HOOSEI 4:12 - Qullaawa Maxaafa

¹² Kunni daafira haqqunni seekkinoonniha kaphu magano mala xa'midhanno. Kiilu siqqichonsano hasidhinore kultannonsaha lawannonsa. Foorrete ayyaaninni massagante Maganuwiinni faffino.

HOOSEI 4:12 ပူးပေါင်းရင်းမြစ်များ

LAYINKI MOOTOOLLA 17:7

Samaariyu uwinohu Israeelete manni Gibitsete gobbanni Feriooni anganni fushshinonsaha Maganonsa Kaaliiqa agurte wole maganna magansi'ratenni cubbo loosse dadillissinosi daafiraati.

LAYINKI DUDUWO 21:13

Israeelete mootoolla hadhino doogo amadde, Akiaabinna oososi Israeelete manna Kaaliiqiwiinni huntuhu gede, atino Yihudunna Yerusaalamete manna Kaaliiqi albaanni fooranno gede assootto. Atewiinni woyyitannore annikki ooso roduuwakkino shootto.

FAARSO 106:39

Loosinsanni umonsa batteessitu; Maganohono ammanantinokkire ikkitu.

FAARSO 73:27

Kuneeti atewiinni faffannori ba'anno; ate agurtannore baala hunatto.

ERMIYAASI 10:8

Baalunku gowwootahonna hawanyootaho; haqqa bonce seekkinoonni maganna mittoreno dirosiissanno.

ERMIYAASI 2:27

Ki'ne anewa higa gibbine haqqicho, ‹Annankeeti› kinchono, ‹Amankeeti› yitinanni daafira, saalu amadanno'ne. Qarru iillanno'ne yannara kayinni, ‹Amo gatisinke› yitinannie.

ERMIYAASI 23:13

Samaariyu himanaano illete giwissinoe; Ba"aali su'minni himana coyidhanni, manna'ya Israeele so'risiissino.

HIZIQEELI 20:32

Wole daga gede woy haqqenna kinna magansidhannori gede ikkate heddinoonni. Kayinni, kuni horonta di"ikkanno coyeti.

HIZIQEELI 21:21

Baabilooni moote doogga xaaddannowa malaateho kaansoonni hossuwa mule uurranno; hiittenne doogo hige ha'ra hasiissannosiro afate hixa ga'nanno. Kaphu magannasino mala xa'mi'ranno; kakkalote gorrinoonni saada hellee la"anno.

HOOSEI 14:3

Kaaliiqa! Annanna ama shiidhino buxi atenni maaro afidhanno. Asoori digatisannonke; olu faradono diaddaxxineemmo. Kunni ka'a angankenni seekki'noommota kaphu maganna, ‹Magannankeeti› yine diwoshshi'neemmo» yitine aagintaabbe.

HOOSEI 5:4

Israeelete manni assino sao Maganinsawa higgannokki gede ittissinonsa. Kaphu magani ayyaani foorrennihunni amadantino. Kunninni kainohunni Kaaliiqa afa qarra ikkitinonsa.

HOOSEI 6:10

Israeelete giddo macca cu'mi'nanni coye afoommo. Hakkuno, mannu kaphu magano magansi'ratenni battaawino.

HOOSEI 9:1

Israeelete manna! Ayyaanna dagate garinni ayirrisa agurre. Kuneeti Magani'newiinni baxxitine ayiddaannase agurte foortanno mancho gede ikkitinoonni. Atoote uyitanno'neha laweenna, Maganoho uyinanni ayirrinye kaphu magannara uyitinanni, ayiddumme baalate foorrete looso loossinoonni.

LEEWAAWOOTA 17:7

Kunni albaanni anera ammanama hoogatenni meu golfara kakkaltu garinni, kunni ka'a aye kakkalono kakkala dihasiissannonsa. Kuni insaranna gedensiidi ilama baalantera hegere seera ikkonsana.

LEEWAAWOOTA 20:5

hakko manchiranna maatesira ani umi'ya diina ikkeemmo. Molooki hoode ha'rino manna baala manni'ya ledo dikiireemmo.

MIKIYAASI 2:11

«Tini gosa, ‹Woyinete xajje agonna woleno dimbisanno ago afi'ratenni duubbinanni› yaanni beebba coyi'ranni doganno himanaancho baxxanno.

IMBAAQOOMI 2:19

Haqqe bonce seekkinoonniricho «Baqqi yii!» Kincho soonfe seekkinoonniricho, «Kai!» yaattohura atera aanne'e! Misile mittono go'lino coye kulte affannoni? Misile birranna culka aanaho xalline seekkinoonnite ikkinnina foolu giddo dinoote.

KIIRO 15:39

Wodani'ne yorihunna ille'ne la'uhu baalu hoode hadhinanni foortinannikki gede konne handaara la'inanni, Kaaliiqi hajajo qaagginanni gede assanno'ne.

MARRO 31:16

Kaaliiqino Musera, «Kuneeti annuwakkiwa ha'ratto; ati reyittohu gedensaanni, kuni manni ane agure hattenne ragi'ranno baattora noota dagate maganna magansi'ranno. Ledonsa eoommo gondoorono diiganno.

EJJEETTO 18:5

Insano, «Hanni ha'nanni hee'noommo doogo qiniitannonke gedeenni Magano xa'minke» yitusi.