HOOSEI 3:1 - Qullaawa Maxaafa

¹ Kaaliiqi, «Hadhe, elise ledo foortanni noota albi ayiddaamakki galagalte baxise. Israeelete manni wole magannawa higirono, qeeqqitino laalo kaphu magannara shiqishate hasidhurono ani kayinni xaano baxeemmonsahu gede, atino ise baxise» yiie.

HOOSEI 3:1 ပူးပေါင်းရင်းမြစ်များ

LAYINKI SAAMUEELI 6:19

Mannu baalunkura meya labbaahura mitto mitto tima, mitte mitte maalu gumanna, mitte mitte woyinete hunduruurro beehinsa. Hakkunni gedensaanni mannu baalunku mini minisira ha'ri.

LAYINKI MOOTOOLLA 13:23

Kaaliiqi kayinni shaqqillisinni mararinonsata ikkinnina techo geeshsha albisinni dihuninonsa. Hatto assinohu Abirihaami, Yisihaaqinna Yaiqoobi ledo eino gondoori daafira yeeti.

UMI DUDUWO 16:3

Mannu baalunkura sagale beehi. Meya labbaahu gatikkinni Israeelete manni baalunkura mitto mitto tima, du'rinshoonni maalanna shiima qeeqqitino laalo uyi.

NEHIMIYA 9:31

Qolteno ati mararattohanna maaratto Magano ikkoottohura, agurattonsaranna hunattonsara dihasi'rootto.

FAARSO 123:2

Faantichu mootichisi anga, faantitteno mootittese anga la'annonte gede, Ninkeno maarattonke geeshsha ate Maganinke kaa'lo agadhineemmo.

FULO 32:6

Layinki soodo gutte ka'e, shilqonnitanna mittimmate kakkalo shiqishshu. Mannuno ofolle itihunna agihu gedensaanni sirbaho kai.

FAARSO ROORE FAARSO 2:5

Baxillu amadeenna xiwamoommana, woyinete leo itissine jawaachishshe"e; laalo uyitine hagiirsiisse"e.

ISAYAASI 45:22

«Ane agurranna wolu magani nookki daafira, baattote qacce geeshsha heedhinoonniri baalu, anewa daggine gato afidhe.

ERMIYAASI 3:20

Ki'ne kayinni, ayiddaannase agurte hadhino mancho gede ikkitinoonni; ammanama hooga'nenni ane agurtinoonnie. Konne coye coyi'roommohu ani Kaaliiqaati.

ERMIYAASI 31:20

«Israeele! Ki'ne anera ayirrado oosooti; roorse baxeemmo'nere di"ikkitinoonni? Hanqe coyi'rummo'nero nafa, ki'ne daafira wodani'ya digoxino; godowi'yano ki'nera dikaajjino. Ani Kaaliiqi ki'ne marareemmo'ne. Konne coye coyi'roommohu ani Kaaliiqaati.

HOOSEI 11:8

«Israeele! Ate hiitto asse agureemmohe? Hiitto asseno sayise eemmohe? Adaamanna Tseboyimi assummo gede, hiitto huneemmohe? Ate lowo geeshsha baxeemmohe daafira, konne baala assammora wodani'ya diaannoe.

HOOSEI 2:5

Amansa foora ikkitino daafira, insa shollaataamu garinni godobbino. Konne coye assitinohuno, «Ella'yawa ha'reemma; insano sagalenna waa, ge'reewu ordanninna shaalado shalonni gannoonni imaana, ejersu zayitenna woyinete xajje uyitannoereeti» yitino daafiraati.

HOOSEI 4:11

Kaaliiqi, «Foorre, galonna haaro woyinete xajje manni'ya wodana huntino.

HOOSEI 7:5

Mootensa jili barra, gashshaano lowota woyinete xajje agge dimbite dhiwantu. Tima ganannohuno haariimannosi mannira malaate leellishara angasi kayisi.

AMOOTSI 2:8

Asale baata dandiitannokki buxane aaninni uddano amadote adhitanno. Kakkalo shiqishshanno darga baalawa hattenne uddano diphite goxxanno. Asalaasinete anganni murote adhitinota woyinete xajje abbite Maganinsa mine agganno.

AMOOTSI 6:6

Woyinete xajje birilletenni ikkikkinni, gawatetenni agginanni. Lowo geeshsha waaga iibbado shitto buudhitinanni; Israeelete aana daggino baora kayinni, horonta didadillitinanni. Konne baala coye assitinanni daafira, ki'nera aanne'e!

MIKIYAASI 7:7

Ani kayinni Kaaliiqa agadheemmo. Gatisaancho'ya Magano hexxeemmo. Isino macciishshannoe.

ZAKKAARIYAASI 1:16

Kunnira, Yerusaalamete Katama maarammora galagale dayemmo; Qullaawu Mini'yanna katamu gatamaramanno› yiino yite lallawi» yiie.

MAATEWOOSI 26:50

Yesuusi qole, «Jaala'ya! Xaate dayotto haja guxxi!» yiisi. Hakkunni gedensaanni, mannu daye Yesuusa amadi.

UMI QORONTOOSI 10:21

Mootichu finiinchira agginanni, qoltine durriisu finiinchira aga didandiitinanni. Mootichu sagale ittinanni heedhine, qoltine durriisu sagale ita didandiitinanni.

UMI QORONTOOSI 10:7

«Mannu itaranna agara ofolli; sirbahono kai» yine borreessinoonninte gede, insa giddonni gamisu kaphu maganna magansidhino; ki'neno insa gede ikkitinoonte.

UMI PHEEXIROOSI 4:3

Daga assitanno gede akkimala ikkitonni, busha hamaandenni, dimbatenni, sirbatenni, dimbatenninna battennita kaphu maganna magansi'ratenni heedhinoonni diri ikkino.

EJJEETTO 10:16

Hakkunni gedensaanni giddonsa noota allagga maganna hooltu. Kaaliiqano magansidhu; Kaaliiqino Israeelete gadado lae cinca hoogi.

EJJEETTO 9:27

Gatinni woyinensa xinqidhe huuncituhu gedensaanni, maganinsa mine hagiirru ayyaana ayirrissu. Hakkiicho ittanninna agganni Abemeleeki xontu.