HOOSEI 2:21 - Qullaawa Maxaafa

^21-22 Hatte yannara manni'ya Israeelete huuccatto macciishsheemmo; xeenano baattote dirranno gede asseemmo; baattono gide, woyinennitanna ejersu laalo aatenni, Iyiziraeelira dawaro qoltanno.

HOOSEI 2:21 ပူးပေါင်းရင်းမြစ်များ

ISAYAASI 55:10

Xeenunna bullaame kaade gordunni dirrite, baatto qufisse jajja laashshitannonte gedenna, wixi'rinohura guma, itannohurano sagale uyitukkinni higgannokkinte gede,

ISAYAASI 62:4

Kunni ka'a, «Hambe Agurroonnite» diyinannihe; baattokkino, «Onate» diyinanni. Haaru su'mikkino, «Kaaliiqi Hagiidhinosete» yinanniha ikkanno; Baattokkino, «Galte Afidhinote» yinanni. Kaaliiqira atenni tashshi yaannosi; baattokkino galte noose mancho gedeeta ikkitanno.

ISAYAASI 62:5

Seemo beetto adhanno qeedhichi gede, kalaqinohehu Kaaliiqi atera galtekki ikkanno. Adhinohu idayichosinni hagiidhannonte gede, Maganikkino atenni hagiidhanno.

ISAYAASI 65:24

Woshshidhukkinni yee yeemmonsa; huuccidhe guddukkinni qoleemmonsa.

HIZIQEELI 36:29

Batteessanno'ne coyi baaluwiinni gatiseemmo'ne; kunni ka'a hudidhinannikki gede gide halashsheemmo'ne.

HOOSEI 14:7

Galagalte higge caali'ya hunda heedhanno; gidu mu'ri gede ikkite lattanno. Woyinete kaashshi gede daraartanno; Libaanoosi woyinete xajje gede egennantinore ikkitanno.

IYUEELI 2:19

Kunni daafira Maganu, «Kuneeti gide, haaro woyinete xajjenna ejersu zayite, duubbina geeshsha eemmo'ne. Kunni ka'a daga arrassitanno gede diasseemmo'ne.

ZAKKAARIYAASI 13:9

Gatinoha mitte anga ikkanno manna haa're giiranniwa masse, birru gede daashshe, culku gede fonqole xalaltanno gede asseemmonsa. Hakkunni gedensaanni anewa higge huuccidhanno; anino dawareemmonsa. Anino, ‹Ki'ne manna'yaati› yeemmonsa; insano, ‹Kaaliiqi Maganonkeeti› yitannoe» yaanno.

ZAKKAARIYAASI 8:12

Gidensa keerunni wixidhanno; woyinensano lowo laalo amaddanno; lowo xeeni hee'ranno daafira, baatto lowo gide uyitanno; gatino manni'yara konne baala atoote eemmonsa.

ZAKKAARIYAASI 8:8

Abbe Yerusaalamete heedhanno gede asseemmonsa; insa manna'ya ikkitanno; anino Maganonsa ikkeemmo; taalotenninna halaalunni Maganonsa ikkeemmo» yaanno.

MILKIYAASI 3:10

Mine'ya intanniri hala'lanno gede uyitinanniha tonnunni mitto gudissine abbitine gootaraho worre. Hatto assitineenna, ani qole waalcho fane dancha attote batise aa hoogummo'nero tennenni affe"e. Konne coye coyi'roommohu ani Olantote Mootichi Kaaliiqaati.

MILKIYAASI 3:11

Gidi'ne aaninni sixa hooleemmo. Woyine'ne laalo dixe'anno. Konne coye coyi'roommohu ani Olantote Mootichi Kaaliiqaati.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

ROOMU SOKKA 8:32

Mitto Beettosi mararikkinni sayise uyinonke Magani, Beettisi ledo wole coye baala aa hiikke hoogannonke?