HOOSEI 3:4 - Qullaawa Maxaafa

⁴ Kunni garinni Israeelete manni moote nookkiha woy albisu nookkiha, kakkalo nookkiha woy sooddiyye nookkiha, qeesimmate uddano nookkiha woy Maganu yaannore kulannori nookkiha lowo diro hee'ranno.

HOOSEI 3:4 ပူးပေါင်းရင်းမြစ်များ

KALAQAMA 31:19

Laaba ge'reewu orda haxi'rara ha're hee'reenna Raaheeli angatenni bonce seekkinoonnita annise maganna moorte adhitu.

KALAQAMA 31:34

Raaheeli magannasi haadhe gaalu koorira woroonni maaxxe, iimaho ofoltu. Laabano dukkanu giddo baalankawa hasi; kayinnilla mittoreno diafi'rino.

KALAQAMA 49:10

Yihuda, mootimmate siqqicho angakkinni difultanno; mootimmate bakali lekkakki qarrira no. Kuni ikkannohuno, gashshate malinohu daa geeshshaatinna, mannu baalu hajajamasi geeshshaati.

LAYINKI SAAMUEELI 6:14

Daawiti shaalado shalonni gannoonnita qeesimmate uddano halloho xaaxi're, wo'ma wolqasinni Kaaliiqi albaanni qeexaa'li.

LAYINKI MOOTOOLLA 23:24

Qeesootu roorrichi Hiliqiya Qullaawu Mininni afino maxaafi giddo borreessinoonni coyi wo'manno gede, Iyosiyaasi Yerusaalametenna Yihudu katammanni ekera hasaawiissannorenna kiilaano baala ayiddu maganna, kaphu magannanna dagate maganna magansi'nanniha tiyyi'nanni uduunne baala hune gudi.

LAYINKI DUDUWO 15:2

Isino fule Aasanni xaade, «Moote Aasa, ati Yihudunna Biiniyaami ga're baala yeemmo'nere macciishshe! Ki'ne Kaaliiqi ledo heedhiniro, isino ki'ne ledo hee'ranno. Hasidhinisiro afidhinannisi; agurtinisiro kayinni isino aguranno'ne.

FULO 28:4

Rodiikki Aarooninna oososi uddidhe qeesimmatenni soqqantannoe gede, gagasu kiise, gagasu uddano, hiito, qamise, muraamurritte shamisenna xaaxi'nanni koffiya qixxeessinonsana.

FULO 28:6

«Gagasu uddanono bule, xiillitte, duumenna culkaame heqonni seesiisse seekkitona.

ERMIYAASI QURTO 2:9

Huxxu cufanna baattote woroonni waamantino; waawannansano hiiqqaqqante ubbino. Mootenna ejjeetto xa qafadante no; kunni ka'a Maganu seera dikullanni; himanaanono Kaaliiqiwiinni ajuuja diafidhanno.

HIZIQEELI 19:14

Woyinete haqqichota damatte giira amaddu; sinnasenna gummase giira ittu. Sinna layinkimeeshsho dijawaattannona, mootete siqqichono ikka didandiitanno. Kunni ka'a marro hinge wi'linanni wi'la tenneeti.

HIZIQEELI 20:32

Wole daga gede woy haqqenna kinna magansidhannori gede ikkate heddinoonni. Kayinni, kuni horonta di"ikkanno coyeti.

HIZIQEELI 21:21

Baabilooni moote doogga xaaddannowa malaateho kaansoonni hossuwa mule uurranno; hiittenne doogo hige ha'ra hasiissannosiro afate hixa ga'nanno. Kaphu magannasino mala xa'mi'ranno; kakkalote gorrinoonni saada hellee la"anno.

HIZIQEELI 21:31

Hanqi'ya wolqa bubbanno giira gede aana'ne dirritanno; shaa rossinorira kaajjaddaho sayise eemmo'ne.

DAANIEELI 11:31

Olantosino Qullaawa Mine batteessitanno; barru baala shiqinshanni kakkalono hooltanno; baote batte uurrisidhanno.

DAANIEELI 12:11

«Barru barrunkunni shiqinshanni kakkalo gatteenna baote batte uurritanno gede assinanni yannanni kayise 1,290 barri sa"anno.

DAANIEELI 9:27

Hakku albisi lowo manni ledo 7 diri geeshsha jawaata gondooro eanno; 7 dirinna daratu sa"anno woyite Maganoho uyinanni kakkalonna fushshaate hoolanno. Qullaawu Mini aana baote batte uurrisanno. Kuni ikkannohu Maganu hirqino garinni hakku albisi ba"anno yanna dagga geeshshaati» yii.

HOOSEI 13:10

Ki'ne mootenna gashshaano eemmo'ne gede xa'midhinoonnie. Gatisanno'ne mootenna golantanno'ne gashshaanono hanniyya?

HOOSEI 13:11

Hanqe mootoolla oommo'ne; ikkollana insa qole aari'yanni haa're hooloommo.

