HOOSEI 2:7 - Qullaawa Maxaafa

⁷ Ellase hoode doddanno; kayinnilla di"iillitanno. Jawaatte hasidhannonsa; kayinnilla diafidhanno. Hakkunni gedensaanni, «Xaa heeshshonni albiti woyyitannoe. Kunni daafira albi ayiddaanni'yawa higeemma» yitanno.

HOOSEI 2:7 ပူးပေါင်းရင်းမြစ်များ

LAYINKI DUDUWO 28:23

Akaazi, «Sooriyu mootoolla kaa'litinoti magannansa aneno kaa'litannoe gede kakka'leemmo» yee tenne magannara kakkalono shiqishino. Kuni coyino isiranna mannisira lowo bao abbino.

FAARSO 116:7

Kaaliiqi danchare assinohe daafira, lubbo'ya, xaanni fooliishshi'ri!

ISAYAASI 30:16

Diininkewiinni lekka iibbadu faradinni xoonqe fulleemmo› yitinanni. Ikkollana shorritanno'neri ki'ne roore doddannoreeti.

ERMIYAASI 14:22

Dagate maganna mittuno xeena dirrisse diaffanno; gorduno umisinni shora dishoranno. Kaaliiqa Maganonke, konne baala assa dandaattohu ate ikkootto daafira, ninke ate hexxineemmo.

ERMIYAASI 2:2

«Yerusaalame marte mannaho, «Kaaliiqi yaannore macciishshe: Ati seemo nootta waro, mageeshshi geeshsha ammanamoottaro qaageemmo. Idayichimma nootta warono, mageeshshi geeshsha baxattaero seekke afoommo. Halallitte gobbara mitturi nafa mu'rannokkiwa, ane hoode ha'rootta.

ERMIYAASI 2:28

«Ki'ne anga'nenni seekkidhiniti kaphu maganna hiikkituyya? Katamma'ne batidhunte gede, maganna'neno batidhino daafira gatisso'nena insa huucci'ra mayira gibbini?» yii.

ERMIYAASI 2:36

Wole gobba manni maganna hoode hadhine umo'ne shollishshinoonni. Kunni albaanni Asoori manni shollishi'nente gede, xa qole Gibitsete manni shollishanno'ne.

ERMIYAASI 3:1

Kaaliiqi, «Mittu manchi galtesi ha'riseenna, iseno hadhe woleho assidhuhu gedensaanni galagale galtesi assi'rara dandaannoni? Hatto assiro baatto batteessanno. Ati Israeele kayinni lowo ella ledo foorootta; xa kayinni galagalte ane Kaaliiqiwa higa hasi'rattani?

ERMIYAASI 31:18

«Efireemi, ‹Kaaliiqa! Ninke leenjinshoonnikki booti gedeereeti; ati kayinni hajajammeemmo gede seejjoottonke. Ati Kaaliiqi Maganonke ikkootto daafira, atewa qolinke, ninkeno hingeemmona.

ERMIYAASI 31:32

Kuni gondoori Gibitsetenni anga amade fushshummonsa waro annuwansa ledo eummohu gedeeha di"ikkino. Ani biilonsa ikke hee'reennanni insa gondooro'ya diiggino.

ERMIYAASI 44:17

Ninke assineemmo yinoommore kayinni assineemmo; gordu mootitte yinannitera maganonkera xiniinsi'neemmo. Annuwanke, mootoollankenna gashshaanonke Yihudu katammaranna Yerusaalamete dooggara assitino garinni xaano woyinete xajje fushshaate shiqinsheemmose. Konne coye assinanni hee'ni waro lowo qiniiti noonke; jirono noonke daafira mitto qarrano diafi'noommo.

HIZIQEELI 16:18

Ani oommoheha biifado goondoonni imaana massite misillate uddisiisootta. Ani oommoheta ejersu zayitenna hixaana misillate shiqishootta.

HIZIQEELI 16:8

« ‹Galagale mulekkiinni saummo woyite, mine assi'rate iilloottata afoommo. Mulqame nooha bisokki seemma'yanni diwe baxeemmoheta egensiisate xaaroommo. Adhammohera gondooro e"e umi'yata assi'roommohe. Konne coye coyi'roommohu ani Mootichu Kaaliiqaati.

HIZIQEELI 20:32

Wole daga gede woy haqqenna kinna magansidhannori gede ikkate heddinoonni. Kayinni, kuni horonta di"ikkanno coyeti.

HIZIQEELI 23:12

Iseno jajjabba Asoorootu ejjeettonna olu hajajaano, biifinoha mittu dani imaana uddidhanno olantonna roorroota faradaasine dana xu'mitino wedella baxxe hoodensa doddino.

HIZIQEELI 23:22

Kaaliiqi, «Ohooliiba, ani Mootichu Kaaliiqi yeemmohere macciishshi; hakkuri ellakki cee'mishshinohe. Kayinnilla, insa atera hanqitanno gede asseemmo; doyissite amaddannohe gede insa haa're kawiira abbeemmo.

HIZIQEELI 23:4

Bayiriidita Ohoola yinanni; ise Samaariyaho. Maa'niidita Ohooliiba yinanni; ise Yerusaalamete. Ani insa lamenta adheenna ooso ilinoe.

DAANIEELI 4:17

Konne coye hirqitinori, jawaatte agartannori qullaawa sokkaasineeti; kuni ikkinohu, Wo'munkura Aliidi Magani, gashshootu baalu aana wolqa afi'rinota, mannu baalunku afanno gedeeti. Gashshooteno isi baxinohura aanno; minshoonnirirano roorre aanno› yii.

DAANIEELI 4:25

Mannu mereerinni baxxite hadhe, dubbu moyichi ledo hee'ratto; lamalu diri sa"a geeshsha handu gede hayisso itatto; gordu lojino aanakki dirranno. Kuni baalu coyi iillannohehu Wo'munkura Aliidi Magani mannu gashshooti baalu aana roorre afi'rinotanna gashshoote baalano baxisinosihura aannota afatto geeshshaati.

DAANIEELI 4:32

Mannu mereerinni baxxite dubbu moyichi ledo hee'ratto; lamalu diri sa"a geeshsha handu gede hayisso itatto. Kuni ikkannohuno Wo'munkura Aliidi Magani mannu gashshooti baalu aana roorre afi'rinotanna gashshooteno baxisinosihura aannota afatto geeshshaati› yitanno huuro gordunni daggu.

DAANIEELI 5:21

Mannu mereerinni fule, wodanisi soorrameenna saadate gedeeha ikkino; handu gede hayisso itanni gobba harre ledo hosannoha ikkino. Galannowa hoogeenna manninatisi aana loju dirrino. Kuni ikkinohuno Wo'munkura Aliidi Magani mannu gashshooti baalu aana roorre afi'rinotanna gashshoote hasi'rinohura aa dandaannota afa geeshshaati.

HOOSEI 1:2

Kaaliiqi Hoosei widoonni qole mannisira qaalesi kula hanafi woyite Hooseira, «Manni'ya ane Kaaliiqiwiinni baxxe ceeggifachiishannoha foorrete looso loosanni no. Atino hadhe ammanantinokki mancho adhi; iseno ise gedeeta foora ooso iltohena» yiisi.

HOOSEI 13:6

Kayinnilla hattenne dancha gobba iillitini yannara, ittine duubbine lowo geeshsha boo'nitinoonni; aneno habbinoonni.

HOOSEI 14:1

Israeelete manna! Magani'ne Kaaliiqiwa higge; sarraaqe tugino'nehu umi'ne cubbo ikkinota affe.

HOOSEI 2:16

Qolteno, Ayiddaanna'ya yitannoeta ikkinnina kunni ka'a, Ba"aali yite diwoshshitannoe.

HOOSEI 5:13

«Israeeli dhiwamasi, Yihudu madi'rasi afi woyite, Israeeli albasi Asoori widira higi. Kaa'lo afi'rate jawiidi mootewa manna soqqi. Kayinnilla isi gatisansara woy madansa hursara didandiino.

HOOSEI 5:15

«Loossino sao egente anewa higga geeshsha insawiinni horonta fafe ha'reemmo. Assitino saonni qarru bati'rinsaro, miteekkite hasidhannoeha ikkanno» yii.