HOOSEI 2:3 - Qullaawa Maxaafa

³ Higa hoogguro kayinni, imaanase mulqe ilantu barri gede mullicho asse agureemmose. Moola baatto gede asseemmose; wayi goo'rono shitannose.

HOOSEI 2:3 ပူးပေါင်းရင်းမြစ်များ

FULO 17:3

Mannu kayinni waa goo're noo daafira, «Ninkenna oosonke, saadankeno hada goo'rotenni shaattonkeraati Gibitsetenni fushshittonkehu?» yaanni Musera gungumi.

ISAYAASI 33:9

Baatto moolte, mulla darga ikkitanno; Libaanoosi Dubbino moole, shaqqadu Saarooni Lagichino molo baatto ikkanno. Baasaaninna Qermeloosi Ilaallara noo haqqe, daro giggiltanno.

ISAYAASI 47:3

Mannu baalu mullimmakki la"anno; teedikkino leellanno; ani mittono gatisummokkinni baalanka qorichisheemmo.

ISAYAASI 64:10

Qullaawa katammakki mulla darga ikkitino; Yerusaalameno ona ikkitino.

ERMIYAASI 12:10

Lowoti wole gobba gashshaano, woyinete kaashshiha darga'ya huntino; loosi'reemmo dargano kakkadde huntino; dancha gate'ya mullicho darga assitino.

ERMIYAASI 13:22

«Kuni coyi mayira iillie?» yiittaro, imaanikki dadhame aanikkinni ho'leenna sholloottahu cubbikki batinyinni ikkinota afatta.

ERMIYAASI 13:26

Ani umi'ya imaanakki dare teedikki leellanno gede asseemmo.

ERMIYAASI 14:3

Mootoolla soqqamaanonsa waa dirritara kofamma sokkanno; shiima waano hoogge ora'e, mulla gambayibba adhite higganno.

ERMIYAASI 17:6

Hattoo manchi, noori nookkiwa, maxinete baattora, moola gobbara fulino citi gedeeho. Mitturino qinaannosiri dihee'ranno.

ERMIYAASI 2:31

Ki'ne Israeelete manni yeemmo'nere macciishshe. Ani ki'ne moola baattora woy beebbu tunsichira hune agurummo'neni? Ki'ne diane mannaati? ‹Hasi'nummo gede ikkineemmo ikkinnina atewa dihingeemmo› mayira yitinanni?

ERMIYAASI 2:6

Ani insa wode, Gibitsete gobbanni fushshoommonsa; halallitte baattorano massagoommonsa; boonna batidhino baatto, moollenna qarru bati'rino darga, ayino hee'rannokkiwanna, milli yaannorichi nookki widoonni qole sayisoommonsa. Insa kayinni, ‹Togo assinke Magani hiikki?› yite dihasidhinoe.

ERMIYAASI 22:6

Kaaliiqi Yihudu mini daafira coyi'ranni, «Yihudunnihu mootete mini, Geleaadi woy Libaanoosi birxe gedee ayirradooti. Ani tuge agureemmosi woyite kayinni, mullicho ona katama ikkanno.

ERMIYAASI 4:26

Laeemmo woyite, Kaaliiqi hanqinni kainohunni, dancha shaqqado baatto moola ikkitino; katamma baalano diigante gooffino.

ERMIYAASI 51:43

Katammasi wayi hee'rannokkita, moolanna mullicho ikkitanno. Hakkiicho hee'rannohu dino; heleqqi yaannohano dianfanni.

ERMIYAASI 51:5

Ani Olantote Mootichi Kaaliiqi, Israeelete qullaawi aana saonsa batidhuro nafa, Israeelenna Yihuda diaguroommo.

HIZIQEELI 16:22

Tiyyi'nanni foorre assatta woyite, mullicho mundeetenni dana ba'e fittifatittata anjekki yannare nafa diqaagootta› yite kuli» yii.

HIZIQEELI 19:13

Xa qolte halalla wayi nookkiwa, moola baattora kaasantino.

HOOSEI 13:15

Israeeli roduuwisi giddo jawaata ikkirono, giirtannota soojjaati bubbe halallinni soyemmosi. Bu'asinna wayi ballasi mooshshitanno; umo afi'rino coye baalanka huntanno.

HOOSEI 2:10

Ellase albaanni mullicho asse agureemmose; anga'yanni gatisannosehu dino.

YOHAANNIS AJUUJA 17:16

Laittoti tonne buuddanna moyichu, foortanno mancho gibbannose; afidhinore baala mulqite mullicho agurtannose. Maalase ittanno; giirateno tuggannose.

EJJEETTO 15:18

Samisoni lowo geeshsha goo'rinohura, «Ane borojjichikkira tenne jawa qeelle ootto. Xa goo'rotenni reyoyya? Tenne maganiweelo gosa angara eo?» yaanni Kaaliiqiwa hige woxarati.