HOOSEI 2:11

Hagiirrise ayyaanna baala, Fooliishshote Barra, Aganu Leellanno Ayyaananna wole ayyaannase uurriseemmo. Amma'note xaadiseno hee'rannokki gede asseemmo.

LEEWAAWOOTA 8:7

Aaroonira qeesimmate qamisenna kaabba uddisiise, halloho hiito qodhisiisi; hakkunni aanano, Efuudi yinannita gagasu uddano lede, goondoonni hiito hallisira usuri.

ZAKKAARIYAASI 10:2

Mannu magannansanna kiilaanonsa xa'mi'ranno; afidhanno dawaro kayinni kaphohonna haafaho. Mitu mitu kaphu haaqee tirtanno; ikkollana kayinni so'risiisannonsa; mulla haafa sheshifachishshannonsa; kunnira mannu baino ge'reewi gede ikke raataawanno; allaalaanchu hooginonsahura qarramanno.

ZAKKAARIYAASI 13:2

Hakka waro, magannansa su'ma gobbate aaninni huneemmo; layinkimeeshsho qaagannonsahu dihee'ranno; battete ayyaaninni coyidhannore kaphu himanaano baattote aaninni hooleemmo.

LUQAASI 21:24

Insa giddonni lowo manna bagadu shaanno; woloota qafande addi addi gobba haa'ne ha'nanni. Dagate yanna sa'a geeshsha Yerusaalame daga kadde gashshitanno» yii.

YOHAANNISI 19:15

Insano, «Hoolinke! Hoolinke! Sutte aguri!» yitanni cancitu. Philaaxoosino, «Moote'ne sutoni?» yiinsa. Qeesootu roorrootino, «Qeesaari agurranna wolu moote dinonke» yite qoltu.

IBIRAAWOOTA 10:26

Halaale anfummohu gedensaanni anfanni hee'nenni cubbo loonsummoro, kunni ka'a cubbu daafira shiqinshanninke kakkalo diheedhanno.

EJJEETTO 17:5

Kunni Miika yinanni manchira magansi'nanni dargi noosi. Mini magannanna gagasu uddano seekki're oososi giddonni mittu qeesicha ikke soqqamanno gede assi.

EJJEETTO 18:14

Layishi baatto dooyyituri 5 manni roduuwinsara, «Tenne minna giddo mittoho birra aanaho xallinoonni misile, wole misillanna qeesimmanniti gagasu uddano noota affinoonnini? Ma"assa hasiissannoro malle» yitunsa.

EJJEETTO 8:27

Gedewooni culkunni misile seekke, ilamino katamira Ofira wori. Israeele baalanti tenne misile magansi'ratenni Maganoho ammanama hoogginohura, misile Gedewooniranna maatesira woshshaado ikkitu.

UMI SAAMUEELI 14:3

Qeesimmannita gagasu uddano uddi'rannohu Akiyano ledonsa no. Isino Seelo Kaaliiqi qeesichi Eeli beetti Finihaasi ilinoho. Annisi Akixoobi, Ikaaboodi rodooti. Yoonaataani ledonsa nookkita kayinni afinohu dino.

UMI SAAMUEELI 15:23

«Kaaliiqira maahoyye giwa kiilu ledo mittete; qoxxisamano kaphu magano magansi'rate gedeeti. Ati Kaaliiqi yiinore giwootto daafira, isino mootimmatenni keeshshattota giwino» yiisi.

UMI SAAMUEELI 2:18

Saamueeli kayinni shiimu hee'renni fila shalonni gannoonnita gagasu uddano uddi're Kaaliiqi albaanni soqqamanni hee'ri.

UMI SAAMUEELI 21:9

Qeesichuno, «Ella Lagichira shiittohu Filisxeemichu Gooliyaadi bise no. Kune gagasu uddanora badheenni hoccunni xaaxante noona hasi'rittoro adhi. Ise agurranna woliri dino» yee dawarisi. Daawitino, «Ise gedeeta dianfannina isella uyie» yii.

UMI SAAMUEELI 22:18

Kunnira Saaooli Doyiqi, «Gattoonkena qeesoota ati shii» yee hajaji. Hajanjoonnisi garinni, Edoomichu Doyiqi qeesoota shee gudi. Hakko barra shinoonniri qeesimmannita gagasu uddano uddidhannori 85 qeesootaati.

UMI SAAMUEELI 23:6

Ahimeleeki beetti Abiyaataari Qeila Daawitiwa bai yannara, qeesootu Kaaliiqa xa'mite dawaro afidhannoha Efuudi yinanni uduunnicho adhe ha'rino.

UMI SAAMUEELI 23:9

Daawitno Saaooli busha hedinosita afe, qeesicha Abiyaataari, «Hanni Kaaliiqa xa'mi'neemmona Efuudi haadhe amo!» yiisi.

UMI SAAMUEELI 30:7

Hakkunni gedensaanni Daawiti Ahimeleeki beetto qeesicha Abiyaataari, «Assa hasiissannonkere Kaaliiqa xa'mineemmona amo» yiisi. Abiyaataarino Maganu yaannore afate Efuudi haa're shiqishi.