diigammora kaoommo.

ZAKKAARIYAASI 1:6

Soqqamaano'ya ikkitino himanaano widoonni qole akaakka'nera hajajonna qorophishiishsha oommonsa; insa kayinni lashshi assitino daafira, shettote qarri amadinonsa; hakkunni gedensaanni aagintaabbe, ‹Olantote Mootichi Kaaliiqi qaafonkenna loosinke garinni, ninkera malino qoricha isi hedinoha uyinonketa huwantoommo› yitino» yii.

YOHAANNISI 16:4

Balaxe konne ki'nera kuloommo'nehu yanna iillitanno woyite yoommo'nere qaagginaraati» yiinsa. Yesuusi lede, «Konne baala balaxe kuloommo'nekkihu ledo'ne noommo daafiraati.