HOOSEI 4:13 - Qullaawa Maxaafa

¹³ Ilaallate aana kakka'litanno; tulluwate aana hixaana giirtanno. Jajjabbanna caaffaame haqqe danchu caali noote hundano, kunni gari kakkalo shiqishshanno. Kunninni kainohunni seenninsa baashaawanno; oosonsa seennino fooranno.

HOOSEI 4:13 ပူးပေါင်းရင်းမြစ်များ

LAYINKI MOOTOOLLA 17:7

Samaariyu uwinohu Israeelete manni Gibitsete gobbanni Feriooni anganni fushshinonsaha Maganonsa Kaaliiqa agurte wole maganna magansi'ratenni cubbo loosse dadillissinosi daafiraati.

LAYINKI MOOTOOLLA 23:7

Qoleno kaphu maganna magansi'rate seerira Qullaawu Mini giddo labballu foorannowanna meentu Asheerara uddano gananno darga diigi.

ISAYAASI 1:29

Kaphu maganna magansi'rate yitine doodhitinoonni haqqenni kainohunni saalfattinanni.

ISAYAASI 57:5

«Ki'ne qilxootu giddonna lattino haqqe hunda, foorrete yortonni giirantinanni; ooso'ne laggate giddonna kinchu godira kakkaltinanni.

ISAYAASI 57:7

Kakka'litinaranna foortinanni magansidhinara, seeddaanna ilaalla iimira fultinanni.

ERMIYAASI 2:20

Kaaliiqi qole, «Ki'ne Israeele, kuneeti lowo yannanni kayissine, qambara'ne hiiqqidhine usura'neno tidhitinoonni; soqqamanna magansi'ra gibbinoonnie. Jajjabba ilaallaranna lowiddaanna haqqe hunda, wole maganna ledo foortinoonni.

ERMIYAASI 3:13

Ki'ne sao'ne calla ammanne; ane Magani'ne Kaaliiqira haxawarra'nera, wole manni gobba maganna kaphunnite ledo, jajjabba haqqe hunda foora'neranna, hajajo'ya agadha hooga'nera aagintaabbe. Konne coye coyi'roommohu ani Kaaliiqaati.

ERMIYAASI 3:6

Iyosiyaasi moohe noo yannara Kaaliiqi anera, «Ammana xe'inoseti Israeele assiture afitto? Ise anewiinni baxxite seeddaanna ilaallanna lowiddaanna sinna batidhino haqqe baalate hunda marte foortino.

ERMIYAASI 44:8

Heedhinara dagginoonni gobbara Gibitsete noo magannara kakkaltinanni ane mayira hanqissinannie? Togo assatenni, umo'ne rumonniha assitine, daga baalate mereero ajiiffantannire ikkitinanni.

HIZIQEELI 16:16

Imaanikki aaninni gama haadhe magansi'ratta darguwa biifisi'ritta; hakkiichono foorrekki ledootta; umokki sayisse wolootaho ootta.

HIZIQEELI 16:25

Kunni garinni jajjabba doogga gama kaphu maganna magansi'nanni darguwa qixxeessidhe atenee shollishootta; dayi baalira manninatekki sayisse ootta; barru barrunkunni foorrekki batisootta.

HIZIQEELI 6:13

Kuni manni, gaarrate aana seekkinoonni dargi kakkalonnihura, ilaallate birxera jajjabbanna hala'lado caale afidhino haqqe hunda kaphu magannara hixaana giiranno. Kayinnilla, reeshshu kakkalote dargi mule uwe nooha la"anno woyite, ani Kaaliiqa ikkoommota afanno.

HOOSEI 10:8

Israeelete manni Aweeni yinanni katamira kaphu magano magansi'ranni cubbo loosanno gaarra diigantanno; kakkalonsa dargi aanano utunna kokko'lu fulanno. Hattenne yannara mannu ilaalla, «Maaxxenke» gaarrano, «Gollenke» yaanno.

HOOSEI 11:2

Kayinnilla manna'ya Israeele, anewa gamba yaanno gede woshshummo deerrinni, roorenka anewiinni fafino. Ba"aalira kakkalo shiqishatenninna, misillasirano hixaana giira diagurtino.

HOOSEI 2:13

Ba"aalira hixaana giirtara yite, irrase wodhite ellase hoode hadhara ane agurtino daafira qorichisheemmose. Kaaliiqi konne coye coyi'rino.

AMOOTSI 7:17

«Kunnira Kaaliiqi ate Amesiyaasi, ‹Galtekki katamaho foortannota ikkitanno; oosokkino olu giddo reyitanno. baattokkino allaggu siiwotenni bikke beeqqanno; atino Magano affinokki gosa giddo reyatto. Israeelete mannino addinta qafadame, gobbansanni fule wolewa ha'ranno› yiinohe» yee dawari.