HOOSEI 5:15 - Qullaawa Maxaafa

¹⁵ «Loossino sao egente anewa higga geeshsha insawiinni horonta fafe ha'reemmo. Assitino saonni qarru bati'rinsaro, miteekkite hasidhannoeha ikkanno» yii.

HOOSEI 5:15 ပူးပေါင်းရင်းမြစ်များ

KALAQAMA 42:21

Qolteno mimmitinsara, «Ninkera eegamanna lubbosi qarrantanna la'nanni hee'nenni macciishsha gimbe, halaalintanni rodiinke aana sao assinoommo; kuni qarri amadinonkehu iseraati» yitu.

LAYINKI DUDUWO 7:14

su'mi'yanni woshshaminohu manni'ya umonsa shollishe huucci'riro, eegamironna bunshetewiinni gaabbe higiro, gordoho hee're macciishsheemmonsa. Cubbonsano agureemmo; baattonsano hurseemmo.

IYYOOBI 33:27

Mannu albaanni faarsanni, ‹Ani cubbo loosoommo; suwino coye shokkishoommo; Maganu kayinni sao'ya garinni diqorichishinoe.

FAARSO 107:13

Qarrinsa yannara Kaaliiqiwa higge raartu; isino shettotenni gatisinsa.

FAARSO 107:19

Qarrinsa yannara, Kaaliiqiwa higge raartu; isino shettotenni gatisinsa.

FAARSO 107:28

Qarrinsa yannara Kaaliiqiwa higge raartu; isino shettote giddonni fushshinsa.

FAARSO 107:6

Qarrinsa yannara Kaaliiqiwa higge raartu; isino shettotenni gatisinsa.

FAARSO 132:14

Kuni hegerera fooliishshi'reemmo dargaati; hakko hee'rammora hasi'reemmo daafira teesso'ya assi'reemmo.

FAARSO 50:15

Qarru barra woshshidhe"e; anino gatiseemmo'ne; ki'neno ayirrissinannie.

FAARSO 78:34

Insa giddonni gama shiita, gattinori isiwa higgino; aagintaabbanni iso huuccidhanno.

FAARSO 83:16

Magano, albansa saalunni beeshshi; wolqakki affanno gede assi.

LAWISHSHA 8:17

Ani baxxannoere baxeemma; hasidhannoeri afidhannoe.

ISAYAASI 18:4

Kaaliiqi, «Barra sammi yite xabbanno arrishsho gede, birrannihu hashshi loji gede asse noommowa gordoho hee're eela qole laeemmo» yaanno.

ISAYAASI 26:16

Kaaliiqa, qarrantu yannara atewa daggino; seejjittonsa waro hashaashshe huuccidhino.

ISAYAASI 26:21

Baattote aana noo gosa cubbinsa daafira qorichishate, Kaaliiqi gordoho noowiinni kae daanni no. Hatte yannara, manna shite baattote giddo maaxantinori reqecci yitanno. Baattono du'nantino mundee xawo fushshitanno; reyitinoreno dimaaxxanno.

ISAYAASI 26:9

Ati baattote aana noorira yoo yaatto waro, mannu taashshinanni gara bade afanno. Lubbo'ya hashsha ate sinsinnaabbanno; giddo'ya noo ayyaanino ate quqquxamanno.

ERMIYAASI 2:27

Ki'ne anewa higa gibbine haqqicho, ‹Annankeeti› kinchono, ‹Amankeeti› yitinanni daafira, saalu amadanno'ne. Qarru iillanno'ne yannara kayinni, ‹Amo gatisinke› yitinannie.

ERMIYAASI 3:13

Ki'ne sao'ne calla ammanne; ane Magani'ne Kaaliiqira haxawarra'nera, wole manni gobba maganna kaphunnite ledo, jajjabba haqqe hunda foora'neranna, hajajo'ya agadha hooga'nera aagintaabbe. Konne coye coyi'roommohu ani Kaaliiqaati.

ERMIYAASI 3:14

Ki'ne hexxinannikki manni, ani Mooticha'neetina ane Kaaliiqiwa higge! Ani ki'ne mereerinni, mittu mittu katami giddonni, mitte mittente maate giddonni lame lame doodhe, Tsiyooni Ilaaliwa haa're masseemmo.

ERMIYAASI QURTO 3:40

Doogonke xiinxalline la'no; Kaaliiqiwano hingo.

HIZIQEELI 10:4

Kaaliiqi ayirrinyi kirubeeli aaninni kae, Qullaawu Minira e'nanni xullicho mari. Hakkunni gedensaanni, gomichu Qullaawa Mine wo'mi. Qullaawu Mini nafarano Kaaliiqiti ayirrinyu caamile xawissu.

HIZIQEELI 11:23

Hakku ayirrinyino katama agure soojjaatoonni noo ilaaliwa hige ha'ri.

HIZIQEELI 20:43

Assitinoonniha saalsiisanno coyenna umo'ne assitine batteessitinoonni gara, hakkiicho qaagginanni; assitinoonni bunshenni kainohunni, umo'ne cee'mitinanni.

HIZIQEELI 36:31

Hatte yannara, busha ikkito'nenna assitinoonniha busha coye qaaggine, cubbi'neranna assitinoonni batte baalate ki'nenee cee'mitinanni.

HIZIQEELI 6:9

Kuni mannino hakko marino gobbara hee'ranno; hakko hee'ranno yannara ane qaaganno. Ani qorichishoommonsahunna shollishoommonsahu ammanantinokkire ikkitinohuranna ane agurte kaphu magannara soqqantino daafira ikkinota affanno. Assitino bunshenni kainohunni umonsa gibbanno.

HIZIQEELI 8:6

Maganuno, «Koo manchi beetto, ikkanni noo coye baala laitto? Israeelete manni konne assanni nooha tiyyi'nanni coye lai. Togo assansanni Qullaawu Dargi'yanni fafeemmo gede assitinoe. Kawiinni roorinoha lowo geeshsha saalsiisanno coye xaanni la"atto» yiie.

HOOSEI 3:5

Hakkunni gedensaanni Israeelete manni galagale hige Maganonsa Kaaliiqanna mootensa Daawitino hasi'ranno. Hatte yannara Kaaliiqa ayirrisanno; dancha atooteno adhanno.

HOOSEI 5:6

Kaaliiqira kakkaltara ge'reewonna lalo gante massitanno. Kayinnilla Kaaliiqi insawiinni baxxino daafira diafidhannosi.

MIKIYAASI 1:3

Kuneeti, Maganu Qullaawu Minisinni daanni no; dirre ilaallate umi aana ha'ramanno.

KIIRO 21:7

Mannuno Musewa daye, «Kaaliiqinna ate aana busha coye coyi'rankenni sayinsoommona, hamaso aaninkenni hoolanno gede Kaaliiqa huuccinke» yii. Museno Kaaliiqa huucci.

LUQAASI 13:25

Minu anni kae waalcho cufanno. Ki'ne gobbaanni uurritine woshshitinanni, ‹Mooticha, ninkeetina faninke!› yitinanni. Isi qole, ‹Maminni dagginoonniro diegennoommo'ne› yaanno'ne.

EJJEETTO 4:3

Isirano 900 siwiilu faradi gaare noosi daafira, Israeele 20 diro kade gashshino. Insano kaa'lannonsa gede Kaaliiqiwa raartu.