HOOSEI 5:7 - Qullaawa Maxaafa

⁷ Kaaliiqira ammanantinore ikka hoogansanni kaphu magano magansidhanni darchu aani ooso iltino. Kunnira xa Aganu Leellanno yannara insano baattonsano mitteenni ba'anno.

HOOSEI 5:7 ပူးပေါင်းရင်းမြစ်များ

FAARSO 144:11

Kaajjaddu bagadiwiinni gatisie; allaggu anganni fushshie; insa horonta halaale dicoyidhanno; xaartanni nafa kaphitanno.

FAARSO 144:7

Angakki diriirsite, diimete wayi giddonni, goshooshshe fushshite gatisie; allaggu anganni fushshie.

ISAYAASI 1:14

Aganu Leellannotanna wole ayyaanna'ne giwoommo; duhu gede ikkite ayirritannoe daafira daafuroommo.

ISAYAASI 48:8

Ani yeemmore dimacciishshitinanni; affinarano dihasidhinanni. Bi're hundinni kayissine macciishsha gibbinoonnireeti; ilantini barrinni kayissine ki'ne haxawarrootanna, maahoyye gibbinoonnire ikkitinoonnita egennoommo.

ISAYAASI 59:13

Atera maahoyye gimbe badhe wodhinoommo; ate hoodeno ha'ra agurroommo. Woloota gadadinse ateno agurre ha'noommo; hendeemmorinna coyi'neemmori baalu kaphohonna so'rote.

ERMIYAASI 3:20

Ki'ne kayinni, ayiddaannase agurte hadhino mancho gede ikkitinoonni; ammanama hooga'nenni ane agurtinoonnie. Konne coye coyi'roommohu ani Kaaliiqaati.

ERMIYAASI 5:11

Israeeletenna Yihudu manni ane horonta agurinoe› yoommo. Konne coye coyi'roommohu ani Kaaliiqaati» yii.

HIZIQEELI 12:28

Kunnira, ani Mootichu Kaaliiqi yeemmore kulinsa: Ani cyi'roommori baalu wo'manno; horonta dikeeshshanno. Konne coye coyi'roommohu ani Mootichu Kaaliiqaati» yiie.

HOOSEI 2:11

Hagiirrise ayyaanna baala, Fooliishshote Barra, Aganu Leellanno Ayyaananna wole ayyaannase uurriseemmo. Amma'note xaadiseno hee'rannokki gede asseemmo.

HOOSEI 2:4

Saalu nookkiti foora mancho iltinore ikkitino daafira, oososeno dimarareemmo.

HOOSEI 6:7

«Insa kayinni, Addaami gede ane ledo e'ino gondooro diiggino. Hakkiicho anera ammanantinokkire ikkansa egensiissino.

HOOSEI 7:13

«Anewiinni faffe hadhino daafira, insara aanne'e! Anera mokkookkitinoehura bao daggannonsa. Wonara ani gatisammonsara hasi'roommo. Insa kayinni ane kaphunni magansidhinoe.

ZAKKAARIYAASI 11:8

Woloota 3 allaalaasine, mittu agani giddo allaala agurtanno gede assoommo. Ge'reewuno giwinoe; anino dihagiidhoommonsa.