HOOSEI 3:5 - Qullaawa Maxaafa

⁵ Hakkunni gedensaanni Israeelete manni galagale hige Maganonsa Kaaliiqanna mootensa Daawitino hasi'ranno. Hatte yannara Kaaliiqa ayirrisanno; dancha atooteno adhanno.

HOOSEI 3:5 ပူးပေါင်းရင်းမြစ်များ

UMI MOOTOOLLA 12:16

Israeelete manni baalu Roobiaami coyensa haa'ra giwinota afihu gedensaanni, «Daawitinna sirchisi ho'lonke! Insa ninkera ma"assite egentinonke? Israeele, qae qaekki higi! Roobiaamino woyyannosire ma'lo!» yee lallawi. Insano qae qaensa higgu.

ISAYAASI 17:7

Hakka waro mannu kaa'lo afi'rate Israeelete Qullaawa ikkinohuwa kalaqaanchinsawa higanno.

ISAYAASI 2:2

Goofimarchu yannara, Kaaliiqihu Qullaawu Mini noo Ilaali, wole ilaalla baalatenni roore leellanno. Gaarra baalantenni roore luphi yee leellanno; gosa baala hakkiichira hadhanno.

ISAYAASI 2:3

Kunnira lowo manni, «Seeru Tsiyooninni, Kaaliiqi qaalino Yerusaalametenni fulannona, amme Kaaliiqi Ilaala fullona. Qullaawu Yaiqoobi Magani Minira ha'nona; isino hedinore kulannonke; ninkeno isi doogo hinge ha'neemmo» yaanno.

ISAYAASI 60:5

Atino konne coye la'e hagiidhatta; hagiirru batinyinni kainohunni wodanikki hisatanno. Baaru giddo noo jironna, dagate jajji baalu atewa daanno.

ISAYAASI 9:13

Qorichisheennansano Israeelete manni diaagintaawino; Olantote Mooticha Kaaliiqano dihasi'rino.

ERMIYAASI 23:5

«Daawiti sirchi giddonni, ammanaminoha moohiseemmo yanna dagganno; isino gobba hayyotenninna halaalunni gashshanno.

ERMIYAASI 30:24

Kaaliiqihu kaajjadu hanqi, wodanisi hedo wonshikkinni dihiganno; ki'neno dagganno yannara, konne coye buuxxinanni.

ERMIYAASI 30:9

Hatto ikka gatteenna ane Magani'ne Kaaliiqiranna, ani moohiseemmohura Daawiti sircho ikkinohura soqqantinanni.

ERMIYAASI 33:17

Daawiti sirchinni Israeelete moohannohu hoogannokki gede ani Kaaliiqi coyi'roommo.

ERMIYAASI 33:9

Hatte yannara, Yerusaalamete mannira asseemmoha dancha coye baala macciishshitanno gosa albaanni hagiirsiissannoe; ayirrinyenna galatano uyitannoe. Baattote aana noo gosa baala Yerusaalamete mannira asseemmoha dancha coyenna eemmonsa jiro affe waajjite qece yite huxidhanno» yii.

HIZIQEELI 16:63

Assootta sao baala agureemmohe; ati kayinni hattenne baala sao qaagatenni lowo geeshsha saalfatattahura mittoreno coyi'ra didandaatta. Konne coye coyi'roommohu ani Mootichu Kaaliiqaati» yii.

HIZIQEELI 38:16

Baatto guggushshino gomichi gede ikkite, manni'ya Israeelete aana bala tugatto. Yanna iillituro, baatto'ya marte horratto gede soyemmohe. Togo asseemmohu, daga ane ayimma affanno gedenna ate widoonni qole wonsheemmo coyinni Qullaawa ikka'ya egensiisateeti.

HIZIQEELI 38:8

Lowo gobbanni galagalte dagge olu yaaddo nookkiha fafisidhe keere heedhannota Israeele horratto gede, lowo diri gedensaanni hajajeemmohe. Lowo diro mullicho ona ikkite keeshshitino. Xa kayinni, mannu baalu keere hee'rannota Israeelete ilaalla horratto.

DAANIEELI 10:14

Ani dayommohuno albillitte mannikki aana daanno coye kulammoheraati. Tini ajuujano albillitte ikkanno coye xawissannote» yiie.

DAANIEELI 2:28

Ikkollana go'lino coye baala leellishanno Magani gordoho no. Isi kunni ka'ira ikkanno coye baala atera leellishinohe. Goxxe heedhe haaqii'rootto haaqeenna wodanikki giddo noo ajuuja kuneeti:

HOOSEI 1:11

Hatte yannara Yihudunna Israeelete manni gamba yee mitto ikke, gashshannoha mitto albisa doodhanno. Galagale hige umisi baatto aana jirotenni lophe hee'ranno. Kuni barri Iyiziraeelira jawa barra ikkanno.

HOOSEI 11:10

«Ani doobbiichimma ittaneemmo yannara, manni'ya Israeele hoode'ya hadhanno; galchiminni huxidhanni anewa dagganno.

HOOSEI 5:15

«Loossino sao egente anewa higga geeshsha insawiinni horonta fafe ha'reemmo. Assitino saonni qarru bati'rinsaro, miteekkite hasidhannoeha ikkanno» yii.

HOOSEI 5:6

Kaaliiqira kakkaltara ge'reewonna lalo gante massitanno. Kayinnilla Kaaliiqi insawiinni baxxino daafira diafidhannosi.

HOOSEI 6:1

Israeelete manni, «Amme, Kaaliiqiwa hingona! Isi hiiqqinonkente gede, isinni sissannonke. Isi madiissinkente gede, isinni madankera gaga ganannonke.

AMOOTSI 9:11

Kaaliiqi, «Diigame uwino mini gede ikkinoha, Daawiti gashshoote galagalche uurriseemmo yanna dagganno. Huxxano dhaaweemmo; diigaminohano gatamareemmo; albi gede asse haaroonseemmo.

MIKIYAASI 4:1

Goofimarchu iillanno yannara, Kaaliiqi mini minamino ilaali, wole ilaalla duuchantenni roore leellanno Gaaru wo'munkunni roore gotti yaanno. Lowo gobba manni isiwa lolahanno;

KIIRO 24:14

Xaate ani gobba'ya higeemmo. Hara'yara albaanni kayinni, kuni manni kunni ka'a mannakki assannota kuleemmohe» yiisi.

ROOMU SOKKA 11:25

Roduuwa'ya, egennaamma ikkitinoonniha lawoonke'ne. Mitto go'le noo halaale kuleemmo'ne: Hakkuno, Israeelete mokkookka wo'mu woyitita ikkitukkinni, wo'ma Daga Maganunniwa dagga geeshshaati.

ROOMU SOKKA 2:4

Woy Maganu danchumma, cincasinna dandaasi batinye mishattoni? Maganu shaqqillisinni maarote widira qolahera hede assinota diafootto?

MARRO 4:30

Qarrantinanni woyitenna kuni baalunku coyi iillanno'ne yannara, Magani'ne Kaaliiqiwa higgine hajajantinannisi.