HOOSEI 2:8 - Qullaawa Maxaafa

⁸ Ise gide, woyinete xajje, ejersu zayite oommosehu ane ikkoommota diwodanchitino. Ani batise oommose birranna culka Ba"aalira uyitino.

HOOSEI 2:8 ပူးပေါင်းရင်းမြစ်များ

UMI DUDUWO 29:16

Kaaliiqa Maganonke, konne baala jajja gamba assinoommohu qullaawu su'mikkira Qullaawa Mine minateeti. Ikkollana baalunku ateho; ninkerano atilla oottonke.

IYYOOBI 19:8

Maganu saeemmokki gede doogo cufinoe; doogo'ya tunsichunni beeshshino.

ISAYAASI 1:3

Handu nafa ceinoha annasi afino; harrichuno maddarannosiha egennino. Israeelete kayinni hattenne diegennino; manni'ya wodancha diafi'rino» yii.

ISAYAASI 46:6

Mitu ogoronsa fante culka lolaassanno; birrano keenaasinchoho keentanno. Magansi'nanni misile seekkannonsa gede, siwiila tumannohura woxe uyitanno; seekkinoonni magannara kumbuultanni magansidhanno.

ERMIYAASI 7:18

Ooso haqqe gamba assitanno; annuwa giira giirtanno. Meentu Gordu Mootitteeti yinannitera kaphu maganora tima ganara bullee liisanno. Ane hanqissara yite agattote fushshaate wole kaphu magannara lolaassino.

HIZIQEELI 23:41

Biifino daallasinsara ofollino; ani oommonsari hixaanunna ejersu zayite gattukkinni, dancha coye baala albansaanni noo xarapheezzi aana dire worino.

DAANIEELI 3:1

Moote Nabukadanatsoori hojja 60 cigile, hala'linye 6 cigile ikkitanno misile culkunni seekkisiise, Baabilooni gashshootira Duura yinanni xawira uurrisi.

DAANIEELI 5:23

Hakkiinnino sa'e gordu Mootichi aana boo'natenni umokki gotti gotti assootto. Maganu Mininni gurre abbinoonni uduunne abbisiisseenna atinna ayirraddikki, qataanyunnihunna irkote meentikki woyinete xajje agginoonni. Agginihu gedensaanni la"a woy macciishsha dandiitannokkirenna mittoreno assite affannokkire culkunni, birrunni, camotenni, siwiilunni, haqqetenninna kinchunni seekkinoonni maganna galaxxitinoonni. Shaahera woy gatisahera dandaannohanna assattore baala afannoha Heeshshote Magano kayinni diayirrisootto.

HOOSEI 10:1

Israeelete manni lowo hunduruurro amaddino haqqicho woyinennite gedeeho. Qiniitu bati'rinsa deerrinni, batinye kakkalote darga seekkidhino. Baattonsa guma uyite duroonsitunsa deerrinni, kaphu magannara kumbuullannita kinchu misilla seesiisse seekkidhu.

HOOSEI 13:1

Efireemi ga're Israeelete mannira aliidita ikkite noo waro, coyidhanna macciishshituri baalu huxidhanno. Gedensaanni kayinni Ba"aalira kumbuulatenni cubbo loossino daafira gooffino.

HOOSEI 13:2

Xaano cubbu aana cubbo loossanni no. Uminsara birra daashshite siittu misillanni kaphu maganna seekkidhe kumbuultino. Tenne angatenni seekkinoonnitera siittu misillara, «Amme kakkalo shiqishshe; sunqensa» yitanno.

HOOSEI 2:5

Amansa foora ikkitino daafira, insa shollaataamu garinni godobbino. Konne coye assitinohuno, «Ella'yawa ha'reemma; insano sagalenna waa, ge'reewu ordanninna shaalado shalonni gannoonni imaana, ejersu zayitenna woyinete xajje uyitannoereeti» yitino daafiraati.

HOOSEI 4:11

Kaaliiqi, «Foorre, galonna haaro woyinete xajje manni'ya wodana huntino.

HOOSEI 8:4

«Ani yuummokkinni moote moohisidhino; ane xa'midhukkinni gashshaano doodhitino. Birrinsanninna culkinsanni uminsara ba"ate ikkitannota kaphu maganna seekkidhino.

IMBAAQOOMI 1:16

Qawaaxxidhe heedhanno gede kaa'lannonsare baala abbitannonsa daafira woshshaadonsara kakkalo shiqishshanno.

LUQAASI 15:13

Shiimu barri gedensaanni, maa'niidi beetti iillinosire baala gamba assi're, fule xeerto gobba ha'ri. Hakko marinowa afi'rino woxe baala haafurira fince gudino.

ROOMU SOKKA 1:28

Mannu Magano afate hasi'rinokki daafira, saalsiisanno coye assanno gede, tidhitinokki hedo giddo facci asse agurinsa.

MARRO 8:18

Hatteentenni techo la'ininte gede jiro afidhinanni gede wolqa uyino'nehu, annuwa'nera xaarino gondoori wo'manno gede assinohu iso ikkinohura, Magano'ne Kaaliiqa qaagge.

EJJEETTO 9:27

Gatinni woyinensa xinqidhe huuncituhu gedensaanni, maganinsa mine hagiirru ayyaana ayirrissu. Hakkiicho ittanninna agganni Abemeleeki xontu.