HOOSEI 2:20 - Qullaawa Maxaafa

²⁰ Gondooro'yano agare galte'ya assi'reemmohe; atino ani Kaaliiqa ikkoommota afatta.

HOOSEI 2:20 ပူးပေါင်းရင်းမြစ်များ

KALAQAMA 9:10

lubbo afi'rino kalaqami baalu, markaawete giddonni fultino cea, saadanna dubbu moyichi baalu ledo gondooro e"eemmo.

ISAYAASI 2:4

Isi lowo gosara gibbo hoolanno; kunnira bisensa maarashaho, urdensa haantote soorritanno. Gashshootu gashshootu aana ola dikayisanno; hakkunni gedensaanni olaho qixxaawannohu dihee'ranno.

ISAYAASI 62:4

Kunni ka'a, «Hambe Agurroonnite» diyinannihe; baattokkino, «Onate» diyinanni. Haaru su'mikkino, «Kaaliiqi Hagiidhinosete» yinanniha ikkanno; Baattokkino, «Galte Afidhinote» yinanni. Kaaliiqira atenni tashshi yaannosi; baattokkino galte noose mancho gedeeta ikkitanno.

ERMIYAASI 24:7

Anino ane Kaaliiqa afanno wodana eemmonsa. Hakkunni gedensaanni wo'mu wodaninsanni anewa higganno daafira, manna'ya ikkitanno; anino Maganonsa ikkeemmo.

ERMIYAASI 30:10

«Kunni daafira, soqqamaancho'ya Yaiqoobi, waajjitooti! Israeeli, hexxo mudhitooti! Xeertote gobbanni gatise abbeemmo'ne; ooso'neno qafadantinowiinni qoleemmonsa; waajjishannori nookkiha, keerunni heedhinanni.

ERMIYAASI 32:41

Anino insara danchare assatenni hagiidheemmo. Qoleno insa halaalinta tenne baattora teesse heedhanno gede asseemmonsa.

ERMIYAASI 9:24

Ku'la hasi'rihu, ane egennasi, bagamannokki baxilliha ikka'yanna, halaalenna taalo yoo yeemmohu, ani Kaaliiqa ikkoommota buuxasi ku'lo; ane hagiirsiisanno coyi konneeti» yii.

HIZIQEELI 16:62

Ate ledo eoommoha gondooro'yano haaroonseemmo; atino hatte yannara ani Kaaliiqa ikkoommota afatta.

HIZIQEELI 16:8

« ‹Galagale mulekkiinni saummo woyite, mine assi'rate iilloottata afoommo. Mulqame nooha bisokki seemma'yanni diwe baxeemmoheta egensiisate xaaroommo. Adhammohera gondooro e"e umi'yata assi'roommohe. Konne coye coyi'roommohu ani Mootichu Kaaliiqaati.

HIZIQEELI 34:25

Keere heedhanno gede hexxo eemmonsa; busha moyicho baattote aaninni huneemmo. Kunnira, ge'reewi'ya halalla hee'ranno; dubbohono keere galanno.

HIZIQEELI 34:27

Haqqe laaltanno; gatuno gide fushshanno; mittu mittunku isi umisi baattora keere hee'ranno. Manni'ya qambara hiiqqaqqe, borojjimma gashshitinonsa kaajjaddi anganni wodeemmonsa. Hatte yannara ani Kaaliiqa ikkoommota affanno.

HIZIQEELI 38:23

Kunni garinni, ani jawanna Qullaawa ikkoommota daga baalate leellisheemmo. Hatte yannara, insa ani Kaaliiqa ikkoommota affanno» yii.

HOOSEI 13:4

Kaaliiqi, «Gibitsete gobbanni fushshummo'nehu ani Kaaliiqi Magano'neeti; ane agurranna wolu Magani dino'ne. Gatisaanchi'neno ane callaati.

HOOSEI 2:19

Israeele, ani ayiddaama'ya assi'reemmohe; halaalaanchonna ammanamoommoha ikkeemmohe. Bagamannokki baxillinni baxeemmohe; hegerera galte'ya assi'reemmohe.

HOOSEI 6:6

Ani kakkalotenni roorse baxille hasi'reemmo; shilqinshanni kakkalonni roorse mannu Magano afannota doodheemmo.

LEEWAAWOOTA 26:5

Gide ga'nitinanni heedhineennanni, woyinete laalo gudhitinanni yanna iillitanno; woyinete laalono gudhitinanni heedhineennanni, gide gamba assidhinanni yanna iillitanno; sagale duubbina geeshsha ittinanni; baatto'ne aana harshammi yitine heedhinanni.

LEEWAAWOOTA 26:6

«Baattote keere eemmo; waajjishannori nookkiha goxxine galtinanni; busha moyicho baattote aaninni hooleemmo; baatto'nera olu dika"anno.

MIKIYAASI 4:3

Isi lowo daga mereero yoo yaanno. Mulenna xeertote noo gashshaasine jajjabbunnite mereero nooha, babbadooshshe hoolanno. Kunnira, bisensa heellakkote, urdensa haantote soorritanno. Gashshootu gashshootu aana ola dikayisanno. Kunni ka'a olu roso rosannohu dihee'ranno.

ZAKKAARIYAASI 9:10

Ani Kaaliiqi olu faradi gaare Israeeletenni huneemmo; faradono Yerusaalametenni hooleemmo; olu bagadi baalunku hiiqqaqqamanno. Moote'ne dagate mereero araara kalaqanno; mootimmasino baaru qaccenni qaccete geeshsha iillitanno. Gashshootisino Efiraaxisi Wayinni kayise, gobbate qacce geeshsha iillanno.

MAATEWOOSI 11:27

Anni'ya baalanka coye uyinoe. Annu ka'a Beetto egenninohu ayino dino. Beettu ka'a Anna afinohu ayino dino. Beettu leellishinonsare agurranna Anna afinohu dino.

LUQAASI 10:22

«Wo'manka coye Anni'ya uyinoe. Beettu ayetiro Anna agurranna afinohu mittuno dino. Beetto agurranna woy Beettu xawise kulinosiha agurranna Anna afannohu mittuno dino» yii.

YOHAANNISI 17:3

Hegere heeshshono, ati callu halaalaancho Magano ikkoottotanna soottoha Yesuusa Kiristoosa afate.

YOHAANNISI 8:55

Ikkollana ki'ne iso diaffinoonni; ani kayinni iso egennoommo. Ani iso diegennoommo yuummoro ki'nente gede kaphaancho ikka'yaati. Iso egennoommo; qaalesino agadheemmo.

LAYINKI QORONTOOSI 4:6

«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.

FILIPHISIYUSI SOKKA 3:8

Mooticha Yesuusa Kiristoosa egennatenni roorinori mitturino nookkita afe, baalankare mullare asse aguroommo. Isi daafira yee wole baalanka coye hune aguroommo; Kiristoosiha ikkammora yee wo'mankare ishinu gede asse aguroommo.

QOLASIYAASI SOKKA 1:10

Qolleno, Mootichaho maltino heeshsho heedhinanni, baalunku coyinni dancha guma laaltinanninna Maganu egennonni lophitinanni wo'mante doogonni hagiirsiissinannisi gede huuccatto assineemmo'ne.

LAYINKI XIMOOTEWOOSI 1:12

Konne qarra adheemmohuno kunni daafiraati. Ikkollana ammanoommoha egennoommo daafira disaaleemmo. Uyinoonnie eeggo hakko barri geeshsha agadha hasiissannoeta huwatoommo.

IBIRAAWOOTA 8:11

Ajuno akkaluno afannoe daafira, ‹Mooticha egenni!› yee jaalasi woy rodoosi rosiisannohu dihee'ranno.

UMI YOHAANNISI 4:6

Ninke Maganunnireeti; Magano egenninohu, yineemmore macciishshannonke; Maganunniha ikkinokkihu kayinni dimacciishshannonke; halaalu Ayyaananna so'rote ayyaana bande anfeemmohu kunninniiti.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.