HOOSEI 5:3 - Qullaawa Maxaafa

³ Israeelete gara egennoommo; anewiinni go'litara didandiitanno. Kaphu magano magansi'ratenni battaabbinohura, ane magansi'rate ammanantinore di"ikkitino.

HOOSEI 5:3 ပူးပေါင်းရင်းမြစ်များ

ISAYAASI 7:16

Kayinnilla qaaqqu bushanna dancha bade afanno yanna daggara albaanni waajjatto mootoolla lamenteti gobbansa diigante ona ikkitanno.

ISAYAASI 7:17

Israeele Yihuduwiinni baxxituhunni kayise anfe egenninoonnikki qarri ate, mannikkinna mootete mini annikkihu aana daanno. Kaaliiqino Sooriyu moote ki'ne gawajjanno gede soyanno» yii.

ISAYAASI 7:5

Sooriyu gosa Israeelete moote ledo afoo xaadde gano gante,

HOOSEI 1:2

Kaaliiqi Hoosei widoonni qole mannisira qaalesi kula hanafi woyite Hooseira, «Manni'ya ane Kaaliiqiwiinni baxxe ceeggifachiishannoha foorrete looso loosanni no. Atino hadhe ammanantinokki mancho adhi; iseno ise gedeeta foora ooso iltohena» yiisi.

HOOSEI 12:1

«Israeelete manni barra wo'ma loosanno loosi, bubbete gede amadamannokki gumiweelooti; qoleno soojjaatinni dagganno hombobolatte gede hunannoho. Xagarronna haxawarrimma mereeronsa batidhino; hakkunni ka'aannino Asoori ledo gondooro e'ino; zayitensano Gibitse soqqitanno» yii.

HOOSEI 13:1

Efireemi ga're Israeelete mannira aliidita ikkite noo waro, coyidhanna macciishshituri baalu huxidhanno. Gedensaanni kayinni Ba"aalira kumbuulatenni cubbo loossino daafira gooffino.

HOOSEI 13:5

Moolle batidhino halallittera towatummo'nehu aneeti.

HOOSEI 5:11

Israeele mittore nafa aate dandiitannokkiriwiinni kaa'lo afi'rate insawa alba higgino daafira, shetto amaddinonsa. Uminsa amado ikkitino baattono hooggino.

HOOSEI 5:13

«Israeeli dhiwamasi, Yihudu madi'rasi afi woyite, Israeeli albasi Asoori widira higi. Kaa'lo afi'rate jawiidi mootewa manna soqqi. Kayinnilla isi gatisansara woy madansa hursara didandiino.

HOOSEI 5:9

Qorichu barri daanno yannara, Israeelete gobbara mitturino gatikkinni shakki yee goofanno. Kuni coyi Israeelete aana ikkikkinni gatannokkita egensiiseemmo.

HOOSEI 6:10

Israeelete giddo macca cu'mi'nanni coye afoommo. Hakkuno, mannu kaphu magano magansi'ratenni battaawino.

HOOSEI 6:4

Kaaliiqi kayinni, «Israeeletenna Yihudu manna! Ki'ne hiissummoro woyyate? Ki'ne ane baxxinanni baxilli soodimari guunjonna guto loji gede rahe ba"anno.

HOOSEI 8:11

«Israeelete manni cubbo agursiisi'rate, batinye kakkalote darga seekki'rino. Ikkollana kakkalote darguwa batidhu deerrinni cubbinsa lexxino.

AMOOTSI 3:2

Baattote aana hee'ranno manni baalu giddonni, ani dooroommori ki'ne calluwaho. Loossinanni cubbi baalaho, qorichisheemmo'nehuno kunniraati.

AMOOTSI 5:12

Bunshe'ne batidhino garanna, cubbi'neno ayirrino gara ani afoommo. Dancha manna qarrissinanni; yoote nafarrara gubbo adhitinanni, gadadaammu yoo shokkishshinanni.

MARRO 33:17

«Kumunni kiirranniri Efireeminna Minaase gaaddo, woraamu gede jajjabbahonna wolqaataammaho. Baarigaarrasi qasanno gaarraanchi gede, ki'neno diina'ne qassine baattote qacce fushshitinanni» yii.

IBIRAAWOOTA 4:13

Maganu albinni go'lanno kalaqami mittuno dino. Isi illera baalunkuri xawoho reqecci yee leellanno; ninkeno xa'mannonke coyira dawaro qolleemmohu isiraati.

YOHAANNIS AJUUJA 3:15

Loosokki afoommo. Woy diqiidootto woy di"iibbootto. Qiidoottoro woy iibboottoro woyyate